ભાવનગર / અલંગ શિપ બ્રેકિંગ યાર્ડ : શંકાના વમળમાં ફસાયેલા બે વિવાદાસ્પદ જહાજો પર જામનગર કસ્ટમ પ્રિવેન્ટીવની કાર્યવાહી

• જામનગર કસ્ટમ પ્રિવેન્ટીવ ટીમની કાર્યવાહી
• અલંગ શિપ બ્રેકિંગ યાર્ડમાં વધુ બે જહાજ સીલ
• ખોટા દસ્તાવેજ, IMO સાથે સીઝ કરાયા

અલંગ શિપબ્રેકિંગ યાર્ડમાં ભંગાવવા માટે આવેલા વધુ બે જહાજોને સીઝ કરવામાં આવ્યા છે. આ જહાજો ભંગાણ અર્થે આવ્યા હતા પરતું જહાજના દસ્તાવેજો અને આઈએમઓ નંબર ખોટા હોવાથી તેને સીલ કરવામાં આવ્યા છે.  જહાજોને એજન્સીઓ દ્વારા સીઝ કરવામાં આવ્યા છે ત્યારે આ ઘટનાથી અલંગમાં કોઇ આંતરરાષ્ટ્રીય ષડયંત્ર હોવાની શંકા સેવાઈ રહી છે.  

જામનગર કસ્ટમ પ્રિવેન્ટીવ ટીમની કાર્યવાહી

મહત્વનુ છે કે અગાઉ પણ શિપ બ્રેકિંગ યાર્ડ અલંગમાં અમેરિકાના પ્રતિબંધિત જહાજને DRIએ સીઝ કર્યું હતું, જહાજનું નામ અને IMO નંબર બદલી શિપયાર્ડમાં ભાંગવા માટે આવતા DRIને શંકા જતા જહાજને સીલ કરાયું હતું. ત્યારે વધુ બે જહાજો સામે કસ્ટમ પ્રિવેન્ટીવ ટીમે કાર્યવાહી હાથ ધરી છે. આ જહાજોને ખોટા દસ્તાવેજો આઇએમઓ નંબર સાથે ચેડાં કરીને લાવવામાં આવ્યા હોવાની શંકા સેવાઈ રહી છે તંત્રના ધ્યાને આવતા બંને જહાજને હાલ જપ્ત કરી લેવામાં આવ્યા છે એક જ સપ્તાહમાં 3 જહાજની તપાસ કરીને એજન્સીઓ દ્વારા સીઝ કરવામાં આવ્યા છે. 

અલંગ શીપ બ્રેકિંગ યાર્ડમાં વધુ બે જહાજ સીલ

મહત્વું છે કે હાલ સમૃદ્ધ કિનારેથી અનેકવાર જહાજોમાં ગેરકાયદેસર નશીલા પદાર્થોની હેરાફેરી કરવામાં આવતી હોય છે તેમજ તસ્કરીનું આખું કૌભાંડ ચાલતું હોય છે ત્યારે કસ્ટમ વિભાગે સક્રિય જોવા મળી રહ્યું છે અંલગ ખાતે આવેલા આ જહાજો ભંગાણ અર્થે આવ્યા હતા પરતું તેના દસ્તાવેજોમાં ચેડા કરાયા હોવાનું સામે આવતા અલંગમાં કોઇ આંતરરાષ્ટ્રીય ષડયંત્ર હોવાની શંકાએ હાલ જુદી જુદી એજન્સીઓ તપાસના કામે લાગી છે. તેમના દ્વારા જીણવટભરી ચકાસણી કરવામાં આવી રહી છે.