ક્રાઈમ / વાલીઓએ ચેતવા જેવો કિસ્સો, પુત્રીના વર્તનમાં ફર્ક દેખાતા માતાપિતા સ્કૂલે પહોંચ્યાં, પ્યૂને કર્યો મોટો કાંડ

• મુંબઈની ગામદેવી વિસ્તારની સ્કૂલનો બનાવ
• પટાવાળાએ 15 વર્ષની છોકરીનું કર્યું યૌન શોષણ
• પીછો કરતો અને વીડિયો કોલ પણ કરતો
• સગીરાના અંગોને ખોટી રીતે સ્પર્શ કરતો
• પોલીસે ઝડપી પાડ્યો

સ્કૂલે જતી છોકરીઓના વાલીઓએ ચેતવા જેવી એક ઘટના મુંબઈમાં સામે આવી છે જેમાં એક પટાવાળાએ 15 વર્ષની વિદ્યાર્થીનીનું યૌન શોષણ કર્યું હતું અને તેનું જીવવું હરામ કરી મૂક્યું હતું. પુત્રીના વર્તનમાં ફેરફાર જણાતા માતાપિતાને શંકા પડી હતી અને તેમણે સ્કૂલમાં જઈને તપાસ કરતા આખી વાતનો ઘટસ્ફોટ થયો હતો. સ્કૂલમાં ભણતી પુત્રીઓના વર્તનમાં આવતા ફેરફારની પણ માતાપિતાએ નોંધ લેવી જોઈએ તે આ ઘટનાએ સાબિત કર્યું છે. 

મુંબઈના ગામદેવીની સ્કૂલમાં પટાવાળાએ સગીરાનું કર્યું યૌન શોષણ 

સાઉથ મુંબઈના ગામદેવી વિસ્તારની એક સ્કૂલમાં પટાવાળાએ હેરાનીભર્યો કાંડ કર્યો છે. પટાવાળો 15 વર્ષની સ્કૂલગર્લના અંગોનો ખોટી રીતે સ્પર્શ કરતો, ત્યાર બાદ તેનો પીછો કરતો અને તેને વીડિયો કોલ કરીને અશ્લીલ વાતો કરતો હતો. છેલ્લા ઘણા સમયથી સ્કૂલેથી આવ્યાં બાદ પુત્રી ગુમસુમ રહેવા લાગી હતી અને તેના વર્તનમાં અજીબ પ્રકારનો ફેરફાર આવતા માતાપિતાને શંકા પડી હતી અને તેમણે આ બાબતે સ્કૂલમાં જઈને તપાસ કરી ત્યારે પટાવાળાનો કાંડ સામે આવ્યો હતો. આખરે પીડિતાએ માતાપિતાને પટાવાળાની કરતૂત જણાવી દીધો હતો. મુંબઇ પોલીસે દક્ષિણ મુંબઇમાં એક સગીર વિદ્યાર્થીનીની જાતીય સતામણી અને પીછો કરવાના આરોપસર 28 વર્ષીય શાળાના પટાવાળાની ધરપકડ કરી છે. 

Mumbai | A school guard was arrested for stalking & sexually assaulting a 15-year-old girl. Accused would chase her, make inappropriate touches upon finding her alone in school & video call her. Accused booked under sections 354A, 354D of IPC, POCSO Act: Gamdevi Police station

— ANI (@ANI) September 11, 2022

પુત્રીના વર્તનમાં ફેર લાગતા માતાપિતાને શંકા પડતા તપાસ કરી ત્યારે ફૂટ્યો ભાંડો 
પોલીસે કહ્યું હતું કે 15 વર્ષીય સગીરાના માતા-પિતાએ તેના વર્તનમાં ફેરફાર જોયા બાદ અને જ્યાં તે અભ્યાસ કરતી હતી તે કોન્વેન્ટનો સંપર્ક કર્યા બાદ તેમને પટાવાળાના આ કાંડની ખબર પડી હતી. 5 સપ્ટેમ્બરના રોજ પટાવાળાએ સગીરાની એકલતાનો લાભ લઈને તેના અંગોનો ખોટી રીતે સ્પર્શ કર્યો હતો. પટાવાળાએ કથિત રૂપે શાળાના પરિસરમાં પીડિતાની ઘણી વખત પજવણી કરી હતી. આરોપીએ સગીરાના મોબાઇલ નંબર પર વીડિયો કોલ પણ કર્યો હતો. 

પોલીસે આરોપી પટાવાળાની ધરપકડ કરી 
તેમણે જણાવ્યું હતું કે, આરોપી વિરુદ્ધ શુક્રવારે ભારતીય દંડ સંહિતાની કલમ 354-એ (જાતીય સતામણી) અને 354-ડી (પીછો કરવો), અને પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સિસ (પોક્સો) એક્ટ અને ઇન્ફર્મેશન ટેકનોલોજી એક્ટની સંબંધિત જોગવાઈઓ હેઠળ એફઆઈઆર નોંધવામાં આવી હતી. ત્યારબાદ પોલીસે એક છટકું ગોઠવીને પાલઘર જિલ્લાના વિરારથી આરોપી પટાવાળાની ધરપકડ કરી હતી. બાદમાં આરોપીને કોર્ટમાં રજૂ કરવામાં આવ્યો હતો.