ચૂંટણી / ભાજપ-કોંગ્રેસના ગુજરાતની બેઠકો પર અત્યાર સુધી આ ઉમેદવારો થયા જાહેર, આ રહ્યું આખું લિસ્ટ

લોકસભા ચૂંટણી માટે ઉમેદવારી ફોર્મ ભરવા માટે 4 એપ્રિલ આખરી તારીખ છે. ત્યારે હજુ પણ ગુજરાતમાં કોંગ્રેસને 8 ઉમેદવાર જાહેર કરવાના બાકી છે. જેમાં ભરૂચ, ભાવનગર, સુરત અને બનાસકાંઠા બેઠક પર કોંગ્રેસના ઉમેદવાર જાહેર કરવાના બાકી છે. તો સાબરકાંઠા, ખેડા અને દાહોદ બેઠક પર ઉમેદવારને લઈને કોંગ્રેસ હજુ અસમંજસમાં ચાલી રહી છે. આ ઉપરાંત ભાજપને પણ એક માત્ર અમદાવાદની પૂર્વ બેઠક પર ઉમેદવારનું નામ જાહેર કરવાનું બાકી છે. કોંગ્રેસે અત્યાર સુધી 18 અને ભાજપે અત્યાર સુધી 25 બેઠક પર ઉમેદવાર જાહેર કર્યા છે. જોકે આવતીકાલે ઉમેદવારી ફોર્મ ભરવાનો આખરી દિવસ હોવાથી આજે બાકીના ઉમેદવારોની જાહેરાત કરવામાં આવે તેવી શક્યતા છે.
 

કોંગ્રેસે હજુ પણ 8 ઉમેદવાર જાહેર કરવાના બાકી

1. અમરેલી
2. ભરૂચ
3. ભાવનગર
4. સુરત
5. બનાસકાંઠા 
6. સાબરકાંઠા
7. ખેડા
8. દાહોદ

અમરેલી લોકસભા બેઠક પરથી પરેશ ધાનાણી લડશે ચૂંટણી

અમરેલી લોકસભા બેઠક પર ગુજરાતના વિરોધ પક્ષના નેતા પરેશ ધાનાણી ચૂંટણી લડશે. પરેશ ધાનાણી આજે અમરેલી લોકસભા બેઠક પર ફોર્મ ભરવા માટે જશે. મહત્વનું છે કે કોંગ્રેસે હજુ સુધી પરેશ ધાનાણીનું નામ સત્તાવાર રીતે જાહેર કર્યું નથી. ત્યારે બીજી તરફ અમરેલી જિલ્લાના ભાજપના સાંસદ નારણ કાછડિયાએ આજે ઉમેદવારી પત્ર ભર્યુ હતું.

 

કોંગ્રેસે ગુજરાતના 4 ઉમેદવારોની યાદી જાહેર કરી હતી

કોંગ્રેસે ગઇકાલે લોકસભા ચૂંટણી માટે ગુજરાતના વધુ 4 ઉમેદવારના નામ જાહેર કર્યા હતા. જેમાં હાર્દિક પટેલનો ચૂંટણી લડવાનો કેસ કોર્ટમાં છે. ત્યારે કોંગ્રેસે જામનગર બેઠક પર મુળુ કંડોરીયાને ઉમેદવાર જાહેર કરી દીધા છે. ભાજપે જામનગર બેઠક પર સિટીંગ સાંસદ પૂનમ માડમને રિપીટ કર્યા છે.

કોંગ્રેસે 18 બેઠકો પર પોતાનાં ઉમેદવારોની કરી હતી જાહેરાત

1.  ગાંધીનગરઃ સી.જે. ચાવડા
2.  સુરેન્દ્રનગરઃ સોમા ગાંડા પટેલ
3.  અમદાવાદ પૂર્વઃ ગીતાબેન પટેલ
4.  જામનગરઃ મુળુ કંડોરિયા
5.  અમદાવાદ વેસ્ટ - રાજુ પરમાર
6.  વડોદરા - પ્રશાંત પટેલ
7.  આણંદ - ભરતસિંહ
8.  છોટા ઉદેપુર - રંજિત રાઠવા
9.  નવસારી - ધર્મેશ પટેલ
10.  કચ્છ - નરેશ મહેશ્વર
11.  રાજકોટ - લલિત કગથરા
12.  વલસાડ - જીતુ ચૌધરી
13.  પાટણ - જગદીશ ઠાકોર
14.  જૂનાગઢ - પૂંજા વંશ
15.  પોરબંદર - લલિત વસોયા
16.  પંચમહાલ - વી.કે.ખાંટ
17.  બારડોલી - તુષાર ચૌધરી
18.  મહેસાણા - એ જે પટેલ
 

ભાજપે 25 બેઠકો પર પોતાનાં ઉમેદવારોની કરી હતી જાહેરાત

1.    ગાંધીનગર- અમિત શાહ
2.    બનાસકાંઠા- પરબત પટેલ  
3.    પાટણ- ભરત ડાભી 
4.    મહેસાણા- શારદાબેન પટેલ
5.    અમદાવાદ પૂર્વ- બાકી
6.    અમદાવાદ પશ્ચિમ કીરીટભાઈ સોલંકી
7.    સુરેન્દ્રનગર- મહેન્દ્રભાઈ મુંજપરા
8.    કચ્છ- વિનોદભાઈ ચાવડા
9.    રાજકોટ- મોહનભાઈ કુંડારિયા
10.    પોરબંદર- રમેશ ધડુક
11.    જામનગર- પૂનમબેન માડમ
12.    જૂનાગઢ- રાજેશ ચુડાસમા
13.    અમરેલી- નારણભાઈ કાછડીયા
14.    ભાવનગર- ભારતીબેન શિયાળ
15.    આણંદ- મિતેશ પટેલ  
16.    ખેડા- દેવુસિંહ ચૌહાણ
17.    પંચમહાલ- રતનસિંહ ચૌહાણ
18.    દાહોદ- જસવંત સિંહ ભાંભોર
19.    વડોદરા- રંજનબેન ભટ્ટ
20.    છોટા ઉદેપુર-  ગીતાબેન રાઠવા
21.    ભરૂચ- મનસુખભાઈ  વસાવા
22.    બારડોલી- પ્રભુભાઈ વસાવા
23.    સુરત- દર્શનાબેન જરદોસ
24.    નવસારી- સીઆર પાટીલ
25.    વલસાડ- કેસી પટેલ
26.    સાબરકાંઠા- દિપસિંહ રાઠોડ