અવળચંડાઇ / બોર્ડર પર નેપાળ પોલીસે ફરી કર્યો ગોળીબાર, એક ભારતીય ગંભીર

• ભારત-નેપાળ સીમા પર નેપાળ પોલીસ કર્યું ફાયરિંગ 
• એક યુવક થયો ઘાયલ

પ્રાપ્ત થતી જાણકારી પ્રમાણે નેપાળ પોલીસે 3 ભારતીય નાગરિકો પર ફાયરિંગ કર્યું હતું, જેમાં એક યુવક ઘાયલ થયો હતો. ઘાયલ થયેલા આ યુવકને તાત્કાલિક અસરથી નજીકના દવાખાને સારવાર અર્થે ખસેડવામાં આવ્યો છે. 

One Indian injured after Nepal Police shot at three Indian men near India-Nepal border in Kishanganj. Injured shifted to hospital. Investigation underway: SP Kishanganj, Bihar pic.twitter.com/0eGnJyo1gd

— ANI (@ANI) July 19, 2020

ઇજાગ્રસ્ત લોકોની હાલત ગંભીર 

ઉલ્લેખનીય છે કે, ઇજાગ્રસ્ત યુવકની હાલત ગંભીર હોવાનું જણાવાઈ રહ્યું છે. આ યુવાનની સારવાર પૂર્ણિયામાં કરવામાં આવી રહી છે. સ્થાનિક ગ્રામજનોએ જણાવ્યું કે ઈજાગ્રસ્ત યુવક જીતેન્દ્રકુમાર સિંહ (25) અને તેના બે સાથીઓ અંકિતકુમાર સિંહ અને ગુલશનકુમાર સિંહ ભારત-નેપાળ સરહદ પર માફી ટોલા અને મલ્લાહ તોલા ગયા હતા. 

નેપાળ પોલીસે કર્યું ફાયરિંગ 

ગ્રામજનોના જણાવ્યા પ્રમાણે ગામની બહાર ખેતર જતાં આવતી નેપાળ બોર્ડર સીમા પર તૈનાત નેપાળ પોલીસે આ યુવકો પર તાબડતોબ ફાયરિંગ કર્યું હતું. જેમાં જીતેન્દ્ર કુમાર સિંહને ગોળી વાગી હતી. નેપાળ દ્વારા કરવામાં આવેલ ફાયરિંગની આ ઘટનામાં યુવક અને તેના 2 સાથીદાર ઘાયલ થયાં હતા.