હે ભગવાન / ઇન્ડિગોની ફ્લાઈટ ટેક ઓફ ન કરી શકી, મહિલા સાંસદ સહિત 151 મુસાફરોના જીવ તાળવે ચોંટ્યા

રવિવારે (14 સપ્ટેમ્બર) ઉત્તર પ્રદેશના લખનૌ એરપોર્ટ પર એક હૃદયદ્રાવક દ્રશ્ય જોવા મળ્યું. અહીં દિલ્હી જતી ઇન્ડિગોની એક ફ્લાઇટ ટેકઓફ દરમિયાન રનવે પર અટકી ગઈ. કેપ્ટને સમયસર વિમાન રોક્યું અને 151 મુસાફરોના જીવ બચાવ્યા. આ વિમાનમાં સમાજવાદી પાર્ટીના સાંસદ અને સમાજવાદી પાર્ટીના પ્રમુખ અખિલેશ યાદવની પત્ની ડિમ્પલ યાદવ પણ ઑન બોર્ડ હતા.

સૂત્રોના જણાવ્યા અનુસાર વિમાને રનવે પર ગતિ પકડી હતી, પરંતુ તેમ છતાં તે હવામાં ઉડાન ભરી શક્યું ન હતું. ફ્લાઇટના કેપ્ટને રનવે પૂરો થાય તે પહેલાં જ ચાલાકીપૂર્વક વિમાનને રોકી દીધું. આ ઘટનાને કારણે વિમાનમાં રહેલા મુસાફરો ગભરાઈ ગયા. જોકે બધા મુસાફરો સુરક્ષિત રહ્યા. બાદમાં એરલાઇન્સે બધાને બીજી ફ્લાઇટ દ્વારા દિલ્હી મોકલી દીધા.

સુરતથી દુબઈ જતી ફ્લાઈટમાં સમસ્યા આવી

તાજેતરમાં સુરતથી દુબઈ જતી ઇન્ડિગોની ફ્લાઇટમાં ટેકનિકલ ખામી સર્જાતા તેને અમદાવાદના સરદાર વલ્લભભાઈ પટેલ આંતરરાષ્ટ્રીય એરપોર્ટ પર ડાયવર્ટ કરવી પડી હતી. વિમાનમાં 170 થી વધુ મુસાફરો સવાર હતા. અધિકારીઓએ જણાવ્યું હતું કે તે ઇમરજન્સી લેન્ડિંગ નહોતું પરંતુ ટેકનિકલ સમસ્યાને કારણે સલામત કામગીરી સુનિશ્ચિત કરવા માટે આ પગલું લેવામાં આવ્યું હતું.વધુ વાંચો:

વધુ વાંચો: હવે બનાવો તમારો 3D મોડલનો પેઈન્ટ કરતો વીડિયો, ખૂબ સરળ છે, સમજો એક-એક સ્ટેપ

ઉડાન દરમિયાન ટેકનિકલ સમસ્યા સર્જાઈ

ઉડાન દરમિયાન વિમાનમાં કેટલીક ટેકનિકલ સમસ્યાઓ ઉભી થઈ હતી. આ કારણે પાઇલટે સુરતથી દુબઈને બદલે અમદાવાદમાં વિમાન લેન્ડ કરાવવાનો નિર્ણય લીધો. અધિકારીઓએ સ્પષ્ટતા કરી કે મુસાફરોની સલામતીને ધ્યાનમાં રાખીને આ નિર્ણય લેવામાં આવ્યો છે. ઇન્ડિગો એરલાઇન્સે તાત્કાલિક બીજા વિમાનની વ્યવસ્થા કરી જેથી બધા મુસાફરો સુરક્ષિત રીતે દુબઈમાં તેમના ગંતવ્ય સ્થાને પહોંચી શકે. મુસાફરોને કોઈપણ પ્રકારની ઈજા કે અસુવિધા થઈ ન હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ