મોંઘવારીનો માર / લીંબૂએ નહીં પણ તેના ભાવે દાંત ખાટા કરી નાખ્યા, 1 નંગના 10 રૂપિયા, કિલોના 200 રૂપિયા

• મોંઘવારીએ માજા મુકી
• લીંબૂના ભાવમાં તોતિંગ વધારો
• કિલોના થયા 200 રૂપિયા

મોંઘવારીના મારથી લીંબૂ પણ બચી શક્યા નથી. દિલ્હીમાં એક લીંબૂની કિંમત 10 રૂપિયા થઈ ગઈ છે. તો આ બાજૂ રાજકોટમાં લીંબૂના ભાવ 200 રૂપિયે પ્રતિ કિલો થઈ ગયા છે. ગુજરાતમાં છેલ્લા થોડા દિવસ પહેલા લીંબૂ 50થી 60 રૂપિયા પ્રતિ કિલો વેચાઈ રહ્યા હતા. જ્યારે દિલ્હીમાં થોડા અઠવાડીયા પહેલા 10 રૂપિયાના 3 લીંબૂ વેચાઈ રહ્યા હતા. 

રાજકોટમાં એક ગ્રાહકે જણાવ્યું હતું કે, લીંબૂની કિંમત 200 રૂપિયાને આંબી ગઈ છે. પહેલા તેનો ભાવ લગભગ 50થી 60 રૂપિયા કિલો હતો. કિમતોમાં આ વધારો આપણા રસોઈના બજેટને પ્રભાવિત કરી શકે છે. ન જાણે ક્યારે આ ભાવ ઓછા થઈ જાય.

Gujarat | Prices of lemon soar as high as Rs 200/kg in Rajkot. Visuals from a market in the city.

Customers say, "The price of lemon is touching Rs 200/kg. It was around Rs 50-60/kg earlier. This is affecting our 'kitchen budget'. Don't know when will the prices go down" (01.04) pic.twitter.com/6tO2zdkLjx

— ANI (@ANI) April 2, 2022

બે અઠવાડીયા પહેલા પણ વધ્યા હતા ભાવ

ગુજરાતમાં લગભગ બે અઠવાડીયા પહેલા પણ લીંબૂના ભાવ 80 રૂપિયાથી વધીને 200 રૂપિયા પ્રતિ કિલો સુધી પહોંચી ગયા હતા. તો વળી મરચા, આદૂ, કોબિજ, લસણ વગેરેના ભાવ પણ વધી ગયા છે. લીલા ધાણાના ભાવ ફેબ્રુઆરીમાં 60 રૂપિયા પ્રતિ કિલો હતા, જે વધીને 100 રૂપિયા થઈ ગયા હતા. આ ઉપરાંત લીલા મરચા 60 રૂપિયા પ્રતિકિલોથી વધીને 160 રૂપિયા થઈ ગયા હતા. તો વળી કોબિજના ભાવ 40 રૂપિયાથી વધીને 80 રૂપિયા થઈ ગયા હતા.

કમોસમી વરસાદે ચિંતા વધારી

કૃષિ વૈજ્ઞાનિકોનું માનવુ છે કે, આમ તો ગરમીમાં લીંબૂના ભાવ વધી જતાં હોય છે. પણ આટલા મોંઘા વેચાવા પાછળ સૌથી મોટુ કારણ હવામાન છે. કમોસમી વરસાદ અને હવામાનમાં ફેરફારના કારણે લીંબૂનો પાક પ્રભાવિત થયો. જેના કારણે ઉત્પાગન પ્રભાવિત થઈ ગયું. હવે ગરમીમાં લીંબૂની માગ વધવાના કારણે સોર્ટેજના કારણે તેના ભાવ વધી રહ્યા છે.