લાઈફસ્ટાઈલ / મીઠું-ખાંડ અને ચા પત્તી, ચોમાસામાં ભેજ લાગી જાય, તો અજમાવો આ ઘેરલુ નુસખા

વરસાદી મોસમમાં હવામાં ભેજ વધી જાય છે. એના કારણે રસોડામાં રાખેલી અનેક વસ્તુઓ ભીની થઈ જાય છે, જામી જાય છે કે પછી કીડા પડી જાય છે. ખાસ કરીને મીઠું, ખાંડ અને ચાના પત્તા તો સૌથી વધુ અસરગ્રસ્ત બને છે. ઘણી વખત લોકો આ વસ્તુઓને સીધી ફેંકી દે છે, પરંતુ થોડી કાળજી રાખો તો તમે એને ફરી કામમાં લઈ શકો છો.

ભીનું મીઠું કેવી રીતે સાચવવું?

વરસાદી ભેજથી ડબ્બામાં ભરેલું મીઠું ઘણીવાર ભીનું થઈ જતું હોય છે. તેને ફેંકવા કરતાં સાફ થાળીમાં પાથરીને સૂર્યપ્રકાશમાં મૂકો અથવા પંખાની હવાની નીચે રાખો. ઇચ્છો તો માઇક્રોવેવમાં થોડા સમય મૂકી સૂકવી શકો. સૂકાઈ ગયા બાદ મીઠું ફરી સામાન્ય રીતે વાપરી શકાશે.

ખાંડ સુકવવાની સરળ રીત

ખાંડ પણ ભેજને કારણે ભીની થવા લાગે છે. એને સૂકવવા માટે હળવા ગરમ તવા પર થોડા સેકન્ડ સુધી ભૂંજી શકો છો. વિકલ્પરૂપે ખાંડને પ્લેટમાં પાથરીને ધુપમાં કે પંખાની હવાની નીચે મૂકો. ઓવનમાં અડધી મિનિટ માટે રાખશો તો પણ ભેજ દૂર થઈ જશે.

ચા પર ખાસ ધ્યાન આપો

ચા ભીનાશથી ફક્ત ચોંટતી જ નથી, પણ તેનો સ્વાદ પણ બદલાઈ જાય છે. તેને સૂકવવા માટે તવા પર હળવે ભુન્નો અથવા થાળીમાં પાથરીને ધુપ/પંખા નીચે મૂકો. મોન્સૂન શરૂ થાય તેના પહેલા જ ચાના ડબ્બામાં થોડા ચોખાના દાણા નાખી દો તો ભીનાશ આવતી જ નથી.

આ પણ વાંચો : જિયોના 9 વર્ષ પૂરા થતા મુકેશ અંબાણીએ ખજાનો ખોલ્યો, યુઝર્સને મફતમાં અનેક લાભ

આ કાળજી પણ રાખો

• મીઠું, મસાલા અને અન્ય વસ્તુઓ હંમેશા એરટાઇટ ડબ્બામાં જ રાખો.
• પ્લાસ્ટિકની જગ્યાએ કાચ કે સ્ટીલના ડબ્બાનો ઉપયોગ કરો.
• ચા-ખાંડ જેવી વસ્તુઓમાં ભેજ શોષાય નહીં તે માટે ચોખા કે સિલિકા જેલની પેકેટ મૂકી દો.
• વસ્તુઓ સૂકવતી વખતે ખૂબ લાંબા સમય સુધી તડકામાં ન મૂકવી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ