હાર્ટ કેર / હ્રદયની આ બીમારીઓથી છો અજાણ, તો ઍલર્ટ, નહીં તો બની શકે છે હાર્ટ એટેક આવવાનું કારણ!

• ખરાબ લાઇફસ્ટાઇલ અને ખાનપાનના કારણે હાર્ટ પર ખરાબ અસર થઈ રહી છે
• ઇમોશનલી વીક હોવાની કંન્ડિશનમાં બ્રોકન હાર્ટ સિન્ડ્રોમ થાય છે
• કાર્ડિયક સિંડ્રોમ એક્સ ગંભીર અને ખતરનાક છે 

Heart Health : હૃદયના સ્વાસ્થ્યની કાળજી લેવી સૌથી મહત્વપૂર્ણ છે. ત્યારે તે વધુ મહત્ત્વનું બની જાય છે, જ્યારે અમુક વર્ષથી ઓછી ઉંમરના લોકો પણ ગંભીરથી લઈને ગંભીર હ્રદય રોગની ઝપેટમાં આવી રહ્યા છે. સ્વાસ્થ્ય નિષ્ણાતોના મતે, ઘણા કારણો છે જે આપણું હાર્ટને કમજોર બનાવે છે. પહેલા હૃદયના રોગો વધતી ઉંમર સાથે આવતી હતી પરંતુ હવે તે નાની ઉંમરે જ જીવલેણ બની રહ્યા છે. કેટલાક વર્ષોમાં આવા ઘણા કિસ્સાઓ સામે આવ્યા છે, જ્યારે નાની ઉંમરમાં હાર્ટ એટેકના કારણે ઘણા લોકોના મોત થયા છે. એટલા માટે હૃદયનું ધ્યાન રાખવું સૌથી જરૂરી છે.

હૃદયના સ્વાસ્થ્યને કોણ પહોંચાડી રહ્યુ છે નુકસાન 
હેલ્થ એક્સપર્ટના મતે, ખરાબ લાઇફસ્ટાઇલ અને ખાનપાનના કારણે હાર્ટ પર ખરાબ અસર થઈ રહી છે. હ્રદયને લગતી ઘણી એવી બીમારીઓ છે, જેની ચર્ચા ઓછી થાય છે, તેથી મોટાભાગના લોકો તેનાથી અજાણ હોય છે. આ કારણે તેના પર વધારે ધ્યાન આપવામાં આવતું નથી અને તે હાર્ટ એટેકનું કારણ બની શકે છે. તેથી જ દરેક વ્યક્તિએ આ સમસ્યાઓ વિશે જાણવું જોઈએ.

હાર્ટ એટેકનું કારણ બની શકે છે આ બીમારીઓ  
પ્રિન્ઝમેટલ એનજાઇના 
જ્યારે હૃદયમાં બ્લડ સર્ક્યુલેશન ઓછું થાય છે, ત્યારે તે પીડા પેદા કરે છે, જેને એન્જેના કહેવાય છે. પરંતુ પ્રિન્ઝમેટલ એનજાઇના વિશે માત્ર થોડા જ લોકો જાણે છે. તેને તબીબી ભાષામાં વાસોસ્પેસ્ટિક એન્જાઇના અથવા વેરિઅન્ટ એન્જાઇના તરીકે પણ ઓળખવામાં આવે છે. એસટી સેગમેન્ટમાં અમુક ઇલેક્ટ્રોકાર્ડિયોગ્રાફિક ફેરફારો છાતીમાં દુખાવો અથવા બેચેની થઇ શકે છે. જ્યારે પ્રિન્ઝમેટલ એન્જાઇના થાય છે ત્યારે કોરોનરી ધમનીમાં ખેંચાણ થાય છે. જો કે, આવું ભાગ્યે જ જોવા મળે છે.
 
STEMI હાર્ટ એટેકનું કારણ 
એસટી એલિવેશન મ્યોકાર્ડિયલ ઇન્ફ્રક્શન (STEMI)મહિલાઓમાં ખૂબ સામાન્ય છે. આ એક ગંભીર પ્રકારનો હાર્ટ એટેક છે. તે હાર્ટ એટેકમાં સૌથી ખતરનાક અને ઘાતક માનવામાં આવે છે. તે હૃદયના નીચેના ભાગોને સૌથી વધુ અસર કરે છે. તે ઘણી ગંભીર સમસ્યાઓનું કારણ પણ બની શકે છે. આ રોગમાં મુખ્ય કોરોનરી ધમની સંપૂર્ણપણે બ્લોક થઈ જાય છે. તે સામાન્ય હાર્ટ એટેક કરતાં વધુ જોખમી છે.

કાર્ડિયક સિંડ્રોમ એક્સ (CSX) 
આ બીમારીમાં ટિપિકલ અથવા એટિપિકલ એનજાઇનાના કારણે દુખાવો થાય છે. તેમાં, એન્જીયોગ્રામ ટેસ્ટમાં કોરોનરી વેસ્ક્યુલરના લક્ષણો દેખાતા નથી. આ કારણોસર, તેની સારવાર ખૂબ મુશ્કેલ હોઈ શકે છે. હેલ્થ એક્સપર્ટ મુજબ, તે ખૂબ જ ગંભીર અને ખતરનાક હોઈ શકે છે. આ રોગમાં જીવનની ગુણવત્તા પર નકારાત્મક અસર પડે છે.

બ્રોકન હાર્ટ સિંડ્રોમ
આ ખૂબ સામાન્ય છે. તેને તાકોત્સુબો કાર્ડિયોમાયોપથી નામે પણ ઓળખવામાં આવે છે. ઇમોશનલી વીક હોવાની કંન્ડિશનમાં આ બીમારી થઈ શકે છે. આમાં હૃદયના પમ્પિંગ એરિયાના કદમાં ફેરફાર થાય છે. બ્રેકઅપ કે અન્ય કોઈ ઈમોશનલ કન્ડિશનમાં તેનું જોખમ વધુ હોય છે.

Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.