ગુજરાતમાં સ્થાનિક સ્વરાજની ચૂંટણીને લઈને દરેક પાર્ટીનું પ્રચાર કાર્ય હાલમાં જોરશોરથી ચાલી રહ્યું છે, આ બધાની વચ્ચે ક્રિકેટર રવિન્દ્ર જાડેજાનો પરિવાર વધુ એક વાર ચર્ચામાં આવ્યો છે.
ચૂંટણી પહેલા સર જડ્ડુના પરિવારમાં પણ વહેંચણી
રવિન્દ્ર જાડેજાના બહેન કોંગ્રેસ માટે અને પત્ની ભાજપ માટે માંગી રહ્યા છે મત
નયનાબ જામનગરમાં કોંગ્રેસ અને રીવાબા રાજકોટમાં ભાજપનો કરી રહ્યા છે પ્રચાર
મહત્વનું છે કે ક્રિકેટર રવિન્દ્ર જાડેજાનો પરિવાર આ વખતે સ્થાનિક સ્વરાજની ચૂંટણી પહેલા ખૂબ જ ચર્ચામાં છે, પરંતુ આ વખતે સર જડ્ડુના લીધે નહિ પણ આ પરિવારની બે મહિલાઓના લીધે આ પરિવાર ચર્ચામાં છે, વાત જાણે એમ છે કે આ પરિવારની બે મુખ્ય મહિલાઓ ગુજરાતની બે મુખ્ય પાર્ટીઓ માટે અલગ અલગ જગ્યાએ પ્રચાર કરીને પોતાની પાર્ટી માટે મત માંગી રહી છે.
જાડેજાના પરિવારમાંથી બે અલગ મહિલા બે અલગ પક્ષો માટે કરી રહી છે પ્રચાર
આ ચૂંટણીમાં રવિન્દ્ર જાડેજાના પત્ની રીવાબા જાડેજા ભાજપ માટે જ્યારે કે તેના બહેન નયનાબા જાડેજા કોંગ્રેસ માટે મત માંગી રહયા છે, નોંધનીય છે કે રીવાબા ઘણા સમયથી ભાજપ સાથે જ જોડાયેલા છે અને હાલમાં તેઓ રાજકોટમાં ભાજપ માટે અને નયનાબા જામનગરમાં કોંગ્રેસના ઉમેદવારો માટે પ્રચાર કરી રહ્યા છે.
2017ની ચૂંટણીમાં ગુજરાત વિધાનસભાની ચૂંટણી વખતે રીવાબા જાડેજા ભાજપમાં સામેલ થઇ ગયા હતા, જો કે આ પહેલી વાર છે કે તેઓ ભાજપના પ્રચાર માટે મંચ પર પહોંચ્યા હતા, જો કે મામલે રીવાબાનું કહેવું છે કે તેઓ ભાજપની વિચારધારા સાથે જોડાયેલ છે અને આ ક્ષેત્રીય મહાસંમેલન છે, જેના લીધે તે પ્રચારમાં આવ્યા છે.
નયનાબ જામનગરમાં કરી રહ્યા છે પ્રચાર
તે જ સમયે ક્રિકેટર રવિન્દ્ર જાડેજાના બહેન જામનગરમાં કોંગ્રેસ માટે ડોર ટૂ ડોર પ્રચારની કામગીરી પણ સંભાળી રહ્યા છે અને ઉમેદવારો માટે મત પણ માંગી રહયા છે.