G20 / પૈડામાં આંગળી મૂકવાથી દેખાશે ચોક્કસ ટાઈમ ! PM મોદીએ પ્રેસિડન્ટ બાયડનને કહ્યો આ અદ્ભુત મંદિરનો મહિમા

• જી-20 સમિટમાં સૂર્ય મંદિરના કોણાર્ક ચક્રની પ્રતિકૃતિ
• પીએમ મોદીએ બાયડન-સુનકને સમજાવ્યો ચક્રનો મહિમા
• કોણાર્ક ચક્રના 24 આરાઓ ભગવાન વિષ્ણુના 24 અવતાર હોવાની માન્યતા 

જી-20 સમિટમાં પીએમ મોદી જ્યારે દુનિયાભરના નેતાઓનું સ્વાગત કરી રહ્યા હતા, ત્યારે તેની પૃષ્ઠભૂમિમાં ઓડિશાના પુરીમાં સૂર્ય મંદિરના કોણાર્ક ચક્રની પ્રતિકૃતિ પણ હતી. વડાપ્રધાન મોદી અમેરિકાના રાષ્ટ્રપતિ  બાયડન અને બ્રિટનના વડાપ્રધાન ઋષિ સુનકનું સ્વાગત કર્યા બાદ કોણાર્ક ચક્ર વિશે માહિતી આપતા જોવા મળ્યા હતા.

કોણે બનાવ્યું કોણાર્ક ચક્ર 
કોણાર્ક ચક્રનું નિર્માણ 13મી સદીમાં રાજા નરસિંહદેવ-24ના શાસનકાળમાં થયું હતું. આ ચક્ર ભારતના પ્રાચીન જ્ઞાન, અદ્યતન સભ્યતા અને વાસ્તુશિલ્પની ઉત્કૃષ્ટતાનું પ્રતિક છે. આ ચક્રનું પરિભ્રમણ 'કાલચક્ર' સાથે પ્રગતિ અને સતત પરિવર્તનનું પ્રતીક છે. તે લોકશાહીના ચક્રનું એક શક્તિશાળી પ્રતીક છે કોણાર્ક ચક્રના 24 આરાઓ ભગવાન વિષ્ણુના 24 અવતાર બતાવવામાં આવ્યા છે.

પૈડાની ધરીમાં આંગળી મૂકવાથી ચોક્કસ ટાઈમ જાણવા મળે છે 
ધાર્મિક માન્યતાઓ ઉપરાંત કોણાર્કનું સૂર્ય મંદિર પણ વિજ્ઞાન સાથે સંબંધિત છે. એવું કહેવામાં આવે છે કે સૂર્ય મંદિરના આર્કિટેક્ટ્સે સૂર્ય ઘડિયાળ બનાવવા માટે ખગોળશાસ્ત્રના જ્ઞાનનો ઉપયોગ કર્યો હતો. એટલું જ નહીં, તેની ડિઝાઇન અત્યંત જટિલ ગણતરીઓ પર આધારિત છે જે પૃથ્વીના પરિભ્રમણ, સૂર્ય, ચંદ્ર અને તારાઓને ધ્યાનમાં લે છે. એટલું જ નહીં, આ મંદિર આખો દિવસ અને આખા વર્ષ દરમિયાન સૂર્યની ગતિને ટ્રેક કરી શકે છે. એવું કહેવામાં આવે છે કે સૂર્ય મંદિરમાં સ્થાપિત પૈડાં સન ડાયલ છે. જો આંગળીને પૈડાંની ધરીમાં મૂકવામાં આવે તો તેનો પડછાયો ચોક્કસ સમય બતાવશે.

કોણાર્ક ચક્રનો મહિમા સાંભળીને ગદગદિત થયા બાયડન
પીએમ મોદીનો મોંથી કોર્ણાકનો મહિમા જાણીને પ્રેસિડન્ટ બાયડન ગદગદિત થયેલા જોવા મળ્યાં હતા. તેમને પણ આશા નહીં હોય કે ભારતમાં આવું પણ એક સુંદર અને ભવ્ય મંદિર હશે.