Results 2024 LIVE / ગુજરાતમાં 25 સીટ પર ભાજપની જીત, તો કોંગ્રેસની 1 સીટ પર જીત

બનાસકાંઠામાં ગેનીબેન આગળ તો પાટણમાં કોંગ્રેસને પછાડી બીજેપી આગળ

જામનગર સીટ પર પૂનમ માંડમની જીત તરફ છે. પૂનમ માંડમ કોંગ્રેસનાં ઉમેદવારથી 1.94 લાખ મતથી આગળ છે.

અમરેલી સીટ પર ભાજપનાં ભરત સુતરિયાની જીત તરફ છે. ભાજપનાં ભરત સુતરિયા 3.15 લાખ મતથી આગળ છે.

વલસાડ સીટ પર ભાજપનાં ધવલ પટેલ કોંગ્રેસનાં અનંત પટેલથી 2.10 લાખ મતથી આગળ છે. વલસાડ સીટ પર ભાજપની જીત નિશ્ચિત છે.

ગાંધીનગર લોકસભા બેઠકનાં ઉમેદવાર અને કેન્દ્રીય મંત્રી અમિત શાહની ભવ્ય જીત થવા પામી છે.

જૂનાગઢ ગીર સોમનાથ લોકભા બેઠક પર ભાજપની જીત થઈ છે. ભાજપનાં ઉમેદવાર રાજેશ ચૂડાસમાં 125000 મતથી ત્રીજી વખત જીત્યા હતા.

બનાસકાંઠા બેઠક પર કોંગ્રેસનાં ઉમેદવાર ગેનીબેન ઠાકોર 4621 વોટથી આગળ

ભાજપના ઉમેદવાર પૂનમ માડમ 1,57,407 હજાર મતોથી આગળ

જૂનાગઢ સીટ ભાજપનાં રાજેશ ચૂડાસમાની જીત નિશ્ચિત છે. રાજેશ ચૂડાસમાં 1.20 લાખ મતથી આગળ છે. હીરા જોટવા કોંગ્રેસનાં ઉમેદવાર છે.

બનાસકાંઠામાં થયો ફરી ઉલટફેર.15000 ની લીડ કાપી કોંગ્રેસના ગેનીબેન ઠાકોર 2100 મતે થી આગળ

વલસાડ લોકસભા મતવિસ્તારમાંથી ભાજપના ઉમેદવાર ધવલ પટેલ 1,53,031 હજાર મતોથી આગળ

રાજકોટ બેઠક પર ભાજપના ઉમેદવાર રૂપાલા 2.50 લાખ મતથી આગળ

વડોદરા ભાજપના ઉમેદવાર ડૉ હેમાંગ જોશી 385360 મતથી આગળ

પાટણ લોકસભા સીટ પર 6 રાઉન્ડનાં અંતે કોંગ્રેસનાં ચંદનજી ઠાકોર 20372 મતથી આગળ ચાલી રહ્યા છે.

બનાસકાંઠા લોકસભા બેઠક પર રેખાબેન ઠાકોર 175393 જ્યારે ગેનીબેન ઠાકોર 170052 વોટ મળ્યા છે. રેખાબેન 5340 વોટથી આગળ છે.

પોરબંદર બેઠક પર ભાજપનાં ઉમેદવાર મનસુખ માંડવિયા 2 લાખથી વધુની લીડથી આગળ

દાહોદમાં પાંચ રાઉન્ડનાં અંતે ચોંકાવનારા પરિણામ આવવા પામ્યા છે. જેમાં દાહોદનાં મતદારોએ એક પણ ઉમેદવારોને પસંદ કર્યા ન હતા. દાહોદમાં લોકસભા બેઠક પર 11573 મતદારોએ નોટામાં મત નાંખ્યા હતા. 4 લાખની મત ગણતરીમાં 1573 મત નોટાને મળ્યા છે. ભાજપનાં ઉમેદવાર જશવંતસિંહ ભાભોર પાંચ રાઉન્ડનાં અંતે 1,22,614 મતથી આગળ છે.

ગાંધીનગર લોકસભા સીટ પર કેન્દ્રીય ગૃહમંત્રી 4 લાખની જંગી લીડથી આગળ

અમદાવાદ પશ્ચિમ સીટ પર પાંચમાં રાઉન્ડની મતગણતરી ચાલી રહી હતી. ત્યારે અચાનક ટેકનિકલ ફોલ્ટ સર્જાતા 20 મિનિટ સુધી મતગણતરી અટકી જવા પામી હતી. જે બાદ ફોલ્ટને દૂર કરી તાત્કાલીક મતગણતરી શરૂ કરવામાં આવી હતી.

અમદાવાદ પશ્ચિમ, ગાંધીનગર, રાજકોટ, છોટાઉદેપુર, પોરબંદર, ખેડા, વલસાડ, નવસારી બેઠક પર ભાજપને એક લાખથી વધુની લીડ મળી

અમરેલીમાં પાંચ રાઉન્ડનાં અંતે અમરેલી બેઠક પર કોંગ્રેસનાં જેની ઠુંમરને 69999 મત મળ્યા હતા. જ્યારે ભાજપનાં ભરત સુતરીયા 134029 મત મળ્યા હતા. જ્યારે ભાજપનાં ભરત સુતરીયા 64 હજારથી વધુ મતથી આગળ ચાલી રહ્યા છે.

નવસારી સીટ પર કોંગ્રેસનાં ઉમેદવાર નૈષધ દેસાઈએ હાર સ્વીકારી છે. પરંતું તેઓ દ્વારા કહ્યું છે કે સી.આર.પાટીલ જીતશે. પણ તેઓને 10 લાખની લીટ મળશે નહી.

પાટણમાં કોંગ્રેસના ઉમેદવાર ચંદનજી ઠાકોર 13થી વધુ મતોથી આગળ

બનાસકાંઠામાં લોકસભા બેઠકની મતગણતરી ચાલી રહી હતી. ત્યારે EVM માં ખામી સામે આવતા થોડા સમય માટે મતગણતરી રોકાઈ હતી. ટેકનિકલ અધિકારીઓ દ્વારા ઈવીએમ ખોટકાતા તપાસ હાથ ધરી છે.

રાજકોટ બેઠક પરથી પુરુષોત્તમ રૂપાલાને 14 હજારથી વધુની લીડ મળતી જોવા મળી રહી છે. તેઓ ઝડપથી કોંગ્રેસના ઉમેદવાર ધાનાણી પરેશને પછાડી રહ્યા હોવાનું જણાય છે.

પાંચ રાઉન્ડ પછી ભાજપ ઉમેદવાર અમિત શાહ 2,05,000 લાખ મતથી આગળ

નવસારી બેઠક પરથી ગુજરાત ભાજપ પ્રમુખ સી. આર. પાટીલ 72,978 વોટથી આગળ

રાજકોટમાં ભાજપનાં ઉમેદવાર પરશોત્તમ રૂપાલાની લીડ ઘટી છે. પણ હજુ તેઓ કોંગ્રેસનાં પરેશ ધાનાણી પાછળ ચાલી રહ્યા છે.

ભરૂચ સીટ પરથી આપના ચૈતર વસાવા 21000 મતથી પાછળ

જામનગરમાં ભાજપ ઉમેદવાર પૂનમ માડમ 7667 મતથી બીજા રાઉન્ડ બાદ આગળ ચાલી રહ્યા છે.

સાબરકાંઠા બેઠક પર પ્રથમ રાઉન્ડના અંતે કોંગ્રેસના તુષાર ચૌધરી આગળ

બારડોલી લોકસભા બેઠકની મતગણતરી ચાલી રહી છે. બે મત ઓછા નીકલથા ફરિયાદ કરવામાં આવી છે. બારડોલીમાં કોંગ્રેસનાં ઉમેદવારે મત ઓછા નીકળતા ફરિયાદ કરવામાં આવી છે. કોંગ્રેસનાં ઉમેદવાર દ્વારા લેખીત ફરિયાદ કરાઈ.

જૂનાગઢમાં BJPના રાજેશ ચુડાસમા 3640 મતથી આગળ

ગાંધીનગરથી અમિત શાહ 80,800 મતથી આગળ

મહેસાણામાં કોંગ્રેસના રામજી ઠાકોર આગળ

બનાસકાંઠા લોકસભા બેઠક પર પહેલો રાઉન્ડ પૂર્ણ થવા પામ્યો છે. પ્રથમ રાઉન્ડનાં અંતે ગેનીબેન ઠાકોર 6200 મતથી આગળ

ખેડા લોકસભા બેઠક પર ભાજપનાં ઉમેદવાર દેવુંસિંહ આગળ

જામનગરમાં પ્રથમ રાઉન્ડના અંતે પૂનમબેન માડમ પાછળ

ભરૂચમાં મનસુખ વસાવા 4200 મત આગળ

જ્યારે રાજકોટ બેઠક પર પરેશ ધાનાણી પાછળ

નવસારી સીટ પરથી ભાજપના પ્રદેશ પ્રમુખ સી.આર.પાટીલ 10 હજાર મતથી આગળ ચાલી રહ્યા છે.

ગાંધીનગર સીટ પરથી ગૃહ મંત્રી અમિત શાહ 35000 મતથી આગળ ચાલી રહ્યા છે.

વડોદરા સીટ પરથી ભાજપના હેમાંગ જોષી પહેલા રાઉન્ડના અંતે 4683 મતથી આગળ

ભરૂચ સીટ પરથીઆમ આદમી પાર્ટીનાં ઉમેદવાર ચૈતર વસાવા આગળ ચાલી રહ્યા છે.

આજે લોકસભા ચૂંટણીનું પરિણામ જાહેર થવાનું છે. સાબરકાંઠા ભાજપનાં ઉમેદવારે શામળાજીમાં દર્શન કર્યા હતા. શોભનાબેન બારૈયાએ ભગવાન શામળીયાનાં આશીર્વાદ લીધા હતા. સાબરકાંઠામાં ભાજપની જીતનો આશાવાદ વ્યક્ત કર્યો હતો. ત્રીજી વખતે કેન્દ્રમાં મોદી સરકાર બનવાનો શોભનાબેન બારૈયાએ આશાવાદ વ્યક્ત કર્યો હતો.

બનાસકાંઠાથી કોંગ્રેસનાં ઉમેદવાર ગેનીબેન ઠાકોર મતગણતરી કેન્દ્ર પર પહોંચ્યા હતા. મતગણતરી કેન્દ્ર પર જતા પહેલા ગેનીબેન પાતાળેશ્વર મહાદેવનાં દર્શન કર્યા હતા. ગેનીબેને જણાવ્યું હતું કે, દેશમાં I.N.D.I.A. ગઠબંધનની સરકાર બનશે. તેમજ ભાજપની જેમ 5 લાખની લીડનાં દાવા નથી કરતા પણ બનાસકાંઠાની જનતા અમારી છે.

ગુજરાતની તમામ 25 લોકસભા બેઠકો માટે મતગણતરી શરૂ થઈ જવા પામી છે. નવસારીમાં કોંગ્રેસનાં ઉમેદવાર દ્વારા હાર સ્વીકારી લીધી છે. તો બીજી તરફ ગાંધીનગર લોકસભા સીટ પર કેન્દ્રીય ગૃહમંત્રી 2 લાખથી વધુ મતથી આગળ ચાલી રહ્યા છે.

સવારે 8 વાગ્યાથી મતગણતરી શરૂ થવા પામી હતી. જેમાં ગુજરાતમાં પાંચ સીટ પર રસાકસી જોવા મળી રહી છે. તો જામનગર સીટ પર ભાજપનાં ઉમેદવાર આગળ ચાલી રહ્યા છે. તો પાટણ સીટ પર કોંગ્રેસનાં ઉમેદવાર પણ મોટી લીડથી આગળ ચાલી રહ્યા છે.

ગુજરાતની 25 બેઠકો સહિત દેશની 543 બેઠકોનું પરિણામ આવશે. રાજ્યની 25 લોકસભા બેઠકનાં 266 ઉમેદવારોનાં ભાવિનો ફેંસલો થશે. રાજ્યમાં અમદાવાદ પૂર્વ બેઠક પર સૌથી વધુ ઉમેદવારો મેદાનમાં છે. બારડોલી બેઠકમાં સૌથી ઓછા 3 ઉમેદવારો મેદાનમાં હતા. ગુજરાતમાં 1 બેઠક બિનહરીફ થઈ છે. ગુજરાત લોકસભામાં 60.13 ટકા મતદાન થયું હતું.