નવી ઈનિંગના મંડાણ / VIDEO : ગ્રાફીક નોવેલ 'અથર્વ'માં ધોની દેખાયો 'સુપર હીરો'ના અવતારમાં, ફર્સ્ટ લૂક જોઈને ચાહકો એક્સાઈટેડ

• MS ધોનીએ  તેની ગ્રાફીક નોવેલ 'અથર્વ'નો પહેલો લૂક શેર કર્યો
• 'અથર્વમાં ધોની સુપર હીરોના અવતારમાં દેખાય છે
• ધોનીનો લૂક જોઈને ચાહકો અભિભૂત, કર્યાં ભારોભાર વખાણ 

ભારતના પૂર્વ ક્રિકેટર અને કેપ્ટન એમએસ ધોની પોતાની નવી ઈનિંગ રમવા માટે તૈયાર છે. ધોનીએ બુધવારે પોતાની ગ્રાફિક નોવેલ 'અથર્વ: ધ ઓરિજિન'નો ફર્સ્ટ લુક રિલીઝ કર્યો છે. ધોનીએ ફેસબુકના માધ્યમથી ફેન્સ સાથે ખુશખબરી શેર કરી હતી. એણે એક મોશન ક્લીપ શૅર કરી હતી જેમાં ધોની સુપરહીરો તરીકે જોવા મળી રહ્યો છે. ફેન્સને તેનો આ અવતાર ખુબ જ પસંદ આવી રહ્યો છે અને તેમના ભારોભાર વખાણ કરી રહ્યા છે.

ધોની યુદ્ધના મેદાન પર એનિમેટેડ અવતારમાં જોવા મળી રહ્યો છે

ધોનીએ શેયર કરેલા ફર્સ્ટ લૂકની ક્લિપમાં ધોની યુદ્ધના મેદાન પર એનિમેટેડ અવતારમાં જોવા મળી રહ્યો છે. આ ક્લિપમાં ધોનીનું એનિમેટેડ પાત્ર રાક્ષસ જેવી સેના સામે લડતું જોવા મળે છે. ધોનીની ગ્રાફિક નોવેલ લેખક રમેશ થમિલમાનીએ લખી છે. દેખીતી રીતે જ ધોનીનો આ નવો અવતાર જોઈને ચાહકો ખૂબ ખુશ થશે અને હવે તેઓ આ ગ્રાફિક નવલકથાની રજૂઆતની આતુરતાથી રાહ જોશે.

ધોની પોતાની નવી ગ્રાફિક્સ નોવેલમાં અથર્વ તરીકે જોવા મળવાનો છે

એમએસ ધોની પોતાની નવી ગ્રાફિક્સ નોવેલમાં અથર્વ તરીકે જોવા મળવાનો છે, ધોનીએ પોતે જ પોતાના ફેસબુક પેજ પર એક વીડિયો પોસ્ટ કરીને જાહેરાત કરી હતી કે તે ગ્રાફિક નોવેલ 'અથર્વ ધ ઓરિજિન'માં જોવા મળશે. વર્ષ 2019માં આંતરરાષ્ટ્રીય ક્રિકેટમાંથી સંન્યાસ લેનાર ધોની નવા નવા રસ્તા શોધી રહ્યો હોય તેમ લાગી રહ્યું છે અને અથર્વ તેમાંનો એક છે.