લોકસભા ચૂંટણી વચ્ચે આમિર ખાનનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં તે એક પાર્ટીને સપોર્ટ કરતો જોવા મળી રહ્યો છે. આ વીડિયોમાં આમિર ખાન વચનો આપવામાં સાવધાન રહેવાની વાત કરી રહ્યો છે. પરંતુ હવે તેણે આ વીડિયોને ફેક ગણાવ્યો છે. આ સાથે આમિર ખાન દ્વારા આ વીડિયો પર એફઆઈઆર પણ દાખલ કરવામાં આવી છે. આ સમગ્ર મામલે આમિર ખાનનું નિવેદન પણ સામે આવ્યું છે. પોસ્ટમાં લખ્યું છે, અમે સ્પષ્ટ કરવા માંગીએ છીએ કે શ્રી આમિર ખાને તેની 35 વર્ષની કારકિર્દીમાં ક્યારેય કોઈ રાજકીય પક્ષને સમર્થન આપ્યું નથી. "તેમણે છેલ્લી ઘણી ચૂંટણીઓમાં ચૂંટણી પંચના જનજાગૃતિ અભિયાનો દ્વારા જનજાગૃતિ વધારવાનો પ્રયાસ કર્યો છે.
Hamare 15 minutes aur unka 15 lakh yaad rakhna.
jab bhi vote karne Gaye .
Unka Jumla aur hamare awaaz.
Unka Dhokha aur hamare kaam.
Unki takleef aur hamare marham.#AamirKhan pic.twitter.com/SPq3VteSec
— HASSAN🔻𝕏 (@HassanSiddiqei) April 15, 2024
વાયરલ વીડિયો પર નિવેદન
આ સાથે આમિર ખાનના નિવેદનમાં વાયરલ વીડિયો અંગે વાત કરવામાં આવી છે. લખવામાં આવ્યું છે કે, અમે તાજેતરના વાયરલ વીડિયોને લઈને ચિંતિત છીએ, જેમાં આરોપ છે કે આમિર ખાન એક ખાસ રાજકીય પક્ષને પ્રમોટ કરી રહ્યો છે. તે સ્પષ્ટ કરવા માંગે છે કે આ એક નકલી વીડિયો છે અને સંપૂર્ણપણે ખોટો છે. તેમણે આ મુદ્દા સાથે સંબંધિત ઘણા અધિકારીઓને મામલાની જાણ કરી છે. જેમાં મુંબઈ પોલીસના સાયબર ક્રાઈમ સેલમાં એફઆઈઆર દાખલ કરવાનો પણ સમાવેશ થાય છે.
વધુ વાંચો : 'સલમાનને મારી નાખવા જ કર્યું હતું ફાયરિંગ', ભુજથી ઝડપાયેલા હુમલાખોરોનો ઘટસ્ફોટ
આમિર ખાનનો જે વીડિયો વાયરલ થયો
આમિર ખાનનો જે વીડિયો વાયરલ થઈ રહ્યો છે તે 31 સેકન્ડની ક્લિપ છે. આમાં તે હિન્દીમાં બોલતા સંભળાય છે. તે કહે છે, મિત્રો જો તમને લાગે છે કે ભારત એક ગરીબ દેશ છે, તો તમે બિલકુલ ખોટા છો. કારણ કે અહીંનો દરેક નાગરિક કરોડપતિ છે. દરેક વ્યક્તિ પાસે ઓછામાં ઓછા 15 લાખ રૂપિયા હોવા જોઈએ. તમે શું કહ્યું તમારી પાસે આ રકમ નથી તો તમારા 15 લાખ રૂપિયા ક્યાં ગયા? જો કે આમિર ખાનનો જે વીડિયો વાયરલ થઈ રહ્યો છે તે સત્યમેવ જયતે શોના પ્રોમોનો એક ભાગ છે. વીડિયોમાં આમિર ખાનનો અસલી અવાજ બદલવામાં આવ્યો છે. વીડિયોમાં આમિરના અવાજને ધ્યાનથી સાંભળ્યા પછી જ સ્પષ્ટ થાય છે કે તે આમિર ખાનનો અવાજ નથી.
