તપાસ / કબુતરબાજી કેસમાં નવો વળાંક: ખૂલ્યા વધુ બે એજન્ટોના નામ, ભાર્ગવ દરજીની માતાએ કહ્યું 'તે કોઇકને મદદ કરવા...'

• ગુજરાતમાંથી ગેરકાયદેસર રીતે અમેરિકા મોકલવાનો મામલો
• મહેસાણા જીલ્લાનાં બે કબૂતરબાજોનાં નામ આવ્યા સામે
• કડીના ચંદ્રેશ પટેલ અને સાલડીના કિરણ પટેલનું નામ ખુલ્યું

ગુજરાતથી લોકોને ગેરકાયદેસર રીતે અમેરિકા મોકલનાર એજન્ટો સામે પોલીસ ફરિયાદ નોંધાયા બાદ પોલીસ દ્વારા તપાસ શરૂ કરી છે. ત્યારે આ બાબતે એજન્ટ ભાર્ગવ દરજીની માતાએ તેઓની પ્રતિક્રિયા આપતા જણાવ્યું હતું કે, ભાર્ગવ દિલ્લી ગયાનો દાવો કર્યો હતો. તેમજ કોઈને મદદ કરવા માટે ભાર્ગવ ગયો હોવાનું તેની માતાએ જણાવ્યું તેમજ અમે જ્વેલર્સનો ધંધો કરી રહ્યા છીએ. બીજા મિત્રોની મદદ કરવા માટે ભાર્ગવે કહ્યું હતું. ફ્રાન્સથી પરત મોકલાયેલા વિમાનની તપાસમાં એજન્ટ ભાર્ગવ દરજીનું નામ ખુલ્યું હતું. હજારો લોકોને ગેરકાયદેસર રીતે વિદેશ મોકલવાનાં કેસની તપાસમાં 7 ગુજરાતી એજન્ટનાં નામ ખુલ્યા હતા. 

મહેસાણા જિલ્લાના બે કબૂતરબાજોના નામ સામે આવ્યા
કબૂતરબાજી મામલે મહેસાણા જીલ્લાનાં વધુ બે એજન્ટોનાં નામ સામે આવ્યા છે. જેમાં કડીનાં ચંદ્રેશ પટેલ અને સાલડીનાં કિરણ પટેલનું નામ ખુલ્યું છે. કિરણ પટેલ અને ચંદ્રેશ પટેલનાં ઘર બંધ છે. કિરણ પટેલ વર્ષોથી ગામ બહાર રહે છે. જ્યારે મૂળ આખજનો વતની ચંદ્રેશ પટેલ કડી ખાતે રહેતો હતો. ત્યારે ચંદ્રેશ પટેલનાં પરિવારનાં લોકો પણ ઘર બંધ કરી ગાયબ થયા હતા. ત્યારે આ સમગ્ર મામલે પાડોશીઓ પણ ચૂપકીદી સેવી રહ્યા છે. ચંદ્રેશ પટેલનાં ઘરમાં ત્રણ જેટલા વાહનો પણ જોવા મળ્યા હતા.

વધુ વાંચોઃ અમેરિકામાં ગેરકાયદે ઘૂસણખોરીના કેસમાં મોટો ખુલાસો, દોઢ વર્ષમાં જ 14 એજન્ટોએ જુઓ કેવો ખેલ પાડી દીધો?

ગુજરાત બહારના 700 લોકોને પણ ગેરકાયદે અમેરિકા ઘુસાડ્યા 
અમદાવાદથી ગેરકાયદે લોકોને વિદેશ મોકલવાનાં કેસમાં વધુ એક ખુલાસો થવા પામ્યો છે. જેમાં 14 એજન્ટોએ દોઢ વર્ષમાં 800 ગુજરાતીઓને અમેરિકા મોકલ્યાનો ખુલાસો થવા પામ્યો છે. ગુજરાત બહારનાં 700 લોકોને પણ ગેરકાયદે અમેરિકા ઘુસાડ્યા છે. ફ્લાઈટમાં જગ્યા પડતાં ગુજરાતનાં એજન્ટ મારફતે ગ્રાહક શોધવામાં આવતા હતા. દુબઈ લઈ જવાયેલા લોકોને 1 થી 3 મહિનાના ટુરિસ્ટ વિઝા પણ અપાવી દેવાયા હતા. ફ્રાન્સથી પરત મોકલાયેલા  વિમાનમાં સવાર લોકોની તપાસમાં ખુલાસો થવા પામ્યો હતો.