ધનલાભ / નસીબવાળી ભારતીય મહિલા, અબુધાબીમાં મજાક મજાકમાં ટિકિટ ખરીદી, લાગી 45 કરોડની લોટરી

• વિદેશમાં વધુ એક વાર ભારતીયને લાગી મોટી લોટરી 
• અબુધાબીમાં રહેતી ભારતીય મહિલાએ લાગી 45 કરોડની લોટરી
• લીના જલાલ નામની કેરળની મહિલાએ જીત્યા 45 કરોડ 

અબુધાબીમાં રહેતી ભારતીય મહિલા લીના જલાલ નામની મહિલા નસીબની જબરી બળુકી નીકળી તેણે એક ઓછા પૈસામાં લોટરીની ટિકિટ ખરીદી અને તેની નવાઈ વચ્ચે તેને 45 કરોડ જેટલી મોટી રકમનું ઈનામ મળ્યું. અબુધાબીમાં રહેતી ભારતીય મહિલાએ કરોડો રૂપિયાની મોટી ટિકિટ લોટરી જીતી છે. મીડિયા રિપોર્ટ્સ અનુસાર, કેરળના ત્રિસૂરની રહેવાસી લીના જલાલ નામની મહિલાએ બિગ ટિકિટ અબુ ધાબી વીકલી ડ્રોમાં 2.2 કરોડ દિરહમ (લગભગ 44.75 કરોડ રૂપિયા) જીત્યા હતા.લીનાએ કંઈ ગંભીર બનીને કે ધનવાન બનવા માટે લોટરીની ટિકિટ ખરીદી નહોતી, તેણે તો અમસ્તો પ્રયાસ કર્યો અને તે કામ કરી ગયો. 

લીના જલાલે મજાક મજાકમાં ટિકિટ ખરીદી

લીના જલાલે મજાક મજાકમાં ટિકિટ ખરીદી હોવાનું જણાવાય છે. લોટરની ટિકિટ ખરીદવાની તેની ઈચ્છા નહોતી પરંતુ એક સમયે એમ થયું કે ટ્રાય કરવામાં શું જાય છે અને તેની ટ્રાય કરવી તેને ધનવાન બનાવી ગઈ. 

જલાલ માટે લકી નંબર 144387
 આ લોટરીનો ડ્રો 3 ફેબ્રુઆરીએ કાઢવામાં આવ્યો હતો. આમાં જલાલને આ લોટરી મળી હતી. તેમનો ટિકિટ નંબર 144387 હતો. જલાલ અબુધાબીમાં એચઆર પ્રોફેશનલ તરીકે કામ કરે છે. જલાલે કહ્યું છે કે તે તેની ટિકિટ વધુ 10 લોકો સાથે શેર કરશે અને તે ચેરિટી માટે કેટલાક પૈસા આપવાની પણ યોજના ધરાવે છે. જલાલે કહ્યું, "મારી પાસે કશું કહેવા માટે શબ્દો નથી. મને ખબર નથી કે મારે શું કહેવું જોઈએ. હું ખુશ છું અને આભારી છું."

જલાલની સાથે આ લોકોને પણ લાગી લોટરી 
કેરળના અન્ય એક વિદેશી ભારતીયએ 10 લાખ દિરહામ એટલે કે લગભગ 2.03 કરોડ રૂપિયા જીત્યા હતા. તે મલ્લાપુરમ જિલ્લાનો વતની છે અને તેની ઇનામની રકમ 29૯ અન્ય લોકો સાથે શેર કરશે. તે એન્જિનિયર તરીકે કામ કરે છે. તેણે કહ્યું કે તે તેના માતાપિતાને કેટલાક પૈસા આપશે જ્યારે તેની પત્ની અને બાળકના ભવિષ્ય માટે કેટલાક પૈસા બચાવશે.