ખાસ વાંચજો ! / મોદી સરકારનો માસ્ટર પ્લાન.! જન્મના દાખલાથી જ થઈ જશે તમામ કામ, આ તારીખથી નિયમ લાગુ કરવા ગૃહવિભાગનો આદેશ

• હવે તમારા બધા કામ બર્થ સર્ટિફિકેટની મદદથી થશે
• નિયમ લાગુ થઈ ગયા પછી તમારે બીજા કોઈ દસ્તાવેજની જરૂર નહીં પડે
• 1 ઓક્ટોબરથી જન્મ પ્રમાણપત્રનો ઉપયોગ સિંગલ દસ્તાવેજ તરીકે થશે
• કેન્દ્રીય ગૃહ મંત્રાલયે બુધવારે તેનું જાહેરનામું બહાર પાડ્યું છે

હવે તમારા બધા કામ બર્થ સર્ટિફિકેટની મદદથી થશે. એકવાર આ નિયમ લાગુ થઈ ગયા પછી તમારે બીજા કોઈ દસ્તાવેજની જરૂર નહીં પડે. 1 ઓક્ટોબરથી જન્મ પ્રમાણપત્રનો ઉપયોગ સિંગલ દસ્તાવેજ તરીકે થશે. પ્રવેશ, ડ્રાઇવિંગ લાઇસન્સ, પાસપોર્ટ અને આધાર સહિત જન્મ પ્રમાણપત્રની મદદથી તમે ઘણી બધી બાબતો કરી શકશો. બર્થ સર્ટિફિકેટને લઈને નવો નિયમ 1 ઓક્ટોબરથી લાગુ થવા જઈ રહ્યો છે. તેનાથી બર્થ સર્ટિફિકેટનું મહત્વ વધુ વધી જશે. 1 ઓક્ટોબરથી જન્મ પ્રમાણપત્રનો ઉપયોગ સિંગલ દસ્તાવેજ તરીકે થશે. કેન્દ્ર સરકારે સંસદના ચોમાસુ સત્રમાં આ બિલ પાસ કર્યું હતું. કેન્દ્રીય ગૃહ મંત્રાલયે બુધવારે તેનું જાહેરનામું બહાર પાડ્યું છે. એકવાર આ નિયમ લાગુ થઈ ગયા પછી તમારે બીજા કોઈ દસ્તાવેજની જરૂર નહીં પડે. તમારું કામ જન્મ પ્રમાણપત્રથી જ થશે. એડમિશન, ડ્રાઇવિંગ લાયસન્સ, પાસપોર્ટ અને આધાર બનાવવાની જેમ તમે જન્મ પ્રમાણપત્રની મદદથી ઘણી બધી બાબતો કરી શકશો. આનાથી ઘણા દસ્તાવેજોની જરૂરિયાત ઘટશે. બાળકના જન્મ પ્રમાણપત્રને માતા-પિતાના આધાર કાર્ડ સાથે લિંક કરવામાં આવશે.

સરકાર ડેટા બેઝ તૈયાર કરશે

હોસ્પિટલો સહિત લગભગ તમામ સરકારી વિભાગો પાસે આ ડેટા હશે. જેનો તેઓ જરૂર પડ્યે ઉપયોગ કરી શકશે. સરકાર જન્મ અને મૃત્યુના રેકોર્ડનું સંચાલન કરવા માટે ડેટા બેઝ તૈયાર કરશે. આ બિલને સંસદના બંને ગૃહોએ ચોમાસુ સત્રમાં મંજૂરી આપી હતી. જન્મ અને મૃત્યુની નોંધણી (સુધારો) બિલ 2023 1 ઓગસ્ટના રોજ લોકસભામાં અને 7 ઓગસ્ટના રોજ રાજ્યસભામાં પસાર કરવામાં આવ્યું હતું.

નવા નિયમથી શું થશે?

જો કોઈ વ્યક્તિ હોસ્પિટલમાં મૃત્યુ પામે છે, તો તે મૃત્યુ પ્રમાણપત્ર આપશે. જો કોઈ વ્યક્તિ બહાર મૃત્યુ પામે છે, તો તે વ્યક્તિની સંભાળ લેતા ડૉક્ટર અથવા તબીબી વ્યવસાયી મૃત્યુ પ્રમાણપત્ર જારી કરશે. આ હેઠળ રજિસ્ટ્રારને જન્મ અને મૃત્યુની નોંધણી મફતમાં કરવાની રહેશે. પ્રમાણપત્ર સાત દિવસમાં આપવામાં આવશે. જો કોઈને રજિસ્ટ્રારની કામગીરી અંગે કોઈ ફરિયાદ હોય તો તેણે 30 દિવસની અંદર અપીલ કરવાની રહેશે. રજિસ્ટ્રારે તેનો જવાબ 90 દિવસમાં આપવાનો રહેશે.

ફાયદા

મૃત્યુ અને જન્મ રજિસ્ટરને મતદાર યાદી સાથે જોડવામાં આવશે. વ્યક્તિ 18 વર્ષની થાય કે તરત જ તેનું નામ મતદાર યાદીમાં આપોઆપ ઉમેરાઈ જશે. જ્યારે કોઈ વ્યક્તિનું મૃત્યુ થાય છે, ત્યારે તેની માહિતી ચૂંટણી પંચ સુધી પહોંચશે. આ પછી તેનું નામ ત્યાંથી આપોઆપ દૂર થઈ જશે.

એનઆરસી પાછલા દરવાજાથી લાવવામાં આવી રહ્યું છે- ઓવૈસી

AIMIM ચીફ અસદુદ્દીન ઓવૈસીએ આ બિલ પર કહ્યું હતું કે કેન્દ્ર સરકાર પાછલા બારણે NRC લાવી રહી છે. તમને જણાવી દઈએ કે નિત્યાનંદ રાયે 26 જુલાઈના રોજ રજીસ્ટ્રેશન ઓફ બર્થ એન્ડ ડેથ (એમેન્ડમેન્ટ) બિલ 2023 રજૂ કર્યું હતું.