ધરતીકંપ / કચ્છમાં આજે 10 મિનીટની અંદર બે ભૂકંપનાં આંચકા અનુભવાયાં, 4.6ની તીવ્રતા નોંધાઇ

Divyesh

Last Updated: 01:50 PM, 15 June 2020

FOLLOW ON

શેર કરો

ગુજરાતમાં એક તરફ કોરોનાની મહામારીને લઇને ભયનો માહોલ જોવા મળી રહ્યો છે. ત્યારે રાજ્યમાં સતત બે દિવસથી ભૂકંપના આંચકા અનુભવામાં આવી રહ્યાં છે. ત્યારે આજે કચ્છમાં પહેલો ભૂકંપનો આંચકો 12.56 મિનિટે અનુભવાયો. જેની તીવ્રતા 4.6 નોંધાઇ છે. ગઇકાલ બાદ અત્યાર સુધીમાં કચ્છમાં 13 ભૂકંપના આંચકા અનુભવાયાં છે.

જ્યારે બીજો ભૂકંપનો આંચકો 1 કલાક 01 મિનિટે 3.6ની તીવ્રતાનો આવ્યો છે. આમ કચ્છમાં 10 મિનિટમાં બે આંચકા અનુભવાયાં છે. ભૂકંપનું કેન્દ્ર બિંદુ ભચાઉ આસપાસનું નોંધાયું છે.

રાજ્યમાં જૂન મહિનામાં ભૂકંપના 42 આંચકા અનુભવાયા છે. રિકટર સ્કેલ 3થી વધુની તીવ્રતાની માત્રાના પાંચ ઝટકા અનુભવાયા છે. રવિવારે રાત્રે 8.13 વાગ્યે 5.4ની તીવ્રતાનો ભૂકંપનો આંચકો અનુભવાયો હતો.

આ આંચકા બાદ 13 આફટર શોક અનુભવાયાં હતા. ભૂકંપના આંચકાના સૌથી વધુ કેન્દ્રબિંદુ કચ્છના રાપરમાં નોંધાય છે. 30 આંચકાનું કેન્દ્રબિંદુ રાપર અને દુધઈની આસપાસ નોંધાયું છે. ઉત્તર ગુજરાતના ધરોઈમાં પણ 5થી વધુ આંચકા આવ્યાં છે. સૌરાષ્ટ્રમાં તાલાળા, ઉના અને ઉપલેટામા પણ આંચકા અનુભવાયાં છે.

સંકળાયેલા મુદ્દાઓ

Earthquake Kutch gujarat કચ્છ ગુજરાત ભકૂંપ Earthquake