કંગાળ / 'પાકિસ્તાન દેવાળિયું થઈ ગયું..' PAKના રક્ષામંત્રીએ ફોડ્યો ફટાકડો, જુઓ VIDEO

• પાકિસ્તાને દેવાળું ફુક્યું: રક્ષા મંત્રી ખ્વાજા આસીફે કર્યો કંગાળ થઈ ગયાનો સ્વીકાર
• પાડોશી દેશની હાલક-ડોલક સ્થિતિ
•  પાક. સરકાર ભારે દ્વિધામાં મુકાઈ ગઈ

છેલ્લા કેટલાક દિવસોથી સામે આવી રહેલા અહેવાલોમાં જાણવા મળી રહ્યું છે કે, પાકિસ્તાનમાં મોંઘવારી ચરમ સીમા પર છે. સ્થિતિ ખૂબ નાજુક બતાવવમાં આવી રહી છે. પ્રજાને ખાવા પીવાના પણ સાંસા પડી રહ્યા છે. અત્યાર સુધી એવું કહેવામાં આવી રહ્યું હતું કે, પાકિસ્તાન દેવાળીયું ફૂંકવાની કગાર પર છે. જોકે હવે પાકિસ્તાનના જ રક્ષા મંત્રીએ એથી પણ વધુ આગળ વાત કરી દીધી છે. તેમણે કહ્યું કે પાકિસ્તાન ડિફોલ્ટ થઈ રહ્યું છે એવું નથી. પાકિસ્તાન અત્યારે ડિફોલ્ટ થઈ ચૂક્યું છે.

Khwaja Asif declair pakistan default .
Defence minister
Since from some days A member of America Atomic control visit pakistan Atomic control Room. Now it will declair officially Default already deal done for selling Atom bomb
Thats the All story. pic.twitter.com/ZVGLsJeLpr

— Mr KHAN (@Zahidul79252962) February 18, 2023

પાકિસ્તાનના પૂર્વ વડાપ્રધાન ઈમરાન ખાન પર આકરા આક્ષેપો કર્યા

એક વીડિયો હાલ સોશ્યલ મીડિયા પર વાઈરલ થયો છે જેમાં પાકિસ્તાનના સિયાલકોટની એક ખાનગી કોલેજના દિક્ષાંત સમારોહમાં વિદ્યાર્થીઓને સંબોધન કરતા પીએમએલ - એન પાર્ટીના નેતા અને પાકિસ્તાનના રક્ષા મંત્રી ખ્વાજા આસીફે જણાવ્યું કે, વાસ્તવિકતા એ છે કે, પાકિસ્તાન ડિફોલ્ટ નથી કરતું, પરંતુ તે પહેલાથી જ ડિફોલ્ટ થઈ ચૂક્યું છે અને આપણે એક નાદાર દેશમાં જીવી રહ્યા છીએ. પોતાના ભાષણ દરમિયાન ખ્વાજા આસીફે પાકિસ્તાનના પૂર્વ વડાપ્રધાન ઈમરાન ખાન પર આકરા આક્ષેપો કર્યા અને તેમણે કહ્યું કે, પાકિસ્તાનમાં આતંકવાદને પરત ફરવા દેવાની અનુમતિ ઈમરાન સરકારે આપી હતી. ઇમરાન ખાને એવો ખેલ ખેલ્યો કે આતંકવાદ આપણી નિયતિ બની ગયો છે. તેમણે એમ પણ કહ્યું કે, આપણી તમામ સમસ્યાનો ઉકેલ આપના દેશમાં જ છે પણ આપણે આઈએમએફ તરફ જોઈ રહ્યા છીએ.

ત્રણ સપ્તાહ ચાલે તેટલુ જ વિદેશી ભંડોળ
ઉલ્લેખનીય છે કે, પાકિસ્તાનની આર્થિક વ્યવસ્થા સતત ભાંગી રહી છે. વિદેશી મુદ્રા ભંડોળ 3 અબજ ડોલરથી પણ આવી ગયો છે. આયાતની દ્રષ્ટિએ જોઈએ તો આ ભંડાર માત્ર ત્રણ સપ્તાહ ચાલે તેટલો જ છે . એટલે જ પાકિસ્તાનની સંપૂર્ણ આશા આંતર રાષ્ટ્રીય મુદ્રા કોષ તરફથી મળતી મદદ પર ટકેલી છે. જોકે આઈએમએફ સાથે ડિલમાં ખૂબ અવરોધો આવી રહ્યા છે તેથી પાકિસ્તાનની ચિંતા વધી ગઈ છે.

પાકિસ્તાનમાં નાણાપ્રધાન રાજીનામુ આપે તેવી માંગ ઉઠી
આવી સ્થિતિમાં પણ પાકિસ્તાની અગ્રણીઓ એક બીજા પર ઠીકરા ફોડી રહ્યા છે. ઇન્વેસ્ટમેન્ટ બેન્કર અને ઇક્વિટી ઇન્વેસ્ટમેન્ટ્સના વડા યુસુફ નઝરે જણાવ્યું હતું કે, નાણા પ્રધાન ઇશાક ડાર પાસે વૈશ્વિક ધિરાણકર્તા આઇએમએફ સાથે કામ કરવા અથવા સુધારણા યોજના રજૂ કરવાની કુશળતા નથી. જે ઝડપથી આર્થિક વ્યવસ્થા પડી ભાંગી રહી છે તે અટકાવવું હશે તો ઇશાક ડરે તેના પદ પરથી રાજીનામું આપવું પડશે. જો એવું નહીં થઈ શકે તો આપણે હજુ પણ આથી વધુ ખરાબ દિવસો માટે તૈયાર રહેવું પડશે.