નિર્ણય / ફ્લેટમાં 2 માળના ભોંયરાને લઇને અમદાવાદ મનપાનો મહત્વનો નિર્ણય, ભારે વરસાદે મચાવી હતી તબાહી

• વરસાદમાં ફ્લેટના ભોંયરામાં પાણી ભરવાનો મામલો 
• સ્ટેન્ડિંગ કમિટીમાં લેવાયો મહત્વનો નિર્ણય 
• બે માળના ભોયરા હશે તેમને પંપની વ્યવસ્થા જાતે કરવાની રહેશે

અમદાવાદમાં રવિવારે ખાબકેલા અનરાધાર વરસાદે શહેર આખામાં પાણી પાણી કરી નાખ્યું હતું.  ભારે વરસાદના કારણે શહેરોમાં ઠેર-ઠેર વરસાદી પાણી ભરાઈ જતાં લોકોને ભારે હાલાંકીનો સામનો કરવોનો વારો આવ્યો હતો. વરસાદે તબાહી મચાવતા કામગીરી મામલે જાણે મનપાનો પન્નો ટૂંકો પડયો હોય તેવી સ્થિતિ સર્જાઇ હતી. આથી વરસાદ દરમિયાન અમદાવાદમાં ફ્લેટના ભોંયરામાં પાણી ભરવા મામલે મહાનગરપાલિકાની સ્ટેન્ડિંગ કમિટીની બેઠકમાં મહત્વનો નિર્ણય કરવામાં આવ્યો છે. જેમાંબે માળના ભોયરા હશે તેમને પંપની વ્યવસ્થા જાતે કરવાની રહેશે. જેને લઇને પોતાના પ્રિમાઇસીસ અંદર પાણીનો ભરાવો ન થાઇ. જેમાં સહકાર આપવા જણાવ્યુ છે. વધુમાં આ અંગે અમદાવાદ મહાનગરપાલિકાની સ્ટેન્ડિંગ કમિટીના ચેરમેને જણાવ્યુ કે શહેરમાં વરસાદી પાણી ભરાયેલા હતા તેના નીકાલ માટે મનપા દ્વારા જહેમત હાથ ધરવામાં આવી હતી અને  પ્રાઇવેટ પ્રિમાઇસીસી સહિત 430 થી જગ્યાએથી પાણીનો નિકાલ કરવામાં આવ્યો હતો. ભારે વરસાદ પડતા બેઝમેન્ટમાં પાણી ભરાયા હતા.
 
શહેરમાં ધોધમાર વરસાદ વરસતાં ઠેર-ઠેર રોડ-રસ્તા ધોવાણ થયું 
તાજેતરમાં અમદાવાદ શહેરને વરસાદે ઘમરોળી નાખ્યું હતું. ગત રવિવારે મોડી રાત્રે ધોધમાર વરસાદ વરસતાં શહેરમાં ઠેર-ઠેર પાણી ભરાયા હતાં. જેને લઈને લોકોને ભારે હાલાંકીનો સામનો કરવાનો વારો આવ્યો હતો. બીજી તરફ આ વરસાદે AMCના પ્રિ-મોનસૂન પ્લાનની પોલ ખોલી દીધી હતી. અમદાવાદ શહેરમાં ધોધમાર વરસાદ વરસતાં ઠેર-ઠેર રોડ-રસ્તા ધોવાણ થયું હતું. જેમાં ગુરૂકુલથી વિશ્રામનગર જતા માર્ગ પર ઠેર-ઠેર ખાડા પડી ગયા હતા. ઉલ્લેખનીય છે કે, ચોમાસાની શરૂઆતમાં જ AMCએ પ્રિ-મોનસૂનના નામે રોડ પર ખોદકામ કર્યું હતું. આમ AMCના અણઘડ વહીવટથી જનતા ત્રાહિમામ પોકારી ઉઠી હતી.