ક્રિકેટ / PHOTOS: હૈદરાબાદની વિકેટ પર વિકેટ પડતાં માલિક કાવ્યા મારન બેબાકળી થઈ, રીએક્શન ખૂબના વાયરલ

હૈદરાબાદના રાજીવ ગાંધી ક્રિકેટ સ્ટેડિયમમાં રમાયેલી SRH vs RCBની મેચમાં બેંગલોરનો વિજય થયો હતો. આ મેચ શરુ થઈ એના પહેલા SRHની ટીમ હોટ ફેવરીટ મનાતી હતી. પરંતુ જ્યારે RCBની ટીમે પહેલી બેટિંગ કરી SRHને 207 રનનો ટાર્ગેટ આપ્યો. ત્યારે ખેલ પલટાઈ ગયો હતો. બેંગલોરનો 35 રને વિજય થયો હતો. હૈદરાબાદે તેમની પાંચ વિકેટ 69 રન પર ગુમાવી દીધી હતી.આ દરમિયાન SRHની માલીક કાવ્યા મારન ખૂબ જ ગુસ્સામાં જોવા મળી હતી.

Kavya Maran's reactions today. pic.twitter.com/wINwwAgStc

— Tanuj Singh (@ImTanujSingh) April 25, 2024

મેચ પહેલા હતી કાવ્યા ખૂશ
મેચ શરુ થયા પહેલા SRHની સીઈઓ કાવ્યા મારન ખૂબ જ ખુશ હતી. પહેલી ઈનિંગ પુરી થઈ ત્યાં સુધી મારનનો કોન્ફિડન્સ જીતને લઈ હાઈ હતો. કેમ કે તેની ટીમે આ IPLમાં રનનો રેકોર્ડ બનાવ્યો છે. SHRએ ત્રણ વખત 250 કરતા વધુ રન ફટકાર્યા છે. જેથી બધાને પણ લાગતુ હતુ કે, 207 રન SRHની ટીમ આસાનીથી ચેઝ કરી નાખશે. પણ જ્યારે હૈદરાબાદની ટીમ બેટિંગમાં ઉતરી તો કાવ્યા મારનનું નુર ચેહરા પરથી ઉડી ગયુ હતુ. અને એક બાદ એક હૈદરાબાદની વિકેટ જતા કાવ્યા ગુસ્સામાં જોવા મળી હતી. 

ગુસ્સામાં કરી હતી એક્શન
હૈદરાબાદની વિકેટો પડતા કેમેરામેન કાવ્યા પર ફોકસ કરતો હતો જેમાં તે ખીજાયેલી જોવા મળતી હતી. જ્યારે અબ્દુલ સમદ આઉટ થયો ત્યારે મારને ગુસ્સામાં એવી એક્શન કરી હતી કે તે જાણે કહેવા માંગતી હોય કે તમે લોકો કરી શું રહ્યા છો? તેનો આ ગુસ્સાવાળો પોઝ સોશિયલ મીડિયામાં ખૂબ વાયરલ થઈ રહ્યો છે. જેમાં યુઝર્સે હૈદરાબાદ અને કાવ્યા મારનની મઝાક પણ ઉડાવી હતી.

કાવ્યા મારન વિશે જાણો
કાવ્યા મારન સન ગ્રુપના માલિક કલાનિધિ મારનની પુત્રી અને પૂર્વ કેન્દ્રીય મંત્રી દયાનિધિ મારનની ભત્રીજી છે. કાવ્યા SRH ટીમની CEO છે. તે સન ટીવીના OTT પ્લેટફોર્મ Sun NXTની પ્રમુખ છે સાથે સન મ્યૂઝિક સાથે પણ જોડાયેલી છે.
 
વધુ વાંચોઃ 3.2 ઓવર, 0 રન, 7 વિકેટ.. T20 ઈન્ટરનેશનલમાં અવિશ્વનિય બન્યું, વર્લ્ડ રેકોર્ડ કંડારાયો

 હૈદરાબાદનું ટોપ ઓર્ડર થયુ હતુ કોલેપ્સ
 આ મેચમાં પહેલા ટોસ જીતીને બેંગલોરે બેટિંગ લીધી હતી. જેમાં કોહલી અને પાટીદારની ફીફ્ટીની મદદથી ટીમનો સ્કોર 206 રને પહોંચી ગયો હતો. 207 રન ચેઝ કરવા ઉતરેલી હૈદરાબાદનું ટોપ ઓર્ડર કોલેપ્સ થઈ ગયુ હતુ. જેમાં ટ્રાવિસ હેડ 1રને, અભિષેક શર્મા 31, માર્ક્રમ 7, નીતિશ 13, ક્લાસેન 7, અબ્દુલ સમદ 10 રને આઉટ થઈ ગયા હતા. જેથી ટીમની હાર સુનિશ્ચિત થઈ ગઈ હતી. છતાં હૈદરાબાદની ટીમ 8 વિકેટ ગુમાવી 171 રન સુધીનો સ્કોર લઈ ગઈ હતી.