સુરક્ષાનો સવાલ / આવા આરોપીને જામીન ન આપવા જોઇએ, સમાજમાં દીકરી ડર કે પીડામાં જીવવી ન જોઈએ: ગુજરાત હાઈકોર્ટ

• એસિડ અટેકને લઇને ચિંતા 
• ગુજરાત હાઇકોર્ટે ચિંતા  વ્યક્ત કરી
• સમાજમાં દીકરી સુરક્ષિત હોવી જરૂરી : HC

ગુજરાત હાઇકોર્ટે એસિડ અટેકને લઇને ચિંતા વ્યક્ત કરી છે. આ મામલે ગુજરાત હાઇકોર્ટે જણાવ્યુ હતું કે સમાજમાં દીકરી સુરક્ષિત હોવી જરૂરી છે. દીકરીઓનું ઘણી બધી રીતે શોષણ થતું આવ્યું છે તે અટકાવવું જરૂરી છે. તેમજ દીકરીઓ પર થતાં એસિડ અટેકના આરોપીને જામીન ન આપવા જોઇએ. એસિડ અટેક કરતા આરોપી સામે કડક કાર્યવાહી થવી જોઇએ. સમાજમાં દીકરી ડર કે પીડામાં જીવતી ન હોવી જોઈએ. આમ ગુજરાત હાઇકોર્ટે એસિડ અટેકને લઇને ચિંતા વ્યક્ત કરી કડક કાર્યવાહીની માંગ કરી છે.

મહત્વનું છે કે, ગુજરાતમાં અનેક એસિડ અટેકની ઘટનાઓ સામે આવતી હોય છે. અને આરોપીઓ જામીન પર છૂટી જતાં હોય છે. આ કારણોસર હાઈકોર્ટ દ્વારા આ નિવેદન આપ્યું હતું. અને તમામ આરોપી પર જામીન પર ન છોડવા અને કડક ગુના દાખલ કરવા મામલે ચિંતા વ્યક્ત કરી હતી. 

ગુજરાતમાં લગ્નના કારણે યુવતી પર ફેંકાયું હતું એસિડિક પ્રવાહી

મે મહિનામાં સોલા પોલીસે એસિડ એટેકના ગુનામાં એક આરોપીની ધરપકડ કરી હતી. હિતેષ સોલંકી નામના આરોપીએ તેની જ પૂર્વ પત્ની સાથે બબાલ કરી જ્વલનશીલ પ્રવાહી છાટી દીધું હતું. તેમજ તેને  ઈજાઓ પહોંચાડી હતી. તેમજ આ આરોપી હિતેષના લગ્ન થયા હોવા છતાં પણ તેણે આ યુવતીને અંધારામાં રાખી બીજા લગ્ન કર્યા હોવાનું સામે આવ્યું હતું.  આરોપી હિતેશના એક લગ્ન થયા છે અને બાળક પણ છે. છતાંય તેણે ફરિયાદી મહિલા સાથે પ્રેમ સંબંધ બાંધ્યા હતા. જોકે હિતેશ અન્ય જ્ઞાતિનો હોવાથી પરિવાર નહિં સ્વીકારે તેવું કહી આ મહિલા સાથે અલગ રહેવા લાગ્યો હતો.