ભેટ / PM મોદીએ પોતાની જમીનનું કર્યું દાન, ગાંધીનગરમાં બનશે વિશાળ 'નાદબ્રહ્મ', ફોટોમાં દેખાઈ ભવ્યતા

પ્રધાનમંત્રી નરેન્દ્ર મોદી લોક ચાહનામાં અવ્વલ નંબર હાંસલ કરી રહ્યાં છે. જેમની ચાહના પાછળ એવું કહેવામાં આવી રહ્યું છે કે, તેઓ દેશના વિકાસમાં સતત કાર્યશીલ રહે છે સાથો સાથ તેમની દરેક બાબતમાં વિચારશૈલી અગ્રીમ હરોળની હોય છે. આ બધાની વચ્ચે તેમની લોકસેવાની વધુ એક માહિતી ધ્યાને આવી છે. PM મોદીએ પોતાની ગાંધીનગર સ્થિતની જમીન એક ટ્રસ્ટને દાનમા આપી દીધી છે.

PM મોદીએ પોતાની જમીન એક ટ્રસ્ટને દાનમા આપી

પ્રધાનમંત્રી નરેન્દ્ર મોદીએ પોતાની ગાંધીનગર સ્થિતની જમીન એક ટ્રસ્ટને દાનમા આપી દીધી છે. આપને જણાવીએ કે, આ જમીન પર નાદબ્રહ્મ નામની એક ઇમારત બની રહી છે. જે ઇમારત 16 માળની હશે. જેમાં સંગીતની વિશ્વકક્ષાની સુવિધાઓ પણ ઉપલબ્ધ હશે. આ ઈમારત વિશ્વમાં પોતાના અનોખા પ્રકારની અનોખી ઈમારત હશે

'આશ્રમ ભૂમિ વંદના' પ્રોજેક્ટનો શુભારંભ

તો બીજી તરફ પ્રધાનમંત્રી આજે ગુજરાતના પ્રવાસે હતાં. વડાપ્રધાન નરેન્દ્ર મોદીએ દાંડીકૂચ દિવસે સાબરમતી આશ્રમની મુલાકાત લઈ ગાંધીવંદના કરીને 'આશ્રમ ભૂમિ વંદના' પ્રોજેક્ટનો શુભારંભ કરાવ્યો હતો, સાથે સાથે પુનઃવિકસિત કોચરબ આશ્રમનું ઉદ્ઘાટન પણ કર્યું હતું. વડાપ્રધાનએ મહાત્મા ગાંધીની પ્રતિમાને પુષ્પાંજલિ અર્પણ કરીને હૃદય કુંજની મુલાકાત લીધી હતી. સાથે જ તેમણે પુનઃ નિર્માણ પ્રોજેક્ટને દર્શાવતું પ્રદર્શન પણ નિહાળ્યું હતું. આશ્રમ પરિસરમાં વડાપ્રધાનના હસ્તે વૃક્ષારોપણ કરવામાં આવ્યું હતું. 

વાંચવા જેવું: ગુજરાતમાં મધદરિયેથી ફરી ઝડપાયું 480 કરોડનું ડ્રગ્સ, સંયુક્ત ઓપરેશનમાં મળી મોટી સફળતા

વડાપ્રધાનએ શું જણાવ્યું હતું ?

આ પ્રસંગે વડાપ્રધાનએ જણાવ્યું હતું કે સાબરમતી આશ્રમ હંમેશાં અજોડ ઊર્જાનું જીવંત કેન્દ્ર રહ્યું છે. અહીંયા આવીને આપણે બાપુની પ્રેરણા અનુભવીએ છીએ. તેમણે વધુમાં કહ્યું કે,સાબરમતી આશ્રમે પૂજ્ય બાપુના સત્ય અને અહિંસા, રાષ્ટ્રસેવા અને વંચિતોની સેવામાં ભગવાનની સેવા જોવાના મૂલ્યોને જીવંત રાખ્યા છે. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો