- રાહુલના લોકસભાના આરોપ પર કેન્દ્રીય મંત્રી સ્મૃતિ ઈરાનીનો પલટવાર
- કહ્યું- એક સજ્જને પ્રધાનસેવક પર કર્યો કટાક્ષ
- અમેઠીમાં સરકારી જમીન પર રાહુલ- પ્રિયંકાને નામે હોસ્ટેલ
લોકસભામાં રાષ્ટ્રપતિના અભિભાષણ પર સ્મૃતિ ઈરાની ચર્ચામાં બોલી રહ્યા છે. તેમણે રાષ્ટ્રપતિ, નરેન્દ્ર મોદીનો આભાર વ્યક્ત કર્યો હતો અને રાહુલ ગાંધી પર પણ ટોણો માર્યો હતો. સ્મૃતિ ઈરાનીએ કહ્યું કે અમેઠીમાં પ્રિયંકા અને રાહુલ ગાંધીના નામ પર હોસ્ટેલ બનાવવામાં આવી હતી. તે પણ એકેડેમીની જમીન પર. સ્મૃતિ ઈરાનીએ રાહુલ ગાંધી અને ગાંધી પરિવાર પર વીણીવીણીને નિશાન સાધ્યું હતું.
એક સજ્જને પ્રધાનસેવક પર કર્યો કટાક્ષ
સ્મૃતિ ઈરાનીએ કહ્યું કે એક સજ્જન (રાહુલ ગાંધી)એ પ્રધાનસેવક પર હુમલો કર્યો. અમેઠીમાં જેમને લોકોએ નકાર્યાં તેઓ પ્રધાનસેવક પર કટાક્ષ કરી રહ્યાં છે. અમેઠીમાં મેડિકલ કોલેજ જો કોઈએ પહેલા આપી હોય તો તેઓ પીએમ મોદી છે.
શું કહ્યું હતું રાહુલ ગાંધીએ
આજે લોકસભાની કાર્યવાહી શરુ થતાં કોંગ્રેસમાંથી રાહુલને બોલવાનું હતું. રાષ્ટ્રપતિના અભિભાષણ પર ધન્યવાદ પ્રસ્તાવ પર ચર્ચામાં ભાગ લેતા કોંગ્રેસ નેતા રાહુલ ગાંધીએ કહ્યું કે શરૂઆતમાં, મેં વિચાર્યું હતું કે આ પ્રવાસ ખૂબ જ મુશ્કેલ હશે, પરંતુ તેમાંથી ઘણું શીખવા મળ્યું હતું. રાહુલ ગાંધીએ કહ્યું હતું કે, આજના રાજકારણમાં પરંપરાઓને ભુલાવી દેવામાં આવી રહી છે. તમે પણ રાજકારણી છો, અમે પણ. આપણે ચાલવાની પરંપરા ભૂલી રહ્યા છીએ. રાહુલે કહ્યું કે આપણે બધા જનતાના સેવક છીએ.
અગ્નિવીર યોજના પર શું બોલ્યાં રાહુલ
રાહુલ ગાંધીએ કહ્યું કે મુલાકાત દરમિયાન તેમને જનતા સાથે વાત કરવાની, તેમની સમસ્યાઓ સાંભળવાની તક મળી. "અત્યારે તમે અગ્નિવીર યોજનાની પ્રશંસા કરી છે, પરંતુ સેનામાં ભરતી માટે સવારે 4 વાગ્યે રસ્તા પર દોડતા બેરોજગાર યુવાનો આ વાત સાથે સહમત નથી. રાહુલ ગાંધીએ કહ્યું કે લોકો કહે છે કે અજીત ડોભાલે સેના પર અગ્નિવીર યોજના લગાવી છે. સમાજમાં એટલી બધી બેરોજગારી છે, અગ્નિવીર પછી સમાજમાં હિંસા વધશે.
રાહુલે ડોભાલનું નામ લેતા શાસક પક્ષના સાંસદોએ વાંધો ઉઠાવ્યો
રાહુલ ગાંધીએ અજીત ડોભાલનું નામ લેતા શાસક પક્ષના સાંસદોએ વાંધો ઉઠાવ્યો હતો અને તેમણે હોબાળો મચાવ્યો હતો અને કહ્યું કે તમે તેમનું નામ ન લઈ શકે. આના પર રાહુલ ગાંધી અને કોંગ્રેસના સભ્યોએ કહ્યું કે તેઓ તેને કેમ નથી લઈ શકતા. તેઓ ગૃહમાં નથી.
