ક્રિકેટ / IPL 2024ના પોઈન્ટ ટેબલમાં થઈ મોટી ઉથલપાથલ, CSK-KKRને પાછળ છોડીને ટોપ પર પહોંચી ગઈ આ ટીમ

IPL 2024 માં અત્યાર સુધી 14 મેચો પૂરી થઈ ગઈ છે. સિઝનની 14મી મેચ મુંબઈ ઈન્ડિયન્સ અને રાજસ્થાન રોયલ્સ વચ્ચે મુંબઈના વાનખેડે સ્ટેડિયમમાં રમાઈ હતી, જેમાં રાજસ્થાનની ટીમે આ સિઝનમાં સતત ત્રીજી જીત હાંસલ કરી હતી. આ સાથે જ મુંબઈની ટીમે હારની હેટ્રિક કરી હતી. આ મેચ બાદ IPL 2024ના પોઈન્ટ ટેબલમાં મોટો ફેરફાર જોવા મળ્યો છે. 

IPL 2024 Points Table.

- RR and KKR the only undefeated teams.
- MI the only team to not register a win. pic.twitter.com/ixfs9vY0lq

— Mufaddal Vohra (@mufaddal_vohra) April 1, 2024

રાજસ્થાન રોયલ્સે મુંબઈ ઈન્ડિયન્સ સામેની મેચમાં 6 વિકેટે જીત મેળવી હતી. રાજસ્થાન રોયલ્સે આ સિઝનમાં અત્યાર સુધીમાં 3 મેચ રમી છે અને તમામ મેચ જીતી છે. આ શાનદાર પ્રદર્શન સાથે રાજસ્થાનની ટીમ પોઈન્ટ ટેબલમાં પણ ટોપ પર પહોંચી ગઈ છે. કોલકાતા નાઈટ રાઈડર્સની ટીમ પ્રથમ સ્થાનેથી સરકીને બીજા સ્થાને પહોંચી ગઈ છે. બીજી તરફ ચેન્નાઈ સુપર કિંગ્સે પણ હારનો સામનો કરવો પડ્યો છે. ચેન્નાઈ સુપર કિંગ્સ ટીમ હવે ત્રીજા નંબર પર આવી ગઈ છે. જણાવી દઈએ કે KKR અને CSK પાસે હાલમાં 4-4 પોઈન્ટ છે, પરંતુ સારા નેટ રન રેટને કારણે કોલકાતા પોઈન્ટ ટેબલમાં CSK કરતા આગળ છે. 

- RR beat LSG by 20 runs.
- RR beat DC by 12 runs.
- RR beat MI by 6 wickets.

- Rajasthan Royals only team are Unbeatable in this IPL 2024 and they also are table toppers in the points table..!!!! pic.twitter.com/8VlSJK7CLo

— CricketMAN2 (@ImTanujSingh) April 1, 2024

આ સિઝનમાં મુંબઈ ઈન્ડિયન્સ માટે અત્યાર સુધી કંઈ સારું રહ્યું નથી. ટીમે ત્રણ મેચ રમી છે અને આ તમામ મેચોમાં તેને હારનો સામનો કરવો પડ્યો છે. આ ખરાબ પ્રદર્શન સાથે મુંબઈ ઈન્ડિયન્સની ટીમ પોઈન્ટ ટેબલમાં સૌથી નીચે છે. મુંબઈ ઈન્ડિયન્સની સિઝનની પહેલી મેચ ઘરઆંગણે હતી, પરંતુ આ મેચમાં પણ તેઓ જીતનું ખાતું ખોલાવી શકી નહતી. 

વધુ વાંચો: IPL ની સુરક્ષામાં ફરી એક વખત મોટી ચૂક....રોહિત અને ઈશાન ડરી ગયા, જુઓ વીડિયો

મેચમાં પ્રથમ બેટિંગ કરવા ઉતરેલી મુંબઈ ઈન્ડિયન્સની ટીમે 20 ઓવરમાં 9 વિકેટના નુકસાન પર 125 રન બનાવ્યા હતા. આ પછી, રાજસ્થાનની ટીમે આ લક્ષ્યાંક 15.3 ઓવરમાં 4 વિકેટના નુકસાન પર હાંસલ કર્યો હતો, જેમાં રિયાન પરાગે ફરી એકવાર બેટથી અદ્ભુત પ્રદર્શન કર્યું હતું, જેણે 39 બોલમાં 54 રનની અણનમ ઇનિંગ રમી હતી.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો