તમારા કામનું / ઈન્કમટેક્સ રિટર્ન ફાઈલ કરવાની સૌથી સરળ રીત, નિષ્ણાંતની મદદ વગર ભરો 10 મિનિટમાં ફોર્મ

• ઘરે બેઠા ગણતરીની મિનિટોમાં ફાઈલ કરો ITR.
• ITR ફાઈલ કરવા માટેની આ પ્રોસેસ ખૂબ જ સરળ છે. 
• ઈન્કમટેક્સ વિભાગ તરફથી એક્સેલ સુવિધા શરૂ કરાઈ.

ઈન્કમટેક્સ રિટર્ન ફાઈલ કરવા માટેની તારીખ નજીક આવી રહી છે, જે માટે 31 જુલાઈ સુધીનો સમય આપવામાં આવ્યો છે. ઈન્કમટેક્સ વિભાગ તરફથી ITR-1 (સહજ) અને ITR-4 (સુગમ) ફોર્મ જાહેર કરવામાં આવ્યા છે. તમે ઘરે બેઠા ગણતરીની મિનિટોમાં આ કામ પૂર્ણ કરી શકો છો, આ કામ કરવા માટે કોઈપણ નિષ્ણાંતની જરૂર નહીં રહે. ITR ફાઈલ કરવા માટેની આ પ્રોસેસ ખૂબ જ સરળ છે. જે માટે ઈન્કમટેક્સ વિભાગ તરફથી એક્સેલ સુવિધા પણ શરૂ કરવામાં આવી છે અને તે ખૂબ જ સરળ છે.

ઓફલાઈન કરદાતાઓ માટે સુવિધા
એસેસમેન્ટ યર વર્ષ 2023-24 માટે ITR ભરવાની અંતિમ તારીખ 31 જુલાઈ 2023 છે. ઈન્કમટેક્સ વિભાગ તરફથી ઓનલાઈન ફોર્મ જાહેર કરવામાં આવ્યા આવ્યા નથી. જો તમે ઓફલાઈન ITR ભરવાનું વિચારી રહ્યા છો, તો તમે ઓફલાઈન ITR ભરી શકો છો અને એક્સેલ સેવા ફાયદાકારક પણ સાબિત થઈ શકે છે. તમે વેબસાઈટ પરથી આ ફોર્મ ડાઉનલોડ કરી શકો છો અને તેની મદદથી ટેક્સ કેલ્ક્યુલેશન કરીને રિટર્ન ફાઈલ કરી શકો છો. 

ટેક્સ ચૂકવણી દરમિયાન આકલન
ITR ફાઈલ કરતા સમયે જે પણ પરેશાની આવે છે, તેની સામે આ સુવિધા અનેક બાબતોએ કરદાતા માટે ફાયદાકારક સાબિત થશે. જેની મદદથી ટેક્સ ચૂકવણીનું આકલન કરી શકાય છે. ઉપરાંત આ ફોર્મ કોઈપણ નિષ્ણાંત વગર અને ભૂલ વગર ભરી શકાય છે. આયકર વિભાગ આ બાબતે અન્ય જાણકારી આપશે. ઓફલાઈન ITR ફાઈલ કરવા માટે સંબંધિત વેબસાઈટ પરથી ફોર્મ ડાઉનલોડ કરવાનું રહેશે. 

આ પ્રકારે ફોર્મ ભરો

• ઈન્કમટેક્સની વેબસાઈટ પરથી ફોર્મ ડાઉનલોડ કરો. 
• ફોર્મ-16માં આપેલ માહિતી અથવા FY2022-23માં થયેલ કુલ આવક અનુસાર ફોર્મ ભરો.
• ફોર્મમાં કુલ આવકની સાથે સાથે કુલ સેવિંગ અને TDSની જાણકારી ભરવાની રહે છે. 
• તમામ જાણકારી ફોર્મ ભર્યા પછી ફોર્મ સ્કેન કરીને ઈન્કમટેક્સના પોર્ટલ પર અપલોડ કરી દો.

ફોર્મની પસંદગી
ITR-1 (સહજ): 50 લાખ રૂપિયા સુધીની આવક માટે જરૂરી
ITR-4 (સુગમ): હિન્દુ અવિભાજિત પરિવાર અને ફર્મ માટે (50 લાખ રૂપિયા સુધીની આવક)
ITR-2: રેસિડેન્શીન્ટલ પ્રોપર્ટી માટે થતી આવક માટે
ITR-3: બિઝનેસથી થતા લાભ માટે
ITR-5, 6: સીમિત દાયિત્ત્વ ભાગીદારી (LLP) અને બિઝનેસ માટે
ITR-7: ટ્રસ્ટ માટે