- પોરબંદરનાં બરખલામાં બે ખેડૂતો વચ્ચે થઈ બોલાચાલી
- ઉગ્ર બોલાચાલીમાં ખેડૂત કર્યું ફાયરીંગ
- ફાયરીંગમાં પ્રૌઢનું મોત નિપજ્યું
પોરબંદરનો વિખ્યાત બરડો ડુંગર ફરી એકવાર ગોળીઓની ગુંજ થી ગર્જી ઉઠ્યો છે. બરડા પંથકના બખરલા ગામે બે ખેડૂતો વચ્ચે ચાલી રહેલા જમીનના ઝઘડામાં એક ખેડૂતે કરેલા ફાયરીંગમાં પ્રૌઢનું મોત નિપજ્યું હતું. જ્યારે તેના ભત્રીજાને ગંભીર ઈજાઓ થતા સારવાર માટે પોરબંદરની ભાવસિંહજી હોસ્પિટલમાં ખસેડવામાં આવ્યો હતો. ફાયરીંગની ઘટનાના પગલે નાના એવા બખરલા ગામમાં અફડાતફડીનો માહોલ સર્જાઈ ગયો હતો.જો કે પોલીસે ગણતરી ની કલાકો માં આરોપી ને ઝડપી પાડ્યો હતો.
ગોળી પેટનાં ભાગેથી આરપાર નીકળી જતા મૃત્યું નિપજ્યું
પોરબંદરના બખરલા ગામે રહેતા ખીમાભાઈ ગીગાભાઈ ખુંટી અને તેમના ભત્રીજા કિશોરભાઈ માલદ ભાઈ ખુંટીની જમીન ગામના જ અરજણ નરબત ખુંટી નામના શખ્સની બાજુ માં આવેલી છે.આ જમીન નજીક નહેર ખોદવા બાબતે બન્ને ખેડૂતો વચ્ચે ઝઘડો ચાલી રહ્યો હતો. જે ઝઘડાએ ઉગ્ર સ્વરૂપ ધારણ કરતા અરજણ નરબત ખુંટીએ ખીમા ગીગા અને તેના ભત્રીજા કિશોર માલદે પર ફાયરીંગ કર્યું હતું. જેમાં એક ગોળી ખીમાભાઈને પેટના ભાગે આરપાર નીકળી જતા તેમનું મૃત્યુ નિપજ્યું હતું. જ્યારે કિશોર માલદને ગોળી વાગવાથી ગંભીર ઈજાઓ થતા સારવાર માટે પોરબંદરની સિવિલ હોસ્પિટલમાં ખસેડાયો હતો.ઘટનાની જાણ થતા બગવદરના પી.એસ.આઈ. એ.એ. મકવાણા સહિતનો પોલીસ સ્ટાફ બખરલા ગામે દોડી ગયો હતો.
પોલીસે ફાયરીંગ કરનારને ઝડપી પાડી તેની વિરૂદ્ધ ગુનો નોંધ્યો
બનાવની જાણ થતાં ડી.વાય.એસ.પી સહિતના અધિકારીઓ દ્વારા શહેરમાં નાકાબંધી કરી હતી. અને પોલીસે ગણતરીની પળોમાં જ ફાયરીંગ કરનાર અરજણ નરબત ખુંટીને ઝડપી લઈ તેની સામે હત્યા તથા હત્યાના પ્રયાસ સહિતની કલમો હેઠળ ગુન્હો નોંધવાની તજવીજ હાથ ધરી હતી.
કોર્ટે આરોપીનાં 5 દિવસનાં રિમાન્ડ મંજૂર કર્યા
પોલીસે ફાયરિંગ કરનાર અરજણ નરબત ખુંટીને ઝડપી પૂછપરછ હાથ ધરી હતી.પોલીસે નામદાર કોર્ટે આરોપીના 5 દિવસના રિમાન્ડ સાથે રજૂ કરતા કોર્ડ દ્વારા 3 દિવસ ના રિમાન્ડ મંજુર કર્યા છે. પોલીસે આરોપી પાસેથી ફાયરિંગમાં વપરાયેલ હથિયાર, કાર્ટીઝ અને કાર જપ્ત કરી વધુ કાર્યવાહી હાથ ધરી છે. બનાવના પગલે નાના એવા બખરલા ગામમાં પોલીસે કોઈ અનિચ્છનીય ઘટના ન બને તે હેતુ કડક બંદોબસ્ત ગોઠવ્યો છે.
