નિવેદન / વીમા કંપનીઓ કોરા કાગળમાં સહી કરાવી રહી છે, ખેડૂતો સાવચેત રહેજોઃ દિલીપ સંઘાણી

• પાક વીમા કંપની ખેડૂતો સાથે છેતરપિંડી કરી રહી છેઃ દિલીપ સંઘાણી
• છેતરપિંડી કરતી વીમા કંપનીઓને બ્લેકલિસ્ટ કરવામાં આવેઃ સંઘાણી
• સર્વેના કોરા ફોર્મ પર ખેડૂતોની સહી કરાવીઃ સંઘાણી

સાંસદ પરબત પટેલ બાદ ભાજપના જ નેતા દિલીપ સંઘાણીએ વીમા કંપનીઓ પર મોટા આક્ષેપો કર્યા છે. તેમણે કૃષિ વીમાનું પ્રમિયન વસૂલનાર કંપની પર આક્ષેપ કરવામાં આવી રહ્યા છે. દિલીપ સંઘાણીએ કહ્યું હતું કે, સર્વેના કોરા ફોર્મ પર ખેડૂતોની સહી કરાવી.

છેતરપિંડી કરતી વીમા કંપનીઓને બ્લેકલિસ્ટ કરવામાં આવે

સંઘાણીએ ખેડૂતો મુદ્દે કહ્યું હતું કે, ખેડૂતોને સાવચેત રહેવાની અપીલ કરૂ છું. પાક વીમા કંપની સામે યોગ્ય પગલા ભરવામાં આવે. ખેડૂતો સાથે છેતરપિંડી કરનાર કંપની સામે તપાસ થાય. છેતરપિંડી કરતી કંપનીઓને બ્લેકલિસ્ટ કરવામાં આવે. મળવાપાત્ર વીમાથી પણ નીચો વિમો મળે ત્યારે શંકા જાય છે. મને વિશ્વાસ છે રાજ્ય સરકાર સામે ફરિયાદ જતા પગલા લેવાશે. મને સરકાર પર ભરોસો છે. 

સર્વેના કોરા ફોર્મ પર ખેડૂતોની સહી કરાવી

મારી જાહેરાત બાદ વીમા કંપનીઓએ ફોર્મ પરત કર્યાની માહિતી મળી છે. ખેડૂતોએ ચકાસણી બાદ જ ફોર્મ પર સહી કરવા અપીલ કરી છે. કોરા ફોર્મ પર સહીની મારા વિસ્તારના ખેડૂતોએ ફરિયાદ કરી હતી.

તેમણે કોંગ્રેસ પર પ્રહાર કરતા જણાવ્યું હતું કે, કોંગ્રેસને બોલવાનો કોઇ અધિકાર નથી. કોંગ્રેસને રાજીનામા માગવાનો કોઇ હક નથી.