આઘાતજનક / અમેરિકામાં વધારે એક ગુજરાતી વેપારીને ગોળીઓ ધરબી દેવાઇ

અમેરિકામાં વધુ 1 ગુજરાતીની ગોળી મારી હત્યા કરી દીધાની ચકચારી ઘટના નોંધાઇ છે. ક્લોલના ડીંગુચાના પરેશ પટેલની અમેરિકામાં હત્યા થઇ જતા ચકચાર મચી ગઇ છે. જ્યારે નાનકડા ડિંગુંચા ગામમાં શોકનું મોજુ ફરી વળ્યું છે. આ સાથે જ ડિંગુચા ગામ ફરી એકવાર ચર્ચામાં પણ આવી ગયું છે.

સ્ટોરમાં ગ્રાહક તરીકે આવ્યો

સ્ટોરમા ગ્રાહક તરીકે આવેલા હત્યારાએ ફાયરીગ કરી પરેશ પટેલની હત્યા કરી નાખી હતી. ગ્રાહક તરીકે આવેલા હત્યારાએ પહેલા પૈસા લૂંટવાનો પ્રયાસ કર્યો હતો. નરેશ પટેલે તેને પૈસા પણ આપી દીધા હતા. તેમ છતા પણ ગ્રાહકનાં સ્વાંગમાં આવેલા વ્યક્તિએ ગોળી મારી દીધી હતી.

આ પણ વાંચો : લો-પ્રેશર સિસ્ટમ સક્રિય, ગુજરાત પર વાવાઝોડાનું સંકટ, પરેશ ગોસ્વામીની ખતરનાક આગાહી

સમગ્ર નાણા પણ લૂંટી લીધા જીવ પણ લીધો

ગ્રાહકના સ્વાગંમાં આવેલા વ્યક્તિએ લૂંટ કર્યા પછી પણ ટેબલ નીચે છુપાઇ ગયેલા નરેશભાઇને ગ્રાહકના સ્વાંગમાં આવેલા વ્યક્તિએ ગોળી મારી હત્યા કરી દીધી હતી. ડીંગુચાના વતની પરેશ પટેલ પરિવાર સાથે અમેરિકા સ્થાયી થયા હતા. સમગ્ર ઘટના સીસીટીવીમા કેદ થઇ છે.

અગાઉ પણ ડીંગુચા વૈશ્વિક ફલક પર ચમકી ચુક્યું છે

અત્રે ઉલ્લેખનીય છે કે, અગાઉ જાન્યુઆરી 2022 માં કેનેડા બોર્ડર પર ડીંગુચા ગામના જ વતની જગદીશ પટેલનો પરિવારનું બરફમાં થીજી જવાના કારણે મોત નિપજ્યું હતું. આ સમગ્ર ઘટનાના ખુબ જ ઉંડા પડઘા પડ્યા હતા તેની અસર અમેરિકા, ભારત અને કેનેડામાં પણ પડી હતી. આંતરરાષ્ટ્રીય સ્તરે ડીંગુચા ગામ ચમક્યું હતું.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ