નિવેદન / ઈન્ટરનેટ ઝેરીલું બની રહ્યું છે, ટ્રોલિંગ રોકવા ટૂંક સમયમાં કાયદો- કેન્દ્રીય મંત્રીનું મોટું એલાન

• કેન્દ્રીય આઈટી મંત્રી રાજીવ ચંદ્રશેખરનું મોટું એલાન
• ઈન્ટરનેટ પર ફેલાઈ રહી છે મોટી માહિતી
• ઈન્ટરનેટને કાબુમાં રાખવા કાયદો લવાશે

કેન્દ્રીય સૂચના પ્રૌદ્યોગિકી રાજ્યમંત્રી રાજીવ ચંદ્રશેખરે કહ્યું કે ઈન્ટરનેટ ઝેરી બની રહ્યું છે અને "ખોટી માહિતીને હથિયાર બનાવી રહ્યું છે. તેમણે કહ્યું કે ઇન્ટરનેટ પર ટ્રોલિંગને રોકવા માટે સરકાર ટૂંક સમયમાં નવો કાયદો લાવશે. રાજીવ ચંદ્રશેખરે કહ્યું કે, સાયબર બુલિંગને નવા કાયદાના દાયરામાં લાવવામાં આવશે. નવો કાયદો આઈટી એક્ટનું સ્થાન લેશે.

ટ્રોલ થવાની ચિંતા નહીં રહે 
તેમણે ઉમેર્યું હતું કે નવો કાયદાના અમલ બાદ કોઈએ ટ્રોલ થવાની ચિંતા કરવાની જરૂર નહીં રહે અને ઈન્ટરનેટ પર યુવતીઓ પણ સાયબર બુલિંગનો શિકાર નહીં બને. યુવાન છોકરીઓ, યુવાન છોકરાઓ, વિદ્યાર્થીઓ, વૃદ્ધ પેન્શનરો, મહિલા ગૃહિણીઓ અને યુવાન વ્યાવસાયિકો માટે - ઇન્ટરનેટ સલામત અને વિશ્વસનીય હોવું જોઈએ. 

ઈન્ટરનેટ આજે ઝેરી બની રહ્યું છે 
તેમણે કહ્યું કે હું જોઉં છું કે ઈન્ટરનેટ આજે ઝેરી બની રહ્યું છે. ખોટી માહિતીનું ચલણ વધી રહ્યું છે.  હાલમાં ગુનેગારો સામે ભારતીય દંડ સંહિતાની ફોજદારી ધાકધમકી, જાતીય સતામણી, બદનક્ષી, પીછો કરવો, ઓનલાઇન પીછો કરવો અને વાંધાજનક સામગ્રી સાથે સંકળાયેલી કલમો હેઠળ કેસ દાખલ કરી શકાય છે, પરંતુ ઇન્ટરનેટના અનામીપણાને કારણે ટ્રોલર્સને છટકી જવાનું સરળ બન્યું છે.

ઈન્ટરનેટ વગર મોબાઈલમાં ટીવી ચેનલો જોઈ શકશો 

તો બીજી તરફ તમે ઇન્ટરનેટ વગર મોબાઇલ પર ટીવી જોઇ શકશો. ટેલિકોમ્યુનિકેશન્સ વિભાગના એકમ ટેલિકોમ એન્જિનિયરિંગ સેન્ટરે વાઇફાઇ એન્ટેના દ્વારા મોબાઇલ પર ટીવી કન્ટેન્ટ ઉપલબ્ધ કરાવવાનો ડ્રાફ્ટ જારી કર્યો છે. આવનારા દિવસોમાં જલ્દી જ તમે ઇન્ટરનેટ વગર મોબાઇલ પર ટીવી જોઇ શકશો. આ નવી ટેકનોલોજી બાદ તમારો મોબાઇલ ટૂંક સમયમાં જ ટેલિવિઝન બની જશે. તમે ઇન્ટરનેટ વિના ટીવી ચેનલો જોઈ શકશો. આ નવી ટેક્નોલોજી બાદ તમારે મોબાઇલ પર ટીવી જોવા માટે ડેટાનો ઉપયોગ નહીં કરવો પડે. એવું માનવામાં આવે છે કે આ નવી તકનીકને તમારા મોબાઇલ માટે કોઈ વધારાના હાર્ડવેરની જરૂર નહીં પડે. ટેલિકોમ વિભાગના ડ્રાફ્ટ અનુસાર, કોઈ વ્યક્તિ વાઈફાઇ એન્ટેના દ્વારા મોબાઇલ પર ટીવી કાર્યક્રમોની મજા માણી શકશો. આ માટે તેમના મોબાઈલના ડેટા પણ નહીં વપરાય.