World cup 2023 / આજે ઈંગ્લેન્ડ સામે ભારતનો મહામુકાબલો: શું મેચ જીતીને નંબર વન બની શકશે રોહિત બ્રિગેડ? કેવી હોઈ શકે છે ટીમ

• આજે ભારત અને ઈંગ્લેન્ડ વચ્ચે મેચ રમાશે
• ઈંગ્લેન્ડ પોઈન્ટ ટેબલમાં સૌથી નીચે 10માં સ્થાન પર
• ઈંગ્લેન્ડ સામે ભારતની આ મેચ ખૂબ જ પડકારજનક હોઈ શકે છે

આજે લખનઉના ઈકાના સ્ટેડિયમમાં ભારત અને ઈંગ્લેન્ડ વચ્ચે મેચ રમાશે. આ મેચ બપોરે 2 વાગ્યે શરૂ થશે. ભારતે અત્યાર સુધી 5 મેચ રમી છે અને તમામ મેચમાં જીત મેળવી છે. ઈંગ્લેન્ડ 5 મેચમાંથી 4 મેચ હારી ચૂક્યું છે અને પોઈન્ટ ટેબલમાં સૌથી નીચે 10માં સ્થાન પર છે. વર્લ્ડ કપના ઈતિહાસમાં ભારત અને ઈંગ્લેન્ડ વચ્ચે રમાઈ છે, જેમાંથી ઈંગ્લેન્ડે 4 મેચ અને ભારતે 3 મેચ જીતી છે. 

હાર્દિક પંડ્યાએ NCAમાં પ્રેક્ટીસની શરૂઆત કરી છે અને પગમાં સોજો ઓછો થઈ ગયો છે. હાર્દિક પંડ્યા હાલમાં બેટીંગ કરી રહ્યા છે, ટૂંક સમયમાં બોલિંગ પણ શરૂ કરશે. હાર્દિક પંડ્યા આજની મેચ નહીં રમે. લખનઉના ઈકાના સ્ટેડિયમમાં અત્યાર સુધી 3 મેચ રમવામાં આવી છે, જ્યાં પહેલા બેટીંગ કરનાર ટીમો 2 વાર જીતી છે. 

ઈંગ્લેન્ડ સામે ભારતની આ મેચ ખૂબ જ પડકારજનક હોઈ શકે છે. 2003ના વર્લ્ડ કપ પછી ભારતે ICC ઈવેન્ટમાં ઈંગ્લેન્ડને હરાવ્યું નથી. વર્ષ 2011માં બંને ટીમ વચ્ચે હાઈસ્કોરિંગ મુકાબલો ટાઈ રહ્યો હતો. ઈંગ્લેન્ડ હાલમાં પોઈન્ટ ટેબલ પર 10માં સ્થાન પર છે. ઈંગ્લેન્ડ આજની મેચ પણ હારી જશે તો ટુર્નામેન્ટમાંથી બહાર થઈ જશે. 

ભારતીય ટીમ- રોહિત શર્મા (કેપ્ટન), શુભમન ગિલ, વિરાટ કોહલી, કે.એલ. રાહુલ, સૂર્યકુમાર યાદવ, રવિન્દ્ર જાડેજા, મોહમ્મદ શમી, કુલદીપ યાદવ, જસપ્રીત બુમરાહ, મોહમ્મદ સિરાજ, રવિચંદ્રન અશવ્નિ, શાર્દુલ ઠાકુર, ઈશાન કિશન, હાર્દિક પંડ્યા

ઈંગ્લેન્ડ ટીમ- જોની બેયરસ્ટો, ડેવિડ માલન, જો રૂટ, બેન સ્ટોક્સ, જોસ બટલર, લિયામ લિવિંગસ્ટોન, મોઈન અલી, ક્રિસ વોક્સ, ડેવિડ વિલી, આદિલ રાશિદ, માર્ક વુડ, સૈમ કુરેન, બ્રાયડન કાર્સ, હૈરી બુક, ગસ એટકિંસન