VIDEO / આકાશમાંથી અસંખ્ય પક્ષીઓ જમીન પર આવીને પડ્યા, ટપોટપ મરવા લાગ્યા અબોલ જીવ

• ઉત્તરી અમેરિકામાં ચોંકાવનારી ઘટના બની
• અસંખ્ય પક્ષીઓનું ટોળુ જમીન પર પડ્યું
• શા માટે આવું બન્યું તે જાણવાનો થઈ રહ્યો છે પ્રયાસ

ઉત્તરી અમેરિકાનો એક વીડિયો હાલમાં ખૂબ વાયરલ થઈ રહ્યો છે. કહેવાય છે કે, મેક્સિકોના કુઆઉઓટેમોક શહેરમાં પક્ષીઓનું એક ટોળું અચાનક જમીન પર આવીને પડ્યું હતું. આ ઝૂંડમાં પીળા માથાવાળા બ્લેક બર્ડ્સ સામેલ હતા. તેની સંખ્યા અસંખ્ય હતી. 

વીડિયો વાયરલ થયો

પ્રાપ્ત વિગતો અનુસાર જોઈએ તો, તેમાંથી કેટલાય પક્ષીઓના મોત થઈ ગયા છે. ઘટના 7 ફેબ્રુઆરી છે. તેનો વીડિયો સોશિયલ મીડિયા પર તાજેતરમાં વાયરલ થઈ રહ્યો છે. કેટલાય લોકોએ આ ઘટના પાછળ પ્રદૂષણને જવાબદાર ઠેરવ્યું છે. 5જી ટેકનોલોજી અને વિજળીના તારના કારણે આવું બન્યું હોવાનું પણ લોકો કહી રહ્યા છે. 

 

WARNING: GRAPHIC CONTENT

Security footage shows a flock of yellow-headed blackbirds drop dead in the northern Mexican state of Chihuahua pic.twitter.com/mR4Zhh979K

— Reuters (@Reuters) February 14, 2022

મોટું પક્ષી શિકાર માટે પાછળ પડ્યું હોય

નિષ્ણાંતોના જણાવ્યા અનુસાર ઘટનાનું કારણ પેરેગ્રીન અથવા બાજ જેવા કોઈ વિશાળ પક્ષી પણ હોઈ શકે છે. બની શકે કે, કોઈ માટુ પક્ષી તેમનો શિકાર કરવાની કોશિશ કરી રહ્યું હોય. આ કારણે મોટી સંખ્યામાં પક્ષીઓ જમીન પર આવીને પડ્યા હોય. 

નિષ્ણાંતોએ કહી આ વાત

માનચેસ્ટર મેટ્રોપોલિટન યુનિવર્સિટીમાં એક સંરક્ષણ જીવ વિજ્ઞાનના પ્રોફેસર ડો. એલેક્ઝેંડર લીસે બ્રોટનના વિચાર જ વાગોળ્યા હતા. તેમણે જણાવ્યું હતું કે, મને તો આમા વિષ વિજ્ઞાનનો મામલો લાગતો નથી. હું હજૂ પણ કહું છું કે, સૌથી સંભવિત કારણ એ જ હોઈ શકે, એક શિકારીથી બચવા માટે પક્ષીઓનું ટોળુ જમીન પર આવીને પડ્યું હોય.