હેલ્થ / જીવલેણ સાબિત થઇ શકે છે લિવર કેન્સર, શરીરમાં આ લક્ષણથી સમજો બીમારીની ગંભીરતા

છેલ્લા કેટલાક વર્ષોમાં લીવર કેન્સરના કેસોમાં ઝડપથી વધારો થયો છે. લીવર કેન્સર એક એવી સ્થિતિ છે જેમાં લીવરના કોષો ઝડપથી વધે છે અને લીવરમાં ગાંઠો બનાવે છે. લીવર આપણા શરીરમાં લોહીને ડિટોક્સિફાય કરવામાં, જરૂરી પ્રોટીન બનાવવામાં અને પાચનમાં સૌથી વધુ મદદ કરે છે. જ્યારે લીવર કેન્સર વિકસે છે, ત્યારે સામાન્ય લીવર કોષો પરિવર્તિત થાય છે અને અસામાન્ય રીતે વધવા લાગે છે. જેના કારણે લીવરની કાર્ય ક્ષમતા ઓછી થાય છે. જેમ જેમ કેન્સર વધે છે, તેમ તેમ લીવર લોહીને ફિલ્ટર કરવાની, શરીરને ડિટોક્સિફાય કરવાની અને ખોરાકને પચાવવાની ક્ષમતા ગુમાવે છે. જેના કારણે શરીરમાં આ લક્ષણો જોવા મળે છે.

ક્યારેક લીવર કેન્સરનું વહેલું નિદાન કરવું મુશ્કેલ બની શકે છે. કારણ કે ઘણીવાર લીવરમાં કેટલાક લક્ષણો ત્યારે જ દેખાય છે જ્યારે સ્થિતિ ગંભીર બની જાય છે. પરંતુ શરીરમાં થતા નાના ફેરફારો પરથી શરૂઆતના લક્ષણો સમજી શકાય છે અને ડૉક્ટરની સલાહ લઈ શકાય છે. લીવર કેન્સરના શરૂઆતના લક્ષણો શું છે તે જાણો?

લીવર કેન્સરના લક્ષણો

અચનાક વજન ઘટવા લાગવું: જો તમારું વજન કોઈ બીમારી વિના, આહાર અને કસરત વિના અચાનક ઘટી રહ્યું છે, તો આ લીવરની અયોગ્ય કામગીરીને કારણે હોઈ શકે છે. આને લીવર કેન્સરનું પ્રારંભિક લક્ષણ ગણી શકાય.

ભૂખ ન લાગવી- ખાવામાં વધારે રસ ન હોવો અથવા પેટ ભરેલું લાગવું, ઓછું ખાધા પછી પણ ઝડપથી પેટ ભરેલું લાગવું એ લીવર સંબંધિત સમસ્યાઓનો સંકેત છે. તાત્કાલિક ડૉક્ટરનો સંપર્ક કરો.

પેટના ઉપરના જમણા ભાગમાં દુખાવો: જો તમને વારંવાર પેટમાં દુખાવો થતો હોય જે જમણી બાજુ હોય અને તમને તેની સાથે થોડી અગવડતા પણ અનુભવાતી હોય, તો આ લીવર સંબંધિત રોગની નિશાની હોઈ શકે છે.

ઉબકા અને ઉલટી - જો તમને કોઈ કારણ વગર વારંવાર ઉલટી થવા લાગે છે કે ઉબકા આવવા લાગે છે, તો તમને લીવરની સમસ્યા હોઈ શકે છે. તે લીવર કેન્સર સાથે પણ જોડાયેલ હોઈ શકે છે.

પેશાબનો રંગ ઘેરો: જો તમને શૌચાલયના રંગમાં સતત ફેરફાર થતો રહે છે, જેમ કે પેશાબનો રંગ ઘેરો પીળો થઈ જાય છે, તો તે લીવર સંબંધિત કોઈ રોગની ચેતવણી હોઈ શકે છે.

તાવ અને કમળાની અસર - શરીરમાં તાવ હોવો પણ લીવર કેન્સરનું કારણ બની શકે છે. ત્વચા પીળી પડવી, આંખો પીળી પડવી, અથવા કમળો લીવર સાથે સંબંધિત છે. તેથી, કોઈપણ બેદરકારી વિના ડૉક્ટરની સલાહ લો.

પેટ ફૂલવું- કેટલાક લોકોને પેટ ફૂલવાની સમસ્યા હોય છે. પેટમાં કંઈક ભારેપણું હોય તેવું લાગે છે. આ પેટમાં સોજો આવવાને કારણે હોઈ શકે છે. પેટનું મોટું થવું અથવા સ્થૂળતા એ લીવરના મોટા થવાનું લક્ષણ છે.

વધુ વાંચો- સવારે કે સાંજે ક્યારે ચાલવું સ્વાસ્થ્ય માટે ગણાય ઉત્તમ? જાણો તેના અઢળક ફાયદાઓ

DISCLAIMER:

આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ