રાજનીતિ / કોંગ્રેસ અધ્યક્ષ બનતાં જ ખડગેનો મોટો નિર્ણય, CWCનો ભંગ કરીને બનાવી નવી કમિટી, દિગ્ગજ નેતા આઉટ

• કોંગ્રેસ અધ્યક્ષ બન્યાં બાદ ખડગેનો મોટો નિર્ણય 
• કોંગ્રેસ વર્કિંગ કમિટીને બદલે નવી કમિટી 
• સોનિયા, રાહુલ, પ્રિયંકા સહિતના 47 સભ્યો સામેલ 
• કમિટીમાં શશી થરુરને ન સમાવાયા 

મલ્લિકાર્જુન ખડગેએ કોંગ્રેસ અધ્યક્ષ બનતાની સાથે જ મોટા નિર્ણયો લેવાનું શરૂ કરી દીધું છે. આ કડીમાં તેમના તરફથી સીડબ્લ્યુસીની જગ્યાએ અન્ય એક કમિટીની રચના કરવામાં આવી છે. તે કમિટીમાં 47 સભ્યોને સ્થાન આપવામાં આવ્યું છે, પરંતુ શશિ થરૂરનું નામ સામેલ નથી. આ યાદીમાં સોનિયા ગાંધી, રાહુલ ગાંધી, મનમોહન સિંહ, એકે એન્ટની જેવા નામો સામેલ છે. 

The Congress president Mallikarjun Kharge has constituted the Steering Committee which would function in place of the Congress Working Committee.

Senior party leaders including former PM Manmohan Singh, Sonia Gandhi, Rahul Gandhi and others are the members of the Committee. pic.twitter.com/pbAQrlecZE

— ANI (@ANI) October 26, 2022

કોંગ્રેસના નાના મોટા નિર્ણય હવે સ્ટીરિંગ કમિટી લેશે 
ઉલ્લેખનીય છે કે અત્યાર સુધી તો કોંગ્રેસના નાના મોટા તમામ નિર્ણય કોંગ્રેસ વર્કિંગ કમિટી લેતી હતી તેમાં ટોટલ 23 સભ્યો હતા પરંતુ હવે ખડગેએ તે કોંગ્રેસ વર્કિંગ કમિટી (CWC)ને ખતમ કરી દીધી છે. તેના બદલે તેમણે નવી કમિટી બનાવી છે જેમાં 47 સભ્યોને સ્થાન આપવામાં આવ્યું છે અને હવેથી આ નવી કમિટી તમામ નિર્ણયો લેશે. 

47 સભ્યોની બનાવી સ્ટીરિંગ કમિટી, તમામ મોટા નેતા સામેલ
ખડગે દ્વારા બનાવવામાં આવેલી 47 સભ્યોની કમિટીમાં તમામ મોટા નેતાઓ, સોનિયા ગાંધી, રાહુલ ગાંધી, પ્રિયંકા ગાંધી, મનમોહન સિંહ, એકે એન્ટની સહિતના દિગ્ગજોના નામ સામેલ છે.