- ભારતીય ટીમને ઓસ્ટ્રેલિયા સામેની ફાઈનલ મેચમાં કરવો પડ્યો હારનો સામનો
- ભારતીય ટીમ છેલ્લા પડાવને પાર કરી શકી ન હતી
- અંબાતી રાયડુએ આપ્યું પિચ મામલે નિવેદન
હાલમાં જ રમાયેલા વર્લ્ડ કપ 2023માં ભારતીય ટીમને ઓસ્ટ્રેલિયા સામેની ફાઈનલ મેચમાં હારનો સામનો કરવો પડ્યો હતો. ભારતે અમદવાદના નરેન્દ્ર મોદી સ્ટેડિયમમાં 241 રનનો ટાર્ગેટ રાખ્યો હતો. જેમાં ઓસ્ટ્રેલિયાએ સરળતાથી 43 ઓવરમાં આ ટાર્ગેટને પુરો કર્યો હતો.. ત્યારે ભારતીય ખેલાડીઓને સ્લો પીચ પર ઘણુ ઝુકવુ પડ્યું હતું. ભારતીય ટીમની બેટિંગ અને બોલિંગ અસરકારક સાબિત થઈ ન હતી. તમને જણાવી દઈએ કે ભારતીય ટીમે સતત 10 મેચ જીતીને ફાઈનલમાં શાનદાર એન્ટ્રી કરી હતી. પરંતુ ભારતીય ટીમ છેલ્લા પડાવને પાર કરી શકી ન હતી. જો કે અમદાવાદ પીચની ઘણા પૂર્વ ક્રિકેટરો તેની ટીકા કરી ચુક્યા છે. ત્યારે હવે આ ક્રિકેટરોની યાદીમાં એક નવુ નામ જોડાયુ છે. આ નામ બોલર અંબાતી રાયડુનું છે.
.jpg)
જે દુર્ભાગ્યથી બની શકયુ નહી....
રાયડુનું માનવુ છે કે અમદાવાદમાં ફાઈનલ માટે પસંદ કરવામાં આવેલી પિચ આ મેચ માટે બરાબર ન હતી. તેમનું કહેવુ છે કે ફાઈનલ જેવી મેચ આટલી ધીમી વિકેટ પર રમાવી ન જોઈએ. રાયડુએ ધ રણવીર શોમાં કહ્યું કે ફાઈનલ માટે વિકેટ ઘણી જ સ્લો હતી. મને નથી ખબર કે આ આઈડિયા કોનો છે. મને લાગે છે કે અહિંયા એક સામાન્ય પીચ પણ કામ કરી શકતી હતી. કારણ કે આપણે ઓસ્ટ્રેલિયાઈ ટીમની સામે ઘણા મજબૂત હતા. આપણે ફાઈનલમાં એટલુ બધુ કરવાની જરૂર ન હતી. આપણે માત્ર એક સારૂ ક્રિકેટ વિકેટ હોવુ જોઈતુ હતું.. જે દુર્ભાગ્યથી બની શકયુ નહી.
100 ઓવર માટે એક સરખી પિચ હોવી એ...
ઓસ્ટ્રેલિયાના કેપ્ટન પેટ કમિંસએ ફાઈનલ ટોસ જીતીને બોલિંગ સિલેક્ટ કરી હતી. જેના કારણે ભારતને સૌથી પહેલા બેટિંગ કરવી પડી હતી. કેપ્ટન રોહિત શર્માએ કહ્યું હતું કે તેને પહેલા બેટિંગ કરવી હતી. પણ તે થઈ શક્યુ નહી અને જીત ઓસ્ટ્રેલિયાની થઈ.રાયડુએ કહ્યું કે લોકો કહેતા હતા કે ધીમી વિકેટે ભારતને મદદ કરી પરંતુ તેના કારણે આપણે પોતે જ ફસાઈ ગયા. અહીં ક્રિકેટની સારી વિકેટ બનાવવી જોઈતી હતી. 100 ઓવર માટે એક સરખી પિચ હોવી એ આદર્શ સ્થિતિ કહી શકાય તેમ હતુ. જો કે રાયડુ આ ટીમ ઈન્ડિયાને સર્વશ્રેષ્ઠ માને છે. રાયડુએ કહ્યું કે ભારતીય ટીમ અત્યાર સુધીની સર્વશ્રેષ્ઠ ટીમ છે.. આ ટીમે ખુબ જ સારૂ પ્રદર્શન કર્યું છે. રાયડુએ તો ત્યાં સુધી કહ્યું કે જો આવી પિચ જાણી જોઈને તૈયાર કરવામાં આવી હોય તો તે મૂર્ખતાભરી વાત છે.
