IPL 2024 / લખનઉ સુપર જાયન્ટ્સના કેપ્ટન પર સસ્પેન્સ, જાણો RCB વિરૂદ્ધ કોણ સંભાળશે ટીમની જવાબદારી

IPL 2024 ની 15મી મેચ આજે લખનૌ સુપર જાયન્ટ્સ અને રોયલ ચેલેન્જર્સ બેંગ્લોરની ટીમો વચ્ચે રમાશે પણ આ મેચમાં લખનૌ સુપર જાયન્ટ્સની કમાન કોણ સંભાળશે તે હજુ સ્પષ્ટ નથી. વાત એમ છે કે ટીમના ફુલ ટાઈમ કેપ્ટન કેએલ રાહુલે છેલ્લી મેચમાં ટીમની કેપ્ટનશીપ કરી ન હતી અને ઈમ્પેક્ટ પ્લેયર તરીકે રમ્યો હતો.

Bats don't lie, ft. Nicholas Pooran 😌🔥 pic.twitter.com/dhdr76kz4l

— Lucknow Super Giants (@LucknowIPL) April 1, 2024

રાહુલે સોમવારે રોયલ ચેલેન્જર્સ બેંગ્લોર સામેની મેચ પહેલા નેટ અને ફિટનેસ પ્રેક્ટિસમાં ભાગ લીધો હતો પરંતુ એલએસજીએ આજની મેચમાં તેની ભૂમિકા જાહેર કરી નથી એવામાં હવે જોવાનું એ રહ્યું કે તે આજની મેચમાં કેપ્ટન તરીકે જવાબદારી સંભાળશે કે નહીં. લખનૌની ટીમે પંજાબ કિંગ્સ સામે રાહુલનો ઈમ્પેક્ટ પ્લેયર તરીકે ઉપયોગ કર્યો હતો, જે બાદ તેની ફિટનેસને લઈને સવાલો ઉભા થયા હતા. નિકોલસ પુરનની કેપ્ટન્સીમાં ટીમે 21 રનથી મેચ જીતી હતી. 

Pat on the back for a job well done 💙🧿 pic.twitter.com/Sjao3ZMXip

— Lucknow Super Giants (@LucknowIPL) April 1, 2024

નિકોલસ પૂરને આરસીબી સામેની મેચ પહેલા કહ્યું હતું કે અમે જોઈશું કે તે નેટ સેશનમાં કેવું પ્રદર્શન કરે છે અને પછી તેના આધારે નિર્ણય લઈશું. પંજાબ સામે ક્વિન્ટન ડી કોક સાથે ઇનિંગ્સની શરૂઆત કરતા રાહુલે નવ બોલમાં 15 રન બનાવ્યા હતા. આ પછી ટીમે તેની જગ્યાએ નવીન ઉલ હકને મેદાનમાં ઉતાર્યો અને ડી કોકે વિકેટકીપરની ભૂમિકા ભજવી. રાહુલ નેટ સેશન દરમિયાન બેટિંગ કરતો જોવા મળ્યો હતો પરંતુ તે વિકેટકીપિંગ પ્રેક્ટિસથી દૂર રહ્યો હતો.

વધુ વાંચો: IPL 2024ના પોઈન્ટ ટેબલમાં થઈ મોટી ઉથલપાથલ, CSK-KKRને પાછળ છોડીને ટોપ પર પહોંચી ગઈ આ ટીમ 

છેલ્લા એક વર્ષથી શાનદાર ફોર્મમાં ચાલી રહેલા પુરને બે મેચમાં 170ના સ્ટ્રાઈક રેટથી 104 રન બનાવ્યા છે, જેમાં એક અડધી સદી પણ સામેલ છે. તેણે કહ્યું કે છેલ્લા કેટલાક વર્ષોમાં મેં મારી બેટિંગ પર ઘણી મહેનત કરી છે. હું ટીમ માટે કોઈપણ જવાબદારી નિભાવવા તૈયાર છું. 

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો