પહેલગામ એટેક / પહેલગામ હુમલા બાદ ભારતનો સૌથી મોટો નિર્ણય, પાકિસ્તાન હવે આ ચીજો માટે તરસશે, ટોટલ પ્રતિબંધ

પહેલગામ હુમલા બાદ ભારતે એક મોટું એક્શન લેતાં પાકિસ્તાની આયાત-નિકાસ પર ટોટલ પ્રતિબંધ મૂકી દીધો છે. વાણિજ્ય મંત્રાલય દ્વારા 2 મેના રોજ જારી કરાયેલા નોટિફિકેશન અનુસાર, આ નિર્ણયને વિદેશી વેપાર નીતિ - FTP 2023 માં સુધારો કરવામાં આવ્યો છે. આ પ્રતિબંધ હેઠળ, હવે પાકિસ્તાનથી આવતા કોઈપણ ઉત્પાદનની આયાત પર સંપૂર્ણ પ્રતિબંધ રહેશે, પછી ભલે તે સીધી આયાત હોય કે પરોક્ષ રીતે ત્રીજા દેશ દ્વારા. આ પ્રતિબંધ 2023ની વિદેશ વેપાર નીતિમાં નવી જોગવાઈ તરીકે ઉમેરવામાં આવ્યો છે. ડિરેક્ટોરેટ જનરલ ઓફ ફોરેન ટ્રેડ (DGFT) એ આ સૂચનામાં સ્પષ્ટતા કરી છે કે આ નિર્ણય રાષ્ટ્રીય સુરક્ષા અને જાહેર નીતિના હિતમાં લેવામાં આવ્યો છે. FTP માં ઉમેરવામાં આવેલ નવો વિભાગ "પાકિસ્તાનથી આયાત પર પ્રતિબંધ" હેઠળ જણાવવામાં આવ્યો છે.

આયાત-નિકાસની શું અસર

ભારતના નિર્ણયને કારણે પાકિસ્તાનમાંથી કોઈ વસ્તુ આવશે કે નહીં કે જશે પણ નહીં આને કારણે પાકિસ્તાની જનતાને જોઈતી ચીજવસ્તુઓ નહીં મળે અને તેમને કારમી તંગી પડશે. આ પ્રતિબંધમાં કોઈપણ છૂટછાટ ભારત સરકારની વિશેષ મંજૂરી પછી જ આપવામાં આવશે. આ નિર્ણય 22 એપ્રિલના રોજ જમ્મુ અને કાશ્મીરના પહેલગામમાં થયેલા આતંકવાદી હુમલા બાદ લેવામાં આવ્યો છે, જેમાં 26 લોકો માર્યા ગયા હતા, જેમાંથી મોટાભાગના પ્રવાસીઓ હતા.

વધુ વાંચો : 'પ્લીઝ! ઘર પાછા આવી જાઓ.. હું બાળકોને શું જવાબ આપું...' શિક્ષકની પત્નીનો વીડિયો વાયરલ

પહેલગામ હુમલા બાદ ભારતે લીધા અનેક પગલાં

ઉલ્લેખનીય છે કે 22 એપ્રિલે જ જમ્મુ અને કાશ્મીરના પહેલગામમાં થયેલા આતંકવાદી હુમલા બાદ ભારતે અનેક પગલાં ભર્યાં હતા જેમાં વધુ એકનો ઉમેરો થયો છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ