કાર્યવાહી / મુંબઇમાં હાઇપ્રોફાઇલ સેક્સ રેકેટનો પર્દાફાશ, ભોજપુરીની ફેમસ એક્ટ્રેસ સહિત 3ની ધરપકડ

• ક્રાઈમ બ્રાન્ચની સોશિયલ સર્વિસ વિંગે સેક્સ રેકેટનો પર્દાફાશ કર્યો
• ત્રણ મહિલાની ધરપકડ કરવામાં આવી
• જેમાં એક મહિલા ભોજપુરી સિનેમાની હિરોઈન છે

મુંબઈમાં છેલ્લા કેટલાક દિવસોથી ઘણા સેક્સ રેકેટનો પર્દાફાશ થયો છે અને હાલ જ ટીવી એક્ટ્રેસ આરતી મિત્તલની સેક્સ રેકેટ ચલાવવા બદલ ધરપકડ પણ કરવામાં આવી હતી. આ બધા વચ્ચે હવે ક્રાઈમ બ્રાન્ચની સોશિયલ સર્વિસ વિંગે મુંબઈની રોયલ પામ હોટલમાં ચાલી રહેલ સેક્સ રેકેટનો પર્દાફાશ કર્યો છે. મહત્વની વાત એ છે કે તેમાં ત્રણ મહિલા ધરપકડ કરવામાં આવી છે અને એક મહિલા ભોજપુરી સિનેમાની હિરોઈન છે.

વાત એમ છે કે મુંબઈ ક્રાઈમ બ્રાન્ચની સોશિયલ સર્વિસ વિંગને આ વિશે ખબર મળી હતી કે રોયલ પામ હોટલમાં એક મોટું સેક્સ રેકેટ ચલાવવામાં આવી રહ્યું છે અને એ જ માહિતીના આધારે પોલીસે ત્યાં દરોડો પાડ્યો હતો. એ સમયે ત્રણ મોડલને બચાવવામાં આવી છે અને સ ધંધામાં ધકેલવા માટે એક દલાલની પણ ધરપકડ કરવામાં આવી છે. નોંધનીય છે કે એ સેકસ રેકેટના પર્દાફાશમાં ધરપકડ કરાયેલ મહિલા ભોજપુરી અભિનેત્રી છે.

જણાવી દઈએ કે પોલીસે ધરપકડ કરેલી ભોજપુરી અભિનેત્રી 24 વર્ષની છે અને આગળ મળતી માહિતી મુજબ આ કેસમાં પોલીસ વધુ એક આરોપીને શોધી રહી છે. 

નોંધનીય છે કે પોલીસે દરોડો શુક્રવારે બપોરે પાડ્યો હતો અને એ સમયે આ રેકેટનો પર્દાફાશ થયો હતો. મળતી માહિતી મુજબ આરોપી મહિલા ભોજપુરી ફિલ્મ ઈન્ડસ્ટ્રી સાથે જોડાયેલી છે અને તેણે ભોજપુરી ફિલ્મ 'લૈલા મજનૂ' તેમજ વેબ સિરીઝ 'જોમસ્ટિક બોક્સ' અને ભોજપુરી કોમેડી એપિસોડ 'બાપ નંબરી બેટા દસ નંબરી'માં કામ કર્યું છે. સાથે જ એ ભોજપુરી અભિનેત્રીએ હિન્દી અને પંજાબી મ્યુઝિક આલ્બમમાં પણ કામ કર્યું છે.