5 ફોટો ગેલેરી

ઓટો / આવતા વર્ષે નવા અવતારમાં આવશે Tata Nexon, જાણો કયા ફીચર્સ મળશે એક્સ્ટ્રા

Last Updated: 06:28 PM, 23 October 2026

FOLLOW ON

શેર કરો

આગામી વર્ષ 2027માં નવું એટલાસ પ્લેટફોર્મ, લેવલ 2 એડાસ અને શાનદાર ફીચર્સ સાથે ટાટા નેક્સોનનું નેક્સ્ટ જનરેશન મોડેલ બજારમાં ધમાકો કરવા માટે તૈયાર છે.

1/5

1. આવતા વર્ષે નવા અવતારમાં આવશે Tata Nexon, જાણો કયા ફીચર્સ મળશે એક્સ્ટ્રા

આગામી વર્ષ 2027માં ટાટા મોટર્સ દ્વારા પોતાની અત્યંત લોકપ્રિય સબ-કોમ્પેક્ટ એસયુવી નેક્સોનનું નેક્સ્ટ જનરેશન મોડેલ ભારતીય બજારમાં ઉતારવામાં આવશે. આ નવી ગાડીને 'પ્રોજેક્ટ ગરુડ' કોડનેમ હેઠળ તૈયાર કરવામાં આવી રહી છે, જેમાં મોટા કોસ્મેટિક બદલાવ, અદ્યતન કેબિન ટેક્નોલોજી અને તદ્દન નવું પ્લેટફોર્મ જોવા મળશે. આ સાથે જ આ ઓલ-ઇલેક્ટ્રિક વેરિઅન્ટ નેક્સોન ઇવીને પણ જનરેશનલ અપગ્રેડ આપવામાં આવશે, જેની તાજેતરમાં ટેસ્ટિંગ દરમિયાન ઝલક જોવા મળી છે. એન્જિન વિકલ્પોના મામલે આ ગાડી તેના વર્તમાન પેટ્રોલ, ડીઝલ અને સીસીજી પાવરટ્રેનને જાળવી રાખશે.

આ તસવીર શેર કરો

2/5

2. નવું એટલાસ પ્લેટફોર્મ અને આર્કિટેક્ચર

નેક્સ્ટ જનરેશન ટાટા નેક્સોનની સૌથી મોટી વિશેષતા તેનું નવું એટલાસ (ATLAS) પ્લેટફોર્મ હશે, જે વર્તમાન એક્સ1 આર્કિટેક્ચરનું અપગ્રેડેડ અને રી-ઇજિનિયર્ડ રૂપ છે. આ આધુનિક પ્લેટફોર્મ 3.9 મીટરથી 4.6 મીટર સુધીની લંબાઈ ધરાવતા વાહનો અને અલગ-અલગ બોડી સ્ટાઈલને સપોર્ટ કરે છે. આ પ્લેટફોર્મ પેટ્રોલ, ડીઝલ, સીસીજીની સાથે-સાથે ભવિષ્યની ક્લાઉડ કનેક્ટિવિટી અને અદ્યતન ઇલેક્ટ્રિક આર્કિટેક્ચર તકનીકો માટે સંપૂર્ણપણે સુસંગત છે, જેના કારણે વાહનની મજબૂતાઈ અને રાઈડ ક્વોલિટીમાં મોટો સુધારો જોવા મળશે.

આ તસવીર શેર કરો

3/5

3. આક્રમક ફ્રન્ટ ડિઝાઇન અને લેવલ 2 એડાસ સપોર્ટ

સામે આવેલા સ્પાઇ ઈમેજીસ પરથી જાણવા મળે છે કે નેક્સ્ટ જનરેશન નેક્સોન તેના મૂળ ઓવરઓલ સિલુએટને જાળવી રાખશે, પરંતુ તેનો ફ્રન્ટ પ્રોફાઈલ તદ્દન નવો હશે. તેમાં નવા એર ઇનલેટ્સવાળી ગ્રીલ, બોનેટ લાઇનની નજીક સ્લીક એલઇડી ડીઆરએલ, રીડિઝાઇન કરેલ બમ્પર અને સ્પ્લિટ એલઇડી પ્રોજેક્ટર હેડલેમ્પ્સ મળશે. ટેસ્ટ મોડેલના ફ્રન્ટ બમ્પર પર એક સ્ક્વેર રડાર સેન્સર જોવા મળ્યું છે, જે સ્પષ્ટ સંકેત આપે છે કે 2027 નેક્સોનમાં સુરક્ષા માટે લેવલ 2 અદ્યતન ડ્રાઇવર અસિસ્ટન્સ સિસ્ટમ (ADAS) ટેકનોલોજી આપવામાં આવશે.

આ તસવીર શેર કરો

4/5

4. પ્રીમિયમ કેબિન અને અદ્યતન ફીચર્સ

2027 ટાટા નેક્સોનના ઇન્ટિરિયરમાં અનેક મોટા ફેરફારો જોવા મળશે. કેબિનને બિલકુલ નવી કલર થીમ, પ્રીમિયમ લેધરેટ અપહોલ્સ્ટરી અને નવા ટ્રીમ્સ સાથે રજૂ કરવામાં આવશે. તેમાં વર્તમાન મોડેલની જેમ જ વેન્ટિલેટેડ ફ્રન્ટ સીટ્સ, પેનોરેમિક સનરૂફ, ડિજિટલ ડ્રાઇવર ડિસ્પ્લે, મોટી ટચસ્ક્રીન ઇન્ફોટેનમેન્ટ સિસ્ટમ અને ડ્યુઅલ-ઝોન ક્લાઇમેટ કંટ્રોલ જેવી વિશેષતાઓ મળશે. સેફ્ટી ફીચર્સની વાત કરીએ તો તેમાં 6 એરબેગ્સ, ઇલેક્ટ્રોનિક સ્ટેબિલિટી કંટ્રોલ, ટાયર પ્રેશર મોનિટરિંગ સિસ્ટમ અને એડાસના સુરક્ષા ફીચર્સ મુસાફરોને 5-સ્ટાર સેફ્ટીનો અહેસાસ કરાવશે.

આ તસવીર શેર કરો

5/5

5. એન્જિન વિકલ્પો અને નેક્સોન ઇવીમાં મોટું બેટરી પેક

ટાટા નેક્સોનના આઈસીઈ મોડેલના મેકેનિકલ સેટઅપમાં કોઈ ફેરફાર કરવામાં આવશે નહીં. તે પહેલાની જેમ જ 1.2-લિટર ટર્બો પેટ્રોલ (પેટ્રોલ અને સીસીજી) અને 1.5-લિટર ડીઝલ એન્જિન સાથે આવશે, જેમાં 5-સ્પીડ મેન્યુઅલ, 6-સ્પીડ મેન્યુઅલ, 6-સ્પીડ એએમટી અને 7-સ્પીડ ડીસીટી ગિયરબોક્સના વિકલ્પો મળશે. બીજી બાજુ, ઇલેક્ટ્રિક વેરિઅન્ટની વાત કરીએ તો 2027 નેક્સોન ઇવીને મોટા બેટરી પેક સાથે બજારમાં ઉતારવામાં આવી શકે છે, જેની સિંગલ ચાર્જ રેન્જ 500 કિલોમીટરથી વધુની હોઈ શકે છે.

આ તસવીર શેર કરો

સંકળાયેલા મુદ્દાઓ

Nexon2027 TataMotors TataNexon