- જો તમારી પાસે ટિકિટ નથી તો પણ કરી શકો છો મુસાફરી
- પ્લેટફોર્મ ટિકિટ લઈને જ ટ્રેનમાં ચઢી શકો છો
- તમે જ્યાંથી બેઠા ત્યાંથી લઈ જ્યાં જવાનું છે ત્યાં સુધીની ટિકિટ મળશે
દરેક ભારતીય લાંબા અને ટૂંકા અંતરની મુસાફરી માટે ટ્રેનમાં મુસાફરી કરે છે. સસ્તી અને સુલભ મુસાફરીને કારણે મોટાભાગના લોકો રેલ્વેમાં મુસાફરી કરવાનું પસંદ કરે છે. ભારતીય રેલ્વે મુસાફરોને તણાવમુક્ત મુસાફરી માટે તમામ સંભવિત સુવિધાઓ પણ પૂરી પાડે છે. રેલવેની એક એવી સુવિધા છે. જેના વિશે તમે ભાગ્યે જ જાણતા હશો. ટ્રેનમાં મુસાફરી કરવા માટે ટિકિટ હોવી જરૂરી છે. પરંતું જો તમારી પાસે ટિકિટ ન હોય તો પણ તમે મુસાફરી કરી શકો છો અને આ માટે પ્લેટફોર્મ ટિકિટ ખૂબ જ ઉપયોગી છે.
ટીસીને મળીને સરળતાથી ટિકિટ મેળવી શકો છો
ખરેખર, રેલ્વેના નિયમો અનુસાર, જો તમારી પાસે રિઝર્વેશન નથી અને તમારે ટ્રેનમાં મુસાફરી કરવાની છે તો તમે પ્લેટફોર્મ ટિકિટ લઈને જ ટ્રેનમાં ચઢી શકો છો અને ટીસીને મળીને સરળતાથી ટિકિટ મેળવી શકો છો. આ નિયમ રેલવે દ્વારા જ બનાવવામાં આવ્યો છે.
ભાડું વસુલ કરતી વખતે તે જ વર્ગનું ભાડું ચૂકવવું પડશે
આ નિયમ હેઠળ તમારે પ્લેટફોર્મ ટિકિટ લીધા પછી તરત જ ટીસીનો સંપર્ક કરવો પડશે. પછી ટીસી તમને ટિકિટ બનાવી આપશે. પ્લેટફોર્મ ટિકિટ પેસેન્જરને ટ્રેનમાં ચડવા તેમજ મુસાફરી કરવાનો અધિકાર આપે છે. જો કે આ માટે પેસેન્જરે તે જ સ્ટેશનથી ભાડું ચૂકવવું પડશે જ્યાંથી પ્લેટફોર્મ ટિકિટ ખરીદી છે. ભાડું વસુલ કરતી વખતે તે જ વર્ગનું ભાડું ચૂકવવું પડશે. જેમાં તમે સવાર થયા છો.
કાઉન્ટર પરથી ખરીદેલી ટિકિટ તમારી પાસે રાખવી જરૂરી છે
કાઉન્ટર પરથી ખરીદેલી ટિકિટ તમારી પાસે રાખવી જરૂરી છે. રેલ્વે કાઉન્ટર પરથી ખરીદેલી ટિકિટ મુસાફરી સમયે તમારી સાથે રાખવી જરૂરી છે. જો મુસાફર પોતાના મોબાઈલમાં રેલ્વે ટિકિટનો ફોટો લઈને મુસાફરી કરવા માંગે છે તો આવું થઈ શકે નહીં. જો કાઉન્ટર ટિકિટ ઉપલબ્ધ ન હોય, તો અમુક શરતો પૂરી થાય તો મુસાફરને મુસાફરી કરવાની મંજૂરી આપવામાં આવી શકે છે.
