નવી નીતિ / સૂત્ર: તાલિબાન સાથે અફઘાનિસ્તાનમાં મોદી સરકાર નવી નીતિ બનાવાના મૂડમાં, ભારતના હિત માટે લેવાઈ શકે છે મોટા નિર્ણય

• તાલિબાન સાથે ભારત નવી નીતિ બનાવે તેવી શક્યતા 
• પરિસ્થિતીને ધ્યાનમાં રાખીને મોટા નિર્ણય લેવાય તેવી સંભાવના 
• રશિયાના રાષ્ટ્રપતિએ PM મોદી સાથે 45 મિનિટ કરી વાત 

તાલિબાને અફઘાનિસ્તાન પર કબ્જો મેળવી લીધા બાદ બધાના મનમાં હાલ એકજ સવાલ છે કે ભારતનું વલણ હવે અફઘાનિસ્તાન પ્રત્યે કેવું રહેશે. સાથેજ લોકોના મનમાં એ સવાલ પણ ઉઠી રહ્યા છે કે ભારત તાલિબાનીઓ સાથે સંપર્ક સાધશે કે નહી સાધે. 

દેશના હિત માટે લેવાશે મોટા નિર્ણય 

જોકે સૂત્રો દ્વારા હવે એવી માહિતી સામે આવી છે કે દેશના હિત માટે ભારતે જેની પણ સાથે વાત કરવાની જરૂર પડશે. તેની સાથે તે વાત કરશે. જોકે અગાઉ ભારતે ક્યારેય પણ તાલિબાનો સાથે સંપર્ક સાંધવાની વાત નથી કરી. ત્યારે હવે તાલીબાન સાથે ભારત વાત કરશે તો પણ તે વાતમાં પણ શું મુદ્દા મુકવામાં આવશે તે મોટો પ્રશ્ન છે. 

તાલિબાનો માટે નવી નીતિ બનાવામાં આવશે 

સૂત્રો દ્વારા એવી પણ માહિતી સામે આવી છે કે અફઘાનિસ્તાનની હાલની સ્થિતી જોઈને ભારત સરકાર તાલિબાનો માટે નવી નીતિ બનાવી શકે છે. સૌથી મોટી વાત એ છે કે સમગ્ર મામલે સરકાર દ્વારા તાલીબાન સાથે વાત કરવામાં આવશે. 

ભારતની ભૂમિકા હવે મહત્વની રહેશે 

બીજી તરફ રશિયાના રાષ્ટ્રપતિ વ્લાદિમીર પુતિન  અને વડાપ્રધાન મોદીએ 45 મિનિટ સુધી વાતચીત કરી હતી. જેથી  એ વાત સ્પષ્ટ થાય છે કે અફઘાનિસ્તાનમા તિલાબાની રાજ આવ્યા પછી પણ અહિયા ભારતની ભૂમિકા મહત્વની રહેશે.