2 ઓક્ટોબર એટલે કે ગાંધી જયંતી પર રિલીઝ થયેલી રિતિક રોશન અને ટાઇગર શ્રોફની ફિલ્મ 'વૉર' એ 300 કરોડથી વધારેની કમાણી કરી દીધી છે. સિદ્ઘાર્થ આનંદે ડિરેક્ટ કરેલી અને યશરાજ બેનરના પ્રોડ્ક્શન હાઉસ બનેલી ફિલ્મને ઓડિયન્સ અને ક્રિટિક્સ પસંદ કરી રહ્યા છે.
રિતિક અને ટાઇગરના કરિયરની આ પહેલી ફિલ્મ હશે જેણે 300 કરોડથી વધારેની કમાણી કરી હોય.
રિતિકની ફિલ્મમાં હિંદી વર્ઝને ચાર અઠવાડિયામાં 300.14 કરોડની કમાણી કરી હતી અને તમિલ-તેલુગૂ વર્ઝને 14.53 કરોડ કમાયા હતાં. આમ કુલ આ ફિલ્મે 314.57 કરોડની કમાણી કરી છે.
ઓલ ટાઈમ ગ્રોસર લિસ્ટમાં ‘વૉર’ સાતમા સ્થાને
ટોપ 10 ઓલ ટાઈમ ગ્રોસર લિસ્ટમાં ‘વોર’ સાતમા સ્થાને છે. ટોચ પર 510.99 કરોડની કમાણી સાથે ‘બાહુબલી 2’ છે, ત્યારબાદ બીજા નંબરે ‘દંગલ’ 387.38 કરોડ સાથે છે. ત્રીજા નંબરે ‘સંજુ’ (342.53 કરોડ), ચોથા નંબરે ‘પીકે’ (340.8 કરોડ), પાંચમા સ્થાને ‘ટાઈગર જિંદા હૈં’ (339.16 કરોડ) તથા છઠ્ઠા નંબર ‘બજરંગી ભાઈજાન’ (320.34 કરોડ) છે.
300 કરોડ ઉપર કમાણી કરનારી વૉર યશરાજની ત્રીજી ફિલ્મ
ઉલ્લેખનીય છે કે, યશરાજ બેનર હેઠળ બનેલી વૉર ત્રીજી ફિલ્મ છે, જેણે 300 કરોડ ઉપરની કમાણી કરી હોય. આ પહેલા ‘ટાઈગર જિંદા હૈં’ તથા ‘બજરંગી ભાઈજાન’ એ 300 કરોડથી વધુની કમાણી કરી હતી.