તમારા કામનું / ખોટા એકાઉન્ટમાં ટ્રાન્સફર થઈ ગયા પૈસા? ગભરાશો નહીં, ફટાફટ કરો આ કામ, ખુદ બેન્કે જ ટ્વિટ કરીને આપી માહિતી

• આજના સમયમાં ઓનલાઈન ચૂકવણી કરવાનું ચલણ વધ્યું
• અનેક વાર પૈસા ખોટા ખાતામાં ટ્રાન્સફર થઈ જાય છે
• ખોટા એકાઉન્ટમાં પૈસા ટ્રાન્સફર થાય તો પૈસા પરત મળી શકે?

આજના સમયમાં ઓનલાઈન ચૂકવણી કરવાનું ચલણ વધ્યું છે, જેના કારણે લોકોની મુશ્કેલીઓ ઓછી થઈ ગઈ છે. અનેક વાર પૈસા ખોટા ખાતામાં ટ્રાન્સફર થઈ જાય છે. ખોટા એકાઉન્ટમાં પૈસા ટ્રાન્સફર થાય તો શું પૈસા પરત મળી શકે? આ મામલે સ્ટેટ બેન્ક ઓફ ઈન્ડિયા (SBI)એ ગ્રાહકોને સલાહ આપી છે. 

એક ગ્રાહકે આ પ્રકારની સમસ્યાનો સામનો કરવો પડ્યો હતો. ત્યાર પછી SBIના અધિકૃત ટ્વિટર હેન્ડલ પર ફરિયાદ કરી હતી. SBIને ટેગ કરીને તે ગ્રાહકે લખ્યું કે, ‘theofficialSBI મેં ભૂલથી ખોટા એકાઉન્ટમાં પૈસા ટ્રાન્સફર કર્યા છે. હેલ્પલાઈને આપેલ જાણકારી અનુસાર તમામ જાણકારી મેં મારી બ્રાન્ચમાં આપી છે. તેમ છતાં રિવર્સલ બાબતે કોઈ જાણકારી મળી રહી નથી.’

સોલ્યુશન ના આવે તો ફરિયાદ કરો
આ ટ્વિટના જવાબમાં SBI જણાવે છે કે, ‘અનેક મામલાઓમાં ગ્રાહક ખોટા એકાઉન્ટમાં પૈસા ટ્રાન્સફર કરે છે, તો તેણે હોમ બ્રાન્ચ પર કોઈપણ પ્રકારનો ચાર્જ ચૂકવ્યા વગર અન્ય બેન્ક સાથે ફોલોઅપ પ્રોસેસ શરૂ કરશે. લાભાર્થીએ ખોટા એકાઉન્ટ પર પૈસા ટ્રાન્સફર કર્યા હશે, તો ગ્રાહકની હોમ બ્રાન્ચ પાસેથી કોઈપણ આર્થિક દેણદારી વગર અન્ય બેન્કો સાથે અનુવર્તી પ્રોસેસ શરૂ કરશે. તમે ફરિયાદ કરવા માટે http://crcf.sbi.co.in/ccf વેબસાઈટની મુલાકાત લઈ શકો છો. કમેન્ટ બોક્સમાં તમારી ફરિયાદ કરો, બેન્કિંગ ટીમ તે સમસ્યાનું નિવારણ લાવવા માટે કામ કરશે.’

તમામ જાણકારી ચેક છે કે, નહીં તે ચેક કરો
SBIએ ડિજિટલ ટ્રાન્ઝેક્શન કરતા પહેલા તમામ જાણકારી સાચી છે કે, નહીં તે એક વાર ચેક કરવાની સલાહ આપી છે. ગ્રાહકથી કોઈ ભૂલ થાય તો, તે માટે બેન્ક જવાબદાર નહીં રહે. પેમેન્ટ કરતા પહેલા એકાઉન્ટ નંબર અને IFSC કોડ ચેક કરવો જરૂરી છે, જેથી કોઈપણ પ્રકારની ભૂલ ના થાય.