- વાળની સમસ્યાઓમાં રાહત આપશે આ માટી
- મુલતાની માટીથી વાળને મળે છે અનેક ફાયદા
- વાળનો ગ્રોથ વધારી તેને લાંબા અને શાઈની બનાવે છે
મહિલાઓને વાળ ગૂંચાઈ જવા, રફ થઈ જવા અને ખાસ કરીને તે ઓઈલી રહેવા જેવી અનેક સમસ્યાઓનો સામનો રૂટિન લાઈફમાં કરવો પડે છે. જેના કારણે તેઓ ચિંતા અનુભવે છે. પણ શું તમે જાણો છો કે ચહેરાની સાથે સાથે વાળની અનેક સમસ્યાઓમાં પણ મુલતાની માટી તમને રાહત આપે છે. તેનો હેર પેક બનાવીને તમે તેને ઉપયોગમાં લઈ શકો છો.
હેર ફોલની સમસ્યા માટે
એક બાઉલમાં 2 ટેબલ સ્પૂન મુલતાની માટી લો. તેમાં એક ટેબલ સ્પૂન દહીં મિક્સ કરો અને એક ટી સ્પૂન કાળા મરીનો પાવડર મિક્સ કરો. આ પછી પાણીની સાથે મિક્સ કરીને લગાવી શકાય તેવી જાડી પેસ્ટ બનાવો. બ્રશ કે હાથથી વાળના મૂળમાં આ પેસ્ટને લગાવી લો. અડધા કલાક પછી સાદા પાણીથી વાળ ધોઈ લો. અઠવાડિયામાં 2 વાર આ પેકનો ઉપયોગ કરો. વાળ ખરતા બંધ થશે.
રફ થઈ ગયેલા વાળને માટે
2 ચમચી મુલતાની માટીમાં એક ઈંડું અને 1 ટેબલસ્પૂન દહીં મિક્સ કરો. તેમાં 1 ચમચી નારિયેળ તેલ મિક્સ કરીને તેને ફેંટી લો. પેસ્ટને સ્કલ્પ પર લગાવી લો. અડધા કલાક બાદ સામાન્ય પાણીથી ધોઈ લો. ઈંડાની સ્મેલ ન રહે માટે એક ટમ્બલર પાણીમાં 1 લીંબુ નીચોવો અને સાથે તેને માથા પર નાંખીને 5 મિનિટ રહેવા દો. ફરીથી વાળને સારી રીતે ધોઈ લો.
ગૂંચવાયેલા અને બેજાન વાળ માટે
રફ વાળને માટે કોઈ પણ રીતે સ્ટાઈલ કરવામાં આવે તો તેનો લૂક સારો લાગતો નથી. 1 ટેબલસ્પૂન મુલતાની માટીમાં 1 ચમચી તલનું તેલ અને 1 ચમચી દહીં મિક્સ કરો. સ્કલ્પ પર તેને લગાવીને 20 મિનિટ સુધી રહેવા દો. હવે વાળ ધોઈ લો. અઠવાડિયામાં 2 વાર આ પ્રયોગ કરવાથી વાળને નવું શાઈનિંગ મળશે અને તે રફ નહીં દેખાય.
ઓઈલી સ્કેલ્પને માટે
ઓઈલી સ્કેલ્પને કારણે તમારા વાળ સારી રીતે ઓળી શકાતા નથી. તેનાથી તમારો લૂક બગડે છે. આ માટે તમે 4 ચમચી મુલતાની માટીમાં 1 લીંબુનો રસ મિક્સ કરો અને 20 મિનિટ સુધી તેને વાળના મૂળમાં લગાવી રાખો, હવે સાદા પાણીથી વાળ ધોઈને તેને નેચરલ રીતે સૂકાઈ જવા દો.
વાળ વધારવા માટે
વાળને લાંબા, મજબૂત બનાવવા માટે તમે મુલતાની માટીની સાથે અરીઠાનો પાવડર મિક્સ કરો. અડધો કલાક સુધી વાળમાં આ પેસ્ટ રહેવા દો. પછી વાળને સારી રીતે ધોઈ લો. આ પેક અઠવાડિયામાં 3 વાર લગાવો.
