અમદાવાદ / ઓઢવમાં ચાણક્ય ઇન્ટરનેશનલ સ્કૂલ પાસે જ ગેસ સિલિન્ડરનું ગોડાઉન

પરંતુ આખા ગામમાં નોટિસ ફટકારવામાં આવી પરંતુ તંત્રને ઓઢવમાં પાસે આવેલી ચાણક્ય ઇન્ટરનેશનલ સ્કૂલ  ન દેખાઈ, કારણ કે  સ્કૂલની બાજુમાં જ ગેસ સિલિન્ડરનું ગોડાઉન આવેલું છે. શહેરના ઓઢવ વિસ્તારમાં આવેલ ચાણક્ય ઇન્ટરનેશન સ્કૂલની બાજુમાં એલપીજી સિલિન્ડરની ગોડાઉન આવેલું છે.

જ્યારે સ્કૂલની ફરતે  સિલિન્ડર ભરેલાં ટ્રક જોવા મળે  છે, આ સ્કૂલમાં હજારથી વધુ વિદ્યાર્થીઓ અભ્યાસ કરે છે તંત્રની ઘોર બેદરકારી સાથે આંખ આડા કાન કરી રહ્યું છે, સ્કૂલની બહાર એલપીજી ભરેલી ટ્રક ઊભી છે ત્યારે સુરત જેવી ઘટના ફરીવાર બનવાની રાહ જોતું હોય તેમ તંત્રની આંખ હજુ પણ બંધ જ છે.

સ્કૂલની બાજુમાં ગોડાઉન આવેલ હોવાથી જેના કારણે સ્થાનિક લોકોમાં તંત્રને લઈને રોષ જોવા મળી રહ્યો છે. મોતના બનાવ બાદ હવે સ્કૂલ પણ જોખમી બની છે. જોકે હાલમાં સ્થાનિકો દ્વારા આક્ષેપ કરવામાં આવી રહ્યા છે કે ગોડાઉન વર્ષો જૂનું છે ચાણક્ય સ્કૂલની પહેલાં પટેલ વાડીની જ મંજૂરી હતી તો પછી આ સ્કૂલ કેવી રીતે બની? સ્કૂલ માટે કોણે મંજૂરી આપી? LPGનું ગોડાઉન વર્ષોથી હતું તો કેમ સ્કૂલ બની? આવા અનેક પ્રશ્નો હાલ તંત્ર સામે ઊઠી રહ્યા છે.

આ અંગે પૂર્વ ઝોનના ડેપ્યુટી એસ્ટેસ્ટ ઓફિસર કાંતુભાઇ પટેલને પૂછતાં તેઓ કહે છે કે જે તે વખતે ઔડાના સમયગાળામાં ગોડાઉનને મંજૂરી આપી હતી તેમ છતાં આ મામલે તંત્ર તપાસ કરશે. ઉલ્લેખનીય છે કે હાલ સુરતની ઘટના બાદ તમામ કોમર્શિયલ બિલ્ડિંગોથી લઈને નોટિસો ફટકારવામાં આવી છે પરંતુ આ પ્રકારના ગોડાઉનોથી બાળકોને  જોખમી સાબિત થશે તે કોણ જવાબદાર રહેશે.