નિર્ણય / હવે 21 વર્ષ પહેલા નહીં થાય યુવતીના લગ્ન, આ સરકારે કેબિનેટમાં પાસ કર્યો પ્રસ્તાવ, અંતિમ મંજૂરી કેન્દ્રમાં

• હિમાચલમાં CM સુખવિંદર સિંહની અધ્યક્ષતામાં લેવાયો નિર્ણય
• કેબિનેટ મીટિંગમાં છોકરીનાં લગ્નની ઉંમરને લઈને નિર્ણય
• ન્યૂનતમ ઉંમર 18 વર્ષથી વધારીને 21 વર્ષ થઈ

આજે શિમલામાં CM સુખવિંદર સિંહ સુક્ખૂની અધ્યક્ષતામાં કેબિનેટ મીટિંગ થઈ. આશરે 3 કલાકની મીટિંગમાં ઘણાં મહત્વનાં નિર્ણયો લેવામાં આવ્યાં. જેમાં ફિલ્મને લગતાં નિર્ણયો તેમજ છોકરીઓનાં લગ્નની ન્યૂનતમ ઉંમર 18 વર્ષથી વધારીને 21 વર્ષ કરવાનો નિયમ વગેરે સામેલ છે.

Cabinet Breaking: हिमाचल में अब 21 साल की उम्र में होगी लड़कियों की शादी#Sukhu #CM #CMOHimachal #cmohimachalpradesh #cmsukhu #himachalcabinet #shimla #himachalpradesh #himachal #NewsUpdate #BreakingNews #HimachalCabinet #SukhuCabinetDecision https://t.co/6QR2X9KxIK

— Himachal Abhi Abhi (@himachal_abhi) January 12, 2024

ઘણાં મોટા નિર્ણયો લેવાયા
મીટિંગમાં નવી ફિલ્મ પોલિસીની મંજૂરી આપવામાં આવી છે. સાથે જ ફિલ્મ કાઉંસિલ બનાવવાને મંજૂરી આપવામાં આવી. નવી પોલિસી અંતર્ગત હિમાચલમાં હવે શૂટિંગ માટે જરૂરી પરમિશન 3 દિવસની અંદર મળી જશે. જેનો સીધો ફાયદો ફિલ્મ મેકર્સને થશે. કેબિનેટ મીટિંગમાં મુખ્યમંત્રી વિધવા એકલ નારી યોજના અને હિમાચલ પ્રદેશ ડિજિટલ પોલિસીની લઈને પણ મંજૂરી આપવામાં આવી છે.

છોકરીનાં લગ્નની ન્યૂનતમ ઉંમરને લગતો નિર્ણય
હિમાચલ કેબિનેટ મીટિંગમાં સૌથી મહત્વનો નિર્ણય છોકરીઓનાં લગ્નને લઈને કરવામાં આવ્યો છે. મીટિંગમાં પ્રસ્તાવ પાસ કરી દેવાયો છે. હવેથી હિમાચલમાં છોકરીઓનાં લગ્નની ન્યૂનતમ ઉંમર 21 વર્ષ રહેશે. એટલે કે માતાપિતા છોકરીનાં લગ્ન 21 વર્ષ પહેલાં નહીં કરાવી શકે. હવે આ પ્રસ્તાવ કેન્દ્ર સરકારને મોકલવામાં આવશે અને એ બાદ જ નિર્ણય અમલમાં મૂકવામાં આવશે.

વધુ વાંચો: દેશના સૌથી લાંબા સી બ્રિજનું PM મોદીના હસ્તે ઉદ્ઘાટન, દરિયા પર 100 સ્પીડે દોડશે ગાડીઓ, મુંબઈનો ટ્રાફિક બારોબાર

ગેસ્ટ ટીચરની ભરતી
આ સિવાય પીરિયડ બેસ્ટ ગેસ્ટ ટીચર ભરતીને લઈને પણ રાજ્ય સરકારે નિર્ણય લીધો છે. કેબિનેટે આ માટે 2600 પદને મંજૂરી આપી છે. આ સાથે જ સ્કૂલોમાં બાળકોને 6 વર્ષની ઉંમરે દાખલ કરવાનાં નિયમમાં પણ છૂટ દેવાનો નિર્ણય કરવામાં આવ્યો છે.

2021માં કેન્દ્રીય મંત્રીમંડળે પ્રસ્તાવ રજૂ કર્યો હતો
ડિસેમ્બર 2021માં કેન્દ્રીય મંત્રી મંડળે મહિલાઓ માટે લગ્ન કાયદાની ઉંમર 18થી 21 સુધી વધારવાનો પ્રસ્તાવ રજૂ કર્યો હતો.  લગ્ન માટે યુવતીઓની કાયદાકીય ઉંમર 18 થી વધારીને 21 કરવાનાં પ્રસ્તાવને કેબિનેટની મંજૂરી પણ મળી. સૂત્રોના અનુસાર કેબિનેટની મંજૂરી બાદ સરકાર બાળ વિવાહ નિષેધ અધિનિયમ 2006માં એક સંશોધન રજૂ કરવાની હતી અને તેના પરિણામ સ્વરૂપ વિશેષ વિવાહ અધિનિયમ અને હિંદુ વિવાહ અધિનિયમ 1955 જેવા વ્યક્તિગત કાયદામાં સંશોધન લાવવાનાં હતાં.