નવો વળાંક / અતીકની પત્નીએ યોગીને લખ્યો પત્ર, જાણો કોના પર સંપૂર્ણ ષડયંત્ર રચવાનો લગાવ્યો આરોપ

• માફિયા ગેંગસ્ટર અતીક અહેમદ અને અશરફની હત્યા
• અતીકની પત્ની શાઈસ્તાએ  મુખ્યમંત્રી યોગીને લખ્યો પત્ર
• અતિકની પત્ની શાઈસ્તાએ ઘણા ગંભીર આરોપ લગાવ્યા 

માફિયા ગેંગસ્ટર અતીક અહેમદ અને અશરફની હત્યાના ત્રણ દિવસ બાદ અતીકની પત્ની શાઈસ્તા પરવીન દ્વારા મુખ્યમંત્રી યોગી આદિત્યનાથને લખેલો પત્ર હવે સામે આવ્યો છે. સીએમ યોગી આદિત્યનાથને લખેલા આ પત્રમાં માફિયા ગેંગસ્ટર અતિક અહેમદની પત્ની શાઈસ્તા પરવીને ઘણા ગંભીર આરોપ લગાવ્યા છે. શાઇસ્તા પરવીને આ પત્ર ઉમેશ પાલ મર્ડર કેસ બાદ મુખ્યમંત્રી યોગી આદિતનાથને લખ્યો છે. શાઇસ્તા પરવીને યોગી સરકારના કેબિનેટ મંત્રી પર ઉમેશ પાલ હત્યા કેસમાં કાવતરું ઘડવાનો ગંભીર આરોપ લગાવ્યો છે. જોકે શાઇસ્તાના આ પત્રમાં મંત્રીના નામનો ખુલાસો કરવામાં આવ્યો નથી.

अतीक अहमद की पत्नी #शाइस्तापरवीन ने 27 फरवरी को यूपी सीएम को चिट्ठी लिखी थी!

- सभी कार्यवाही वीडियो कांफ्रेंसिंग के माध्यम से जेल के अंदर कराने और उन्हें जेल से बाहर न निकालें की मांग की थी!

- अतीक अहमद और अशरफ की हत्या की साजिश का भी आरोप लगाया था!#ShaistaParveen #AtiqAhmed pic.twitter.com/0MqYk2E6bM

— Md kalimuddin (@Mdkalim16032792) April 18, 2023

અતીક અહેમદની પત્ની શાઇસ્તા પરવીન અંડરગ્રાઉન્ડ

પ્રયાગરાજમાં ઉમેશપાલ હત્યા કેસ બાદ અતીક અહેમદની પત્ની શાઇસ્તા પરવીન અંડરગ્રાઉન્ડ છે. પુત્ર અસદ અહેમદના મૃત્યુ અને પતિ અતીક અહેમદ, સાળા અશરફની હત્યા બાદ પણ શાઇસ્તા પરવીન હજુ સુધી સામે આવી નથી. હવે ઉમેશ પાલ મર્ડર કેસને લઈને શાઈસ્તા પરવીન દ્વારા મુખ્યમંત્રી યોગી આદિતનાથને લખેલો પત્ર સામે આવ્યો છે. સીએમ યોગીને લખેલા આ પત્રમાં શાઈસ્તાએ યુપીના કેબિનેટ મંત્રી પર ઉમેશ પાલ હત્યા કેસમાં કાવતરું ઘડવાનો આરોપ લગાવ્યો છે. શાઈસ્તાએ આ પત્રમાં રાજકીય ષડયંત્ર રચવાનો ઉલ્લેખ કર્યો છે.

પતિ અતીક અને સાળા અશરફની હત્યાનું કાવતરું ઘડવાનો આરોપ

આ સિવાય આ પત્રમાં શાઈસ્તા પરવીને અતીક અહેમદ અને અશરફની હત્યાનું કાવતરું ઘડવાનો પણ આરોપ લગાવ્યો છે. શાઈસ્તાએ આ સમગ્ર ઘટનાને લઈને મુખ્યમંત્રી યોગી પાસે હસ્તક્ષેપની પણ માંગ કરી છે. પત્રમાં શાઈસ્તા પરવીને તમામ કાર્યવાહી જેલની અંદર વિડીયો કોન્ફરન્સિંગ દ્વારા કરવાની અને જેલની બહાર ન લઈ જવાની માંગ કરવામાં આવી હતી. શાઈસ્તાએ એવી પણ માંગ કરી હતી કે સમગ્ર પ્રકરણ અંગેની કોઈપણ તપાસ જેલ પરિસરમાં જ થવી જોઈએ. તમને જણાવી દઈએ કે 15 એપ્રિલના રોજ પ્રયાગરાજમાં પોલીસ કસ્ટડીમાં મીડિયા સાથે વાતચીત દરમિયાન ત્રણ હુમલાખોરોએ માફિયા ગેંગસ્ટર અતીક અહેમદ અને તેના ભાઈ અશરફ બંનેને ગોળી મારી દીધી હતી.