હેલ્થ / યુરિક એસિડનું સ્તર વધતા શરીરના આ ભાગોમાં થાય છે તીવ્ર દુખાવો, ભૂલથી પણ અવગણશો નહીં

યુરિક એસિડ એ લોહીમાં જોવા મળતો એક અવશેષ પદાર્થ છે. યુરિક એસિડ વધવાના અનેક કારણો છે. તેમાં મુખ્ય છે હાઈ પ્યુરિનયુક્ત ખોરાક જેમ કે લાલ માંસ, બીન્સ અને દરિયાઈ ખોરાક. તેના ઉપરાંત, કોઈ મેટાબોલિઝમ અથવા કિડની સાથે જોડાયેલી બીમારી હોવા પર પણ આ સમસ્યા ઊભી થઈ શકે છે.

સામાન્ય રીતે કિડની આ એસિડને બહાર કાઢી દે છે, પરંતુ જ્યારે આ યુરિક એસિડ શરીરમાં જમાં થવાનું શરૂ કરે છે, ત્યારે તેનું પ્રમાણ વધી જાય છે. યુરિક એસિડ વધવાથી સાંધા સિવાય શરીરના અન્ય ભાગોમાં પણ દુખાવો થાય છે. તો આવો જાણીએ કે યુરિક એસિડ વધવાથી કયા અંગોમાં દુખાવો થાય છે?

સાંધામાં દુખાવો

જ્યારે શરીરમાં યુરિક એસિડનું પ્રમાણ વધે છે, ત્યારે તે ક્રિસ્ટલ્સના રૂપમાં હાડકાંમાં જમાં થવાનું શરૂ કરે છે. આ ક્રિસ્ટલ્સ સાંધામાં ભેગા થાય છે અને તીવ્ર દુખાવાનું કારણ બને છે. આવા દુખાવાને ક્યારેય અવગણવો નહીં.

સાંધાની આસપાસ લાલાશ

યુરિક એસિડ વધવાથી સાંધાની આસપાસ લાલાશ દેખાવા લાગે છે. જો તમારી કોણી, ઘૂંટણ કે અન્ય સાંધાની આસપાસ લાલાશ દેખાય છે, તો એ યુરિક એસિડ વધવાનું સંકેત હોઈ શકે છે.

ઘૂંટણમાં દુખાવો

યુરિક એસિડ વધવાથી ઘૂંટણમાં પણ ખુબજ દુખાવો થઈ શકે છે. તે સાંધામાં જમાં થવાના કારણે અવરોધ પેદા કરે છે અને ખેંચાવ આવે છે. આથી ઘૂંટણમાં તીવ્ર દુખાવાની સમસ્યા ઉભી થાય છે.

ગળામાં દુખાવો

યુરિક એસિડ વધવાથી ગળામાં પણ દુખાવો થઈ શકે છે. જો તમને લાગે કે ગળાની આસપાસ એક પ્રકારની અડચણ છે અથવા વારંવાર દુખાવો થાય છે, તો એ યુરિક એસિડનું પ્રમાણ વધવાનું કારણ હોઈ શકે છે.

કમરમાં દુખાવો

યુરિક એસિડ વધવાનો એક મોટો સંકેત કમર દુખાવા રૂપે પણ દેખાય છે. તે કમરના સાંધામાં જમાં થવાથી અકાર્યક્ષમતા પેદા કરે છે અને સૂઈને ઉઠવામાં કે આરામ કરવાને લીધે તીવ્ર કમર દુખાવો અનુભવાય છે.

વધુ વાંચો: શું ડાયાબિટીસ આવ્યા તમારી સેક્સની ઈચ્છા ઘટાડી શકે?, આવું ન ઈચ્છતા હોય તો રાખો આ સાવચેતી

ઉપરોક્ત લક્ષણો દેખાય તો તેને હળવામાં લેવાને બદલે તાત્કાલિક ડોકરની સલાહ લો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ