બ્રેકિંગ ન્યુઝ
બ્રેકિંગ ન્યુઝ
VTV / લાઈફસ્ટાઈલ / તમારા કામનું / પેટ્રોલ-ડીઝલ ઓટોને EVમાં કન્વર્ટ કરો! સરકાર આપશે ₹1.50 લાખ સુધીની સબસિડી
5 ફોટો ગેલેરી
Last Updated: 09:57 AM, 18 August 2026
FOLLOW ON
શેર કરો
1/5
સમગ્ર દેશમાં પ્રદૂષણ ઘટાડવાના પ્રયત્ન ચાલી રહ્યા છે અને વિવિધ રાજ્યો નવી યોજનાઓ અમલમાં મૂકી રહ્યા છે. હવે, તેલંગાણા સરકારે જૂના પેટ્રોલ અને ડીઝલ સંચાલિત ઓટો-રિક્ષાઓને ઇલેક્ટ્રિક વાહનોમાં રૂપાંતરિત કરવા માટે એક નવી યોજના શરૂ કરી છે. ‘તેલંગાણા ઓટો-રિક્ષા ઇલેક્ટ્રિક કન્વર્ઝન સ્કીમ-2026’ નામની આ પહેલનો ઉદ્દેશ્ય હૈદરાબાદમાં પ્રદૂષણ ઘટાડવાનો, જાહેર પરિવહનને સ્વચ્છ અને પર્યાવરણ-અનુકૂળ બનાવવાનો તેમજ ઓટો-રિક્ષા ચાલકો માટે ઇંધણનો ખર્ચ ઘટાડવાનો છે.
આ તસવીર શેર કરો
2/5
રાજ્યના પરિવહન મંત્રી પોનમ પ્રભાકરે જણાવ્યું હતું કે, આ યોજના હેઠળ પેટ્રોલ અને ડીઝલ સંચાલિત ઓટો-રિક્ષાઓને તબક્કાવાર રીતે ઇલેક્ટ્રિક વાહનોમાં રૂપાંતરિત કરવામાં આવશે. આ ઉપરાંત, જેઓ પોતાની જૂની ઓટો-રિક્ષા બદલવા માંગતા હોય તેમને નવી ઇલેક્ટ્રિક રિક્ષા ખરીદવાનો વિકલ્પ આપવામાં આવશે. સરકારે તાજેતરમાં જ આ યોજના માટે કેબિનેટની મંજૂરી મેળવી છે, અને તેને 'તેલંગાણા રાઇઝિંગ વિઝન-2047'ના લક્ષ્યો સાથે પણ જોડવામાં આવે છે.
આ તસવીર શેર કરો
3/5
સરકારના જણાવ્યા અનુસાર, હાલમાં CURE વિસ્તારમાં 18,766 ઓટો-રિક્ષાઓ કાર્યરત છે જે આ યોજના માટે પાત્ર બની શકે છે, તેમાં 11,254 ડીઝલ અને 7,512 પેટ્રોલ સંચાલિત ઓટોનો સમાવેશ થાય છે. સરકારે ઓટો-માલિકોને બે વિકલ્પો આપ્યા છે. પ્રથમ વિકલ્પ એ છે કે હાલની ઓટોને ઇલેક્ટ્રિક વાહનમાં રૂપાંતરિત કરવી. આ પ્રક્રિયામાં જૂની ઓટોનું ચેસિસ જાળવી રાખીને AIS-123 ધોરણો હેઠળ મંજૂર કરાયેલી ઇલેક્ટ્રિક કિટ લગાવવામાં આવશે.
આ તસવીર શેર કરો
4/5
સરકાર આ હેતુ માટે 1.50 લાખ રુપિયા સુધીની અથવા વાસ્તવિક ખર્ચ આ બેમાંથી જે ઓછું હોય તેટલી આર્થિક સહાય પૂરી પાડશે. આ રકમમાં ઇલેક્ટ્રિક કિટ, ઇન્સ્ટોલેશન ચાર્જ અને જરૂરી ફિટિંગ્સનો સમાવેશ થશે. વાહન માલિકો ફિક્સ્ડ બેટરી કિટ અને સ્વેપેબલ બેટરી કિટ વચ્ચે પસંદગી કરી શકશે.
આ તસવીર શેર કરો
5/5
બીજો વિકલ્પ એ છે કે, જૂનું પેટ્રોલ કે ડીઝલ ઓટો જમા કરાવીને નવું ઇલેક્ટ્રિક ઓટો ખરીદવું. આવા વ્યક્તિઓને ફેક્ટરી-નિર્મિત અને સરકાર-માન્ય નવા ઇલેક્ટ્રિક પેસેન્જર થ્રી-વ્હીલર માટે 1.50 લાખ રુપિયાની નિશ્ચિત સબસિડી મળશે. ડીલર વાહનની 'ઓન-રોડ' કિંમતમાંથી સબસિડીની રકમ અગાઉથી જ બાદ કરી આપશે, જેનાથી લાભાર્થીએ શરૂઆતમાં ઓછી રકમ ચૂકવવી પડશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
ટોપ સ્ટોરીઝ
