તમને ખબર છે? / દેશના આ મંદિરમાં ભગવાનને પ્રસાદમાં ચઢાવવામાં આવે છે 'ચોકલેટ', કારણ છે એક બાળક, રસપ્રદ છે તેના પાછળની કહાણી

• આ મંદિરમાં ભગવાનને ધરાવવામાં આવે છે ચોકલેટ 
• જાણો કેમ ચઢાવવામાં આવે છે ચોકલેટ
• બાળક સાથે જોડાયેલી છે તેની કહાણી 

કરેળના અલાપ્પુઝામાં કેમમોથ શ્રી સુબ્રમણ્ય મંદિરમાં ભગવાનને ચોકલેટ ચઢાવવામાં આવે છે. અહીં પ્રથા લગભગ એક દશક પહેલા શરૂ કરવામાં આવી હતી. કહેવામાં આવે છે કે સૌથી પહેલા અહીં એક નાનકડા બાળકે ભગવાનને ચોકલેટ ચઢાવી હતી. હવે લોકો ફૂલ, ચંદન, ફળ વગેરેની જગ્યા પર ભગવાનને ચોકલેટ ચઢાવવામાં આવે છે. મંદિરમાં પ્રાથના પુરી થવા પર ચોકલેટ ચઢાવવાની અહીં અનોખી પ્રથા છે. અમુક લોકો પોતાના વજનના બરાબર ચોકલેટ ચઢાવે છે. 

કેમ ચઢાવવામાં આવે છે ચોકલેટ? 
કેરળના અલાપ્પુઝામાં મંદિરમાં પ્રસાદના રૂપમાં ચોકલેટ ધરાવવામાં આવે છે. તેની શરૂઆત ત્યારે થઈ જ્યારે એખ નાના બાળકે મંદિરના ગર્ભગૃહની પાસે ચોકલેટ ચઢાવી અને ગાયબ થઈ ગયો હતો. તે બાળક ગાયબ કઈ રીતે થયો તેની જાણકારી આજ સુધી કોઈને નથી થઈ. આ કહાની જંગલમાં આગની જેમ ફેલાઈ ગઈ અને ત્યાં ચોકલેટ ચઢાવવાની પ્રથા શરૂ થઈ. 

ચોકલેટ ચઢાવવાથી પુરી થાય છે મનની ઈચ્છા 
ભક્તોને વિશ્વાસ છે કે ચોકલેટ ચઢાવવાથી મનની ઈચ્છા પુરી થાય છે. અહીં મુરૂગનને હવે 'મંચ મુરૂગન'ના નામથી ઓળખવામાં આવે છે. મંદિરમાં ઘણા અનુષ્ઠા કરવામાં આવે છે. મંચ પેકેટમાં અથવા ચોકલેટના રૂપમાં લાવવામાં આવે છે. તેને લઈને એક પ્રશ્ન પણ લોકો કરે છે કે ચોકલેટ કેમ નહીં? આપણને પસંદ આવે છે ચોકલેટ તો ભગવાનને કેમ ન પસંદ આવે? આ મંદિર 300 વર્ષ જુનુ છે. આ પ્રાચીન મંદિરમાં દર્શનાર્થિઓની ભીડ લાગે છે.