ચોંકાવનારો સ્ટડી / આજથી જ તમારી લાઇફસ્ટાઇલમાં લાવો આ બદલાવ, નહીં રહે 'કેન્સર'નું નામોનિશાન

• કેન્સરના કારણે અનેક લોકો જીવ ગુમાવે છે
• કેન્સર જીવલેણ બિમારીઓમાંથી એક
• પરસેવો વળે તો કેન્સરના જોખમમાં ઘટાડો થાય છે

ભારતમાં દર વર્ષે કેન્સરના કારણે અનેક લોકો જીવ ગુમાવે છે. કેન્સર જીવલેણ બિમારીઓમાંથી એક છે. હાલના સમયમાં ખરાબ લાઈફસ્ટાઈલને કારણે કેન્સરના જોખમમાં વધારો થયો છે. તમામ ઉંમરના લોકો કેન્સરની ચપેટમાં આવી રહ્યા છે અને મોતને ભેટી રહ્યા છે. તાજેતરમાં થયેલ એક સ્ટડીમાં ખુલાસો થયો છે કે, નિયમિતરૂપે 4-5 મિનિટ સુધી સખત મહેનત કરતું કામ કરવાથી અને પરસેવો વળી જાય તો કેન્સર થવાના જોખમમાં 32 ટકા સુધી ઘટાડો થાય છે. 

આ બાબતે રિસર્ચ કરવા માટે જે લોકો વધુ શારીરિક શ્રમ નથી કરતા 22,000 લોકો પર ધ્યાન રાખવા માટે વિશેષ ઉપકરણ લગાવવામાં આવ્યા. ઓસ્ટ્રેલિયાની સિડની યુનિવર્સિટીના રિસર્ચર્સે કેન્સર પર નજર રાખવા માટે 7 વર્ષ સુધી આ વિષય પર સ્ટડી કર્યું. સ્ટડી પરથી જાણવા મળ્યું કે, જે લોકોની લાઈફસ્ટાઈલમાં 4-5 મિનિટ સુધી સખત શારીરિક શ્રમ કરવાનું શામેલ છે, તે લોકોને કેન્સર થવાનું જોખમ ઓછું છે. જ્યારે જે લોકો 4-5 મિનિટ સુધી સખત શારીરિક શ્રમ નથી કરતા તેમને કેન્સર થવાનું જોખમ વધુ છે.

આ એક્ટિવિટીથી કેન્સરનું જોખમ ઓછું થઈ જશે
કઈ એક્ટિવિટી કરવાથી કેન્સરનું જોખમ ઓછુ થઈ શકે છે. આ બાબતે સ્ટડીમાં જણાવવામાં આવ્યું છે કે, પરસેવો નીકળી જાય તેવી 4-5 મિનિટ સુધી કસરત કરવાની એક્ટિવિટીમાં સખત પરિશ્રમયુક્ત ઘરનું કામ, કરિયાણાની દુકાનેથી ભારે સામાનની ખરીદી, ઝડપથી ચાલવુ, બાળકો સાથે રમવું શામેલ છે. રિસર્ચર્સ જણાવે છે કે, જે લોકો પરસેવો નીકળી જાય તેવી મહેનત કરતા નથી, તે લોકોને કેન્સર થવાનું જોખમ રહે છે. 

રિસર્ચર્સ શું કહે છે
આ સ્ટડીના લેખક પ્રોફેસર ઈમૈન્યુઅલ સ્ટામેટાકિસે જણાવ્યું છે કે, મધ્યમ વયના લોકો નિયમિતરૂપે કસરત કરતા નથી, જેના કારણે તેમને કેન્સર થવાનું જોખમ રહે છે. નિયમિતરૂપે એક્ટિવિટી ટ્રેક કરતા ઉપરકરણો આવ્યા પછી રોજબરોજની મહેનત સંબંધિત એક્ટિવિટી અને તેની અસર જોઈએ શકીએ છે. નિયમિતરૂપે 4-5 મિનિટ સુધી પરસેવો વળે તેવી કસરત કે પરિશ્રમ કરવાથી કેન્સરનું જોખમ ઓછું થઈ શકે છે. 

(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)